影片
以上资料只供参考，请与餐厅确认详情
相关文章
我在亚皆老街一家琴行工作,每天都是下午茶和蛇王时候一定去奇香,明哥是楼面,老板就打领带西裤在水吧忙于工作,老板娘就柜面,后来老板移民,明哥接替冰室,鲜茄牛意一样咁好食,后来我都离开了这区,闲时都会再去找找明哥吹水怀念过去......60年前的奇香....是,60年前已经是奇香常客,到今天都一样,点解你冇相贴出来,相系用来睇,最繄系情..味..真,唔系伪冰室..支持老冰室
继续阅读
因为之前表弟黎香港要去何文田个边考试。考完就带佢去附近食野。佢话想试下香港传统既冰室，我就拣左呢间。一入去已经觉得好古旧，好有香港7-80年代既感觉，地方唔大，而且都要等一阵先入到去食。我地叫左招牌蕃茄牛肉意粉同汤意粉。再加左奶油猪同咖央多士。落单个阵要大嗌要食d咩，老板就会记得，唔洗落单，所以怕羞d都唔得。味道方面，意粉就似屋企食到既味道，好熟悉既感觉。而奶油猪就推荐既，好脆好好味，有茶餐厅既水准。想食传统既冰室味道，就可以试下呢间。
继续阅读
呢间暂时系我食过唯一一间有烩通粉食而又好食嘅地方。之前响澳门食过一间超级难食啲茄汁唔知点样一啲茄汁味都冇 ，又唔够rich食完不知几后悔! 今晚因为时间尚早先至可以食到咋，因为呢间铺头七点半收工㗎 ！铺头由两夫妇经营，见到好多都系街坊嚟帮衬，全部都熟晒㗎啦 ！之前间唔中过嚟呢边上堂有机会食到，而家真系好难先有机会食 ！其实烩意粉坊间比较多，烩通粉真系唔系度度有得食，仲要好食果下先抵死吖嘛 佢绝配嘅小红肠系我哋每次去都要必食嘅，因为又系唔系度度地方有得食到 ，连我平时唔系好食肠我都觉得好味道两个人每人要一碟又好似太多，所以就叫咗一碟鸡丝肠仔蛋烩通粉再加件多士 ，晚餐轻盈小小啦！佢啲茄汁全部挂晒上啲通粉度，味道啱啱好 ，再加两条小红肠同埋好靓嘅太阳双旦。最遗憾就系佢杯奶茶始终唔够大排档𠮶啲咁有茶味咁香浓！晚餐两个人80几蚊仲想点先😋😋😋
继续阅读
而家新开嘅餐厅好多时都会做怀旧做主题，做返旧式嘅装修话摆设泥模仿以前冰室嘅风味。但泥到奇香冰室，就唔使扮了。因为明哥（冰室老板）屹立喺胜利道已经好多年，怀旧就梗㗎啦！奇香冰室唔大，可能总共都得10张枱左右，明哥有佢自己一套运作，落单从来都系就咁嗌出嚟，即叫即整。佢又会记得晒边枱人嗌乜嘢，加蛋定加肠仔啊⋯埋单都系好心水清～入到去，其实餐牌上面选择都唔多。泥泥去去都系果几样。我入到去一系就鲜茄牛肉烩意粉或者清清地嘅就系三丝汤通粉其实好食嘅地方,选择真系唔需要多!佢个烩意粉系食过最好味嘅，真系冇乜地方做到佢“烩”既个种状态，谂起口水都流佢个种鲜茄亦唔会太漏，正啦总之！支持老店❣️
继续阅读
以前细个响胜利道附近番学，所以成日都会响胜利道食晏。谂番起毕业之后都有十年冇番过黎呢边，见今日下就放假，成日冇食过野，所以就黎左奇香室回味一下。今次叫左蕃茄绘牛肉意粉加煎蛋再加底。以前明明记得中学时叫个正常份量会好快食完，会唔够饱，所以今次叫左加底，点知食唔晒添，只能够讲当时发梗育，所以胃口大啲。牛肉保持到以前既水准，蕃茄意粉比起出面有啲林，不过以前响度食都系咁，煎蛋可要可不要，冇咩特别。如果女仔黎食，食番正常份量就够啦。
继续阅读