影片
今日过开旺角，我见到有一间同棋哥烧鹅大王餐牌相似嘅舖头，个播晒电视机自己烧，谂住入去试一试，我叫咗个烧鹅拼乳猪饭，我做得生招牌，烧鹅同乳猪一次过试哂，一嚟到个卖相已经好差，乳猪啲皮系唔脆嘅，最过分嘅就系隔篱枱𠮶碟好靓，同个阿姐讲佢话，个个部份都唔同，咁就当算我唔好彩，啱啱𠮶一只最尾买剩，人哋就开一只新，但乳猪皮都唔脆，同埋边可以只只到咁参次，老实讲，次次去食棋哥都冇问题，系有新旧，但都唔会咁离谱。水渠道分店
继续阅读
2023年3月17号，下午14:17，本人去水渠道奇趣烧鹅大王，购买油鸡饭切鸡饭各一盒外卖。等候期间，本人礼貌向收银阿姐问：请问仲有免费例汤吗？怎知道收银阿姐用极不礼貌语气回应：你几耐冇帮衬呀？边有可能送免费例汤？烧味阿叔加入唱双簧：$3一个例汤，今时今日， $3仲边系钱呀？有乜理由送免费例汤？跟住佢哋两个不停口，你一言我一语对答：深水埗有间烧味舖够有免费例汤，你敢唔敢饮？人哋卖几钱？你比几多钱？两个不断将个话题发酵，不断单单打打，而我一直都冇出声⋯⋯直至等到最后⋯⋯我忍唔住口还击，好大声同收银阿姐讲：过年前买过一次外卖，当时系收银阿姐你主动送例汤俾我。我好客气去问你一句，唔送例汤就算啦，可以收口结朿。你两条友唔使一直讲落去，讲难听说话去单打客人，直头赶客咁，你两个态度，系咁样做生意咩？不断串贡贡咁去回应客人😡😡😡仲有，我系嚟帮衬，唔系向你地拎著数，你地咁样赶客，唔会再有下次⋯⋯🤬🤬🤬⋯⋯企我后面，仲有几位客人听到我哋嘅对话。呢两位企铺人士，我唔知佢地系老板定伙记。如果系员工，老板股东见到我留言，应该要炒咗佢地😡😡😡如果佢地系老板股东之一，祝佢地好生意做长啲⋯⋯奉劝各位开饭网客人小心中伏。
继续阅读
午餐经过见到购买，22蚊，单拼？试下！加多个烧髀都系20蚊只。共$42！就买来医肚吧！𠮶几块红肠加个饭：$22元正！点知出事⋯我直接跟师傅问究竟，得几片簿到咁既红肠？他说：$22蚊，你想点？哦！你不如卖10蚊啦！咁咪𩠌都唔洗俾？以优惠价益街坊，唔系出正常既出品俾客人？而将价就货？咁就唔系优惠价啦，即头系揾街坊笨啦？总结：饭冻、𩠌少、汁无味！食客执生吧！
继续阅读
有相为证，8月12日，行过见门口个牌写$110套餐，有半只鸡+半斤烧腩仔，于是买返屋企加𩠌，返到屋企打开个盒，话明烧腩仔，点知全部比晒啲做特价外卖饭盒嘅杂肉我，都算，食落一肚气，皮又韧又淋，肉质又干又鞋又无味，再睇埋盒鸡，无错系半只，不过啲油多到喺鸡嘅皮面形成咗一层保护膜，一食落口，哗...一阵酸宿味🤮🤮🤮，如果唔系呢只酸宿鸡，我都唔会写呢个食评，奉劝大家千万要小心，顺带一提，呢间垃圾好似系(唐X兴)集团嘅。
继续阅读
奇趣烧鹅大王位于旺角水渠道30-32号地下， 此店在弼街都有一另间分店，约50至70元左右一碟烧味饭，是一间中间的烧味店。由于此店子是一间只做外卖的烧味店，所以价钱上比弼街的分店平不少。单并饭盒只是20元，双并烧味饭也只不过是22元，在旺角来讲真的唔贵。叫了一个烧腩仔烧鸭饭，烧鸭卖相唔错，外皮唔谂，亦有不少肉，而烧腩仔有很香的肉味，肉质软谂，几好味，可惜的是外皮淋了少许，不过这是饭盒，烧味焗了一会难免会变淋。售22元，性价比极高。净食可能dry了一点，所以加多3元加一罐可口可乐，和去ok便利店买位盒维他山水豆腐花作甜， 这样就是$30的30/7粮尾晚餐。 Anyway, 贵有贵食，平有平食，只要食得好味食得饱，就已经满足了！
继续阅读