女人街食飯公司

营业中

休息中

女人街食飯公司經常大排長龍，裝修充滿港式風情，營業時間更達至12時，十分適合遲放工的人士。點了幾道餸菜，全部都好高質。蔥油走地雞搭配蔥油調味，展現出濃郁的香氣和口感。走地雞肉質鮮嫩，搭配蔥油的香氣，增添了一層豐富的風味。蒜蓉粉絲蒸元貝蒜蓉粉絲則增添了香氣和口感。元貝肉質鮮嫩，搭配蒜蓉的獨特風味，使得整道菜色香味美，撈飯一流。粉絲蒸煮適度，讓人一口接一口。蒜蓉粉絲蒸蟶子皇蟶子皇肉質鮮嫩彈牙，搭配蒜蓉香氣，絕對是海鮮愛好者必點。風沙九肚魚九肚魚肉質鮮嫩，炸過後魚肉依然保持了鮮嫩多汁的口感，點上喼汁可以提鮮。脆炸鮮魷鮮魷片經過脆炸處理而成，外層酥脆，口感極佳。脆炸的技巧使得鮮魷保持了鮮美的口感，同時增添了一層香脆的口感。女人街走大排檔風，菜式每樣都有獨特的風味和口感，價錢不貴，份量又多，絕對抵食。

黎到旺角呢間由開業到而家都人氣不減既室內大排檔, 相信大部分人都會食過, 呢度既裝修完全係會令你走入左老香港既感覺, 由摺枱到用既碗筷都勁有Feel, 可惜坐爆曬人唔方便影相, 大家可以自己黎感受下😊 食物選擇既款式都相當多, 有啲仲要係出面比較少見到既懷舊菜式添😋士多啤梨腩排🍓($128)濃厚酸甜既士多啤梨醬完美地包裹住每一舊腩排, 仲有啲士多啤梨果肉, 酸既味中和左甜膩既感覺, 係幾特別既一道菜☺️曼谷鹹魚炒芥蘭🥬($88)鹹香味濃郁, 芥蘭翠綠爽脆, 再配上蒜頭好啱送飯😄蝦籽豬油渣撈麵🍜($62/$108)用左爽口彈牙既鹼水麵配上大量既蔥花同蝦子, 仲有食落油脂味香濃既豬油渣好正🥰 呢個麵有大同細兩個Size, 如果唔大食既兩個人share一碗我覺得都夠😉呢度既氣氛真係好熱鬧好正, 仲有好多遊客黎幫襯, 所以唔想等位既話記得預早卜位呀😚

👨🏻‍🍳女人街食飯公司 (旺角)📍旺角通菜街1A-1L威達商業大廈1樓B室 「少有不好食的大排檔，仲要有人室內吸煙🤮」 #latergram #想留個記錄憑記憶re-post返手機的食物相🙈 2021年食，印象就系有人食煙、服務態度麻麻同吾好食🥲吾知宜家仲系咪允許食客室內吸煙🥲寧願熱D食室外好食的大排檔，都不想一邊食飯一邊食二手煙🥲當時我地6人 (有book枱)，明明仲有幾張中型枱，系要我地坐大枱🥲 🍽️黑松露鮮蝦多士為左蝦多士黎食，不過麻麻地，成個口感好膩😣 印象中系香煎手打墨魚餅好食D，其他都一般般，仲要價錢吾平🙈大家食完的評價都系 : no more🥲

身邊又多一位朋友要移民啦！同佢Farewell我就揀咗旺角嘅女人街食飯公司！我地叫左*黑松露鮮蝦多士✨屋村三鮮 （生腸、墨魚、雞腎）✨金沙脆鮮魷✨鳳梨懷舊咕嚕肉✨黑椒蜜餞薯仔牛柳粒✨另外仲嗌咗個雜菜煲同小炒王😜其實呢度啲野偏細碟😂而且無乜鑊氣😅最好味係黑松露鮮蝦多士，炸得唔太油膩，幾好❤️不過志在有個地方同朋友飲下酒、吹下水，旺角地點畢竟方便嘛！女人街食飯公司 (旺角)旺角通菜街1A-1L威達商業大廈1樓B室

好記得細個去茶樓飲茶，手寫牌、龍鳳裝飾、鐵皮茶壺經常都會見到😌但而家呢啲懷舊裝飾已經好少見🥲估唔到喺旺角「女人街食飯公司」竟然見得返❣️.餐廳裝修別具用心，周圍都係老香港情懷嘅裝飾🇭🇰唔講以為返咗去六七十年代嘅香港😆喺度食飯特別有氣氛，而且餐廳開到12點，夜晚行完街都仲食到😝.🍴蒜蓉粉絲蒸新西蘭蟶子王成隻手掌咁長嘅蟶子王勁吸引😍吸收晒豉油、蒜蓉嘅精華，更突顯出蟶子鮮甜，且非常爽彈😋.🍴鐵板黑椒京蔥牛仔骨💰$148燒紅咗嘅鐵板上到嚟嗰陣咋咋聲🔥香氣四溢🤤黑椒醬嘅微辣帶點惹味，牛仔骨唔會太韌啱啱好，份量都幾多下😙.🍴豉油王龍鬚炒麵💰$98炒得夠乾身，唔會油淋淋😌我有芽菜、蔥、魷魚🦑鍾意濃味啲可以加埋辣椒醬🌶️

約friend 食飯，如果咁啱大家都係九龍區，又想食中式嘅嘢，通常我都會諗到女人街食飯有限公司，都已經唔記得私心推介過俾幾多friend 子。女人街食飯有限公司，聽名個個都對佢已經好好奇，位置仲好易記，真係喺女人街。訂咗位夜晚8:30 ，基本上都要等，夜晚開到12點，想食宵夜嘅朋友仔，諗諗佢。同朋友兩個人嗌咗四個小菜，每款都令我心心眼🥹正呀 多啲人食嘅話仲正，事關OpenRice個熱門推介list水蛇春咁長。✨爽脆麻辣魚皮 餐前點咗個小食，嗜辣嘅我，超鍾意！魚皮非常爽口，而且有一定嘅厚度好有咬口。麻辣花椒味香，但只停喺口腔嘅，唔會辣到落胃咁辛苦，亦不油膩✨鐵板鐵板虎皮尖椒醬爆黃鱔上枱嘅時候超級熱，渣渣聲勁大煙，香氣四溢。虎皮尖椒炒得好香，中間仲有啲地方好辣，黃鱔平時自己煮，完全冇骨，而且整得好香口。✨蝦醬蒸豬頸肉朋友話好耐冇食過家常飯，想食吓蒸小菜。估唔到都幾有水準，豆腐好嫩，蝦醬味濃亦都唔會死咸。✨是日海鮮 蟶子王夥計推介，今日海鮮唔錯，就帶咗兩隻蟶子。價錢唔算貴，清潔得好好，完全冇沙，似平時酒樓食咁，加埋粉絲吸晒海鮮嘅精華。同行嘅朋友都話呢個係好介紹，下次有機會嘅話要約一大班朋友再

❀┈┈┈┈┈┈┈┈┈┈┈┈┈┈期望過高的人氣打卡大排檔😕早一星期跟朋友們去了旺角高人氣的女人街食街公司享用晚餐我們有預早訂枱 6點到達門外已很多人walk-in等位餐廳環境到處都充滿懷舊風 的確很適合打卡┈┈┈┈┈┈┈┈┈┈┈┈┈┈𐂐 ⠜黑松露厚多士 $112@4 (7.5/10)𐂐 ⠜八味脆豆腐 $62 (7/10)𐂐 ⠜八味脆鮮魷 $108 (6.5/10)𐂐 ⠜鳳梨懷舊咕嚕肉 $118 (7/10)𐂐 ⠜砂煲臘味豬油煲仔飯 $88 (6.5/10)𐂐 ⠜鐵板黑椒京蔥牛仔骨 $148 (6.5/10)𐂐 ⠜青檸梳打 $26𐂐 ⠜忌廉 $14整體比想像中失望 食左個空虛呀食物份量都好少 當天大家只有6成飽 尤其煲仔飯臘味是呈粒狀 超級少😐豬油份量都唔夠 失色了味道正常 但食物本身的溫度不夠 鑊氣當然都不夠🥲而鐵板黑椒京蔥牛仔骨鑊氣夠 不過調味勁咸🤣蝦多士我覺得好吃的！蝦肉彈牙 黑松露醬汁也很足夠👍🏻另外當日大家食得快 一放低碗筷店員9秒9收曬枱上所有野 呢個感覺唔太好無下次 同類型可以有更好😂┈┈┈┈┈┈┈┈┈┈┈┈┈┈Ig @cheri_foodiary

一向熱愛炒小菜嘅我其實已經bookmark左呢間女人街食飯公司，book左十次，亦cancel左十次都出席唔到，唔係朋友有事就打風要改期。終於今日可以食到啦🤤🤤好彩一早OpenRice訂左位，去到嗰陣見到好多人等位。餐廳環境好有老香港嘅感覺，雖然知道係刻意復刻，但仍然得帶出老香港嘅情懷，要知道食物除左味道之外，仲包含回憶。就好似阿媽煮嘅餸咁，未必係最好味但總會令你懷念，記得以前啱啱出嚟做野邊有咁多錢去fine dining,同班friend放工聚埋一齊食飯都係去大排檔，青葱歲月總令人懷念，或者係情意結又或者係真係鍾意食炒小菜，所以久唔久都會同班friend回味下😌😌今次我哋試左👇🏻黑松露鮮蝦多士(每件$28,最少三件起)蝦大隻，彈牙爽口，多士炸到金黃香脆，夠乾身唔會食到成口油同埋最最最緊要冇油益味👍🏻👍🏻上面配有小小黑松露醬入口有淡淡嘅松露香，推薦🧡一口臭豆腐 $72鍾意食臭豆腐真係要試❤️佢一上枱係真係聞到幾臭架😂😂最加分係佢細細粒，唔會好漏好飽，點埋甜醬辣醬，真係食到停唔到口鳳梨懷舊咕嚕肉 $118咕嚕肉炸得夠脆，炸粉唔會過厚，鍾意佢唔會太大舊，容易食之餘仲能夠令醬汁同肉嘅比例更ba

成班朋友星期六6點半walk-in，完全唔使等有張大枱🤭裝修真係超有🇭🇰懷舊大排檔風味～🌊喜歡就記得CLS 再加Bookmark🔖🙂#小胖遊旺角🐠—————————————————🔹黑松露厚蝦多士 (5件) $140🦐蝦肉好彈牙，多士香脆又鬆化，表面黑松露醬香濃，點埋沙律醬食落無咁熱氣，友人食完一件已經想再嗌😂必食！🔹蒜蓉粉絲蒸大元貝 (5隻) $240元貝蒸得恰到好處，鮮甜肉嫩，蒸魚豉油提鮮，蒜蓉濃郁🧄，粉絲索晒精華🤤好味！🔹黑椒蜜餞薯仔牛柳粒 $168 十分有鑊氣🔥牛柳好軟嫩，黑椒味唔會太濃蓋過牛味，薯仔比較普通，因為表面唔夠脆🔹金沙脆鮮魷 $118邪惡之選😈咸蛋黃包住脆鮮魷，魷魚可以輕易咬開，完全唔韌，香口又不會太膩🔹杜小月櫻花蝦海鮮炒飯 $118鋪滿櫻花蝦，蝦肉超爽彈，用上蛋白炒飯，仲有叉燒同翠肉瓜，口感豐富，滿滿鑊氣✨🔹曼谷咸魚炒芥蘭 $88咸香味十足，芥蘭炒得好爽又甜🥬🔹古法脆麻花 (4件) $28同想像中有啲岀入，就係脆薄脆，幾香口唔會太糖，但比較普通🤔—————————————————🧜🏻口水度：🌕🌕🌕🌕🌑🤑性價比：🌕🌕🌕🌗🌑🧚🏻打卡值：🌕🌕🌕🌗🌑🥰舒適度：🌕🌕🌕🌕🌑🤤

女人街食飯公司，淨係個名都已經港味十足，將大牌檔既風味同特色帶入去有冷氣舒服乾淨既餐廳環境🥳晚市做到12點，可以舒服地享受港式大牌檔既懷舊味道👍🏻淨係個裝修都好值得打打卡，餐牌大量鑊氣小炒、懷舊港式菜，走吸引🤩馬拉盞時蔬炒牛肉，一上枱超級香，啲鑊氣飄緊出嚟咁🔥芥蘭炒，削開左啲芥蘭苗炒，手工就係依度，一食不得了外爽內腍滑，馬拉盞超夾，掛晒係啲菜度好惹味🤤牛肉似係牛仔肉，好嫩滑既肉質，每舊都帶焦香，相當高質既一道小炒🫠大牌檔食鑊氣無理由唔啤啤佢，嘉士伯配戰鬥碗，用戰鬥碗飲酒就係豪爽🍻海鮮時間🪼老陳皮蒸龍躉頭腩，用傳統中式瓷碟原碟蒸，隻碟上都仲好熱😙龍躉頭腩真材實料，新鮮，肉質爽身彈牙，骨膠原十足，啲豉油都好正好精華😍手工位又黎，啲陳皮絲真係切到超絲，平時有時一係就無味，一係就大大條搶晒啲鮮味，依個幼絲每舊魚腩一至兩條，味道平衡更有層次😘新西蘭蟶子皇，蒜蓉粉絲蒸，超大隻好鮮爽，價錢抵食，粉絲吸晒啲精華都勁好味😋啲餸菜上枱淨係賣相都贏🙈仲要照顧晒色香味，神還原大牌檔風味，食物真心超高質，手工菜🤩bookmarked❤️

而家呢個天氣食飯除咗有鑊氣最緊要係有冷氣🌬️ 裝潢有濃濃既舊港式風味。好有懷舊大排檔氣氛，但當然最緊要係佢哋乾淨好多～鳯梨咕嚕肉🍍酸甜醒胃，口感香脆唔會得啲骨同埋肥膏，炸漿唔厚，做得唔錯。青芥沙拉骨有陣陣芥辣香味🥴小小攻鼻然後再有沙律醬既甜，啖啖肉同時又有少少刺激～花枝餅金黃色好靚，爽口又鮮甜，唔會油淋淋瑤柱招牌走地雞份量大🐓雞肉嫩，最正係面頭滿滿既瑤柱同蔥，送飯一流～佢哋仲有配埋個蔥油醬同酸辣醬，更加多唔同變化～我哋無預先做功課，所以無嗌到呢啲既名物，但亂咁 order 啲食物水準都穩定，而且當日有小朋友一齊食飯，佢哋有兒童椅供應，坐得闊落舒服，係加分位～

大佬有時做搞手搞gathering，人多想要小炒+圓枱就會揀女人街～ 今日想食港式小炒又想要冷氣舒舒服服，所以再嚟咗～呢度門口對金龍金鳳同店入邊嘅霓虹燈招牌、鐵閘都係主打港式懷舊～ 幾有大排檔feel 秘製蔥油走地雞兩人份叫咗半只🤓雞皮滑滑的，肉質嫩滑，醬汁鹹香配蔥絲勁香口～ 用嚟送飯一流。金銀蛋浸時蔬清清地叫返個菜，金銀蛋加肉碎湯浸莧菜，下火又唔會太膩。金鴛鴦蒜粉絲蒸蟶子皇蟶子皇肥美肉質勁彈牙，鋪面嘅粉絲吸收晒精華，朋友話今日唔食海鮮🤭兩隻我食晒的，正正子

在Open Rich內看到這食市的介紹，於是與友人一試，到達後因無預約，大約等咗二十分鐘便有枱，場內環境十分懷舊，看菜牌後點咗香煎手打墨魚餅、招牌杏汁燉豬肺、蝦乾粉絲蒸勝瓜。未幾餸菜送到，杏汁燉豬肺湯十分美味，湯甜、濃厚杏汁再加上豬肺甜滑，很久無嚐過了；香煎手打墨魚餅彈牙，口感甜美；蝦乾粉絲蒸勝瓜，𧎚乾甜，粉絲滑，勝瓜爽總括：色香味俱全

女人街食飯公司係一間喺旺角嘅樓上大排檔，佢哋嘅裝修充滿香港嘅懷舊特色🇭🇰，一入門口已經見到有對金色嘅鳳凰做左右門神🧡🧡，再行入去就見到模仿舊式香港店舖嘅設計，再加埋舊式窗花🪟同警告標語牌📜，好有年代感，好似返咗去六七十年代嘅舊香港，連餐具同埋枱凳都用返大排檔款式，喺呢度食嘢真係別有一番風味。🥰🥰🥰黑松露厚蝦多士 $84睇相最想試就係呢個招牌菜式😍最啱大家做佐酒前菜。$28/件，最少3件起，多人就唔使諗叫幾多碟，一人一件啱啱好😂下層厚多士🍞炸到好鬆軟，外層脆卜卜，雙層炸蝦好新鮮🍤上面仲加咗黑松露醬好香，係嚟呢度嘅必上菜式👍🏻👍🏻👍🏻鳳梨懷舊咕嚕肉 $118喺大排檔最常嘅一道餸，亦都覺得係最考廚師功夫嘅一道菜👨🏻‍🍳咕嚕肉炸粉唔厚，咬落去唔會覺得食咗一Pat粉漿，而係有少少脆卜卜之後就食到肉，咕嚕醬都調得啱啱好，唔會太酸👍🏻金菇沙茶肥牛煲 $138覺得喺大排檔一定要叫返個煲仔菜😂呢個煲落咗好多沙茶醬，一啲都唔孤寒，所以沙茶味好夠，金菇同墊底嘅粉絲吸晒沙茶醬汁，送飯一流🍚牛肉質素唔錯，咬落好有牛味，一啲都唔硬🐮金鴛鴦蒜粉絲蒸蟶子皇 $96大排檔點都要叫返碟海鮮，我呢個貝殼精🐚今次叫咗蟶子皇。

女人街食飯公司係一間好吸引嘅餐廳，唔止菜式多樣豐富，仲有好方便嘅營業時間。佢哋晚市營業到夜晚十二點🕰️，真係迎合咗夜遊一族嘅需要🦉。唔論你同朋友夜晚想食夜宵，定係工作遲放，都可以黎呢度解渴解飢！除咗營業時間吸引，佢哋嘅菜式都令人垂涎三尺。首先係黑松露鮮蝦多士🍞，真係太正！脆口多士包住鮮蝦🍤同黑松露，一口咬落去，黑松露嘅香氣同鮮蝦嘅鮮味立即爆發，好滿足味蕾！鳳梨懷舊咕嚕肉🐷都係一道令人回味嘅經典菜式。酸甜嘅鳳梨同埋咕嚕肉嘅香脆口感絕對係絕配，每一口都好享受，令人唔捨得停筷！金菇沙茶肥牛煲🍲係一個值得一試嘅菜式。濃郁嘅沙茶醬同鮮甜嘅金菇同肥牛燉煮，湯汁香醇美味，肥牛軟嫩多汁，金菇爽脆，食落好過癮！最後，金鴛鴦蒜粉絲蒸蟶子皇絕對係一個驚喜。用蒜粉絲作底，蒸煮出來嘅蟶子皇鮮嫩多汁，同蒜粉絲嘅香氣互相襯托，味道獨特，好有驚喜感！👍🏻總括而言，女人街食飯公司係一個好適合夜遊一族嘅餐廳。佢哋嘅菜式豐富多元，每一款都有獨特嘅風味，而且營業至夜晚十二點，真係方便又好食！無論你係夜晚嚟食夜宵，定係想晚啲工作完食飯，記得嚟女人街食飯公司啊！❤️❤️❤️