100
39
13
港铁旺角站 D2 出口, 步行约8分钟
继续阅读
电话号码
27133209
附加资料
不設外賣送貨,但設有外賣自取
营业时间
星期一至日
07:00 - 19:30
以上资料只供参考，请与餐厅确认详情
相关文章
我在亞皆老街一家琴行工作,每天都是下午茶和蛇王時候一定去奇香,明哥是樓面,老闆就打領帶西褲在水吧忙於工作,老闆娘就櫃面,後來老闆移民,明哥接替冰室,鮮茄牛意一樣咁好食,後來我都離開了這區,閒時都會再去找找明哥吹水懷念過去......60年前的奇香....是,60年前已經是奇香常客,到今天都一樣,點解你冇相貼出來,相係用來睇,最繄係情..味..真,唔係偽冰室..支持老冰室
继续阅读
因為之前表弟黎香港要去何文田個邊考試。考完就帶佢去附近食野。佢話想試下香港傳統既冰室，我就揀左呢間。一入去已經覺得好古舊，好有香港7-80年代既感覺，地方唔大，而且都要等一陣先入到去食。我地叫左招牌蕃茄牛肉意粉同湯意粉。再加左奶油豬同咖央多士。落單個陣要大嗌要食d咩，老闆就會記得，唔洗落單，所以怕羞d都唔得。味道方面，意粉就似屋企食到既味道，好熟悉既感覺。而奶油豬就推薦既，好脆好好味，有茶餐廳既水準。想食傳統既冰室味道，就可以試下呢間。
继续阅读
呢間暫時係我食過唯一一間有燴通粉食而又好食嘅地方。之前響澳門食過一間超級難食啲茄汁唔知點樣一啲茄汁味都冇 ，又唔夠rich食完不知幾後悔! 今晚因為時間尚早先至可以食到咋，因為呢間鋪頭七點半收工㗎 ！鋪頭由兩夫婦經營，見到好多都係街坊嚟幫襯，全部都熟晒㗎啦 ！之前間唔中過嚟呢邊上堂有機會食到，而家真係好難先有機會食 ！其實燴意粉坊間比較多，燴通粉真係唔係度度有得食，仲要好食果下先抵死吖嘛 佢絕配嘅小紅腸係我哋每次去都要必食嘅，因為又係唔係度度地方有得食到 ，連我平時唔係好食腸我都覺得好味道兩個人每人要一碟又好似太多，所以就叫咗一碟雞絲腸仔蛋燴通粉再加件多士 ，晚餐輕盈小小啦！佢啲茄汁全部掛晒上啲通粉度，味道啱啱好 ，再加兩條小紅腸同埋好靚嘅太陽雙旦。最遺憾就係佢杯奶茶始終唔夠大排檔嗰啲咁有茶味咁香濃！晚餐兩個人80幾蚊仲想點先😋😋😋
继续阅读
而家新開嘅餐廳好多時都會做懷舊做主題，做返舊式嘅裝修話擺設泥模仿以前冰室嘅風味。但泥到奇香冰室，就唔使扮了。因為明哥（冰室老闆）屹立喺勝利道已經好多年，懷舊就梗㗎啦！奇香冰室唔大，可能總共都得10張枱左右，明哥有佢自己一套運作，落單從來都係就咁嗌出嚟，即叫即整。佢又會記得晒邊枱人嗌乜嘢，加蛋定加腸仔啊⋯埋單都係好心水清～入到去，其實餐牌上面選擇都唔多。泥泥去去都係果幾樣。我入到去一係就鮮茄牛肉燴意粉或者清清地嘅就係三絲湯通粉其實好食嘅地方,選擇真係唔需要多!佢個燴意粉係食過最好味嘅，真係冇乜地方做到佢“燴”既個種狀態，諗起口水都流佢個種鮮茄亦唔會太漏，正啦總之！支持老店❣️
继续阅读
以前細個響勝利道附近番學，所以成日都會響勝利道食晏。諗番起畢業之後都有十年冇番過黎呢邊，見今日下就放假，成日冇食過野，所以就黎左奇香室回味一下。今次叫左蕃茄繪牛肉意粉加煎蛋再加底。以前明明記得中學時叫個正常份量會好快食完，會唔夠飽，所以今次叫左加底，點知食唔曬添，只能夠講當時發梗育，所以胃口大啲。牛肉保持到以前既水準，蕃茄意粉比起出面有啲林，不過以前響度食都係咁，煎蛋可要可不要，冇咩特別。如果女仔黎食，食番正常份量就夠啦。
继续阅读