奇納百川 (已結業)

小編真係勁耐冇食過韓國嘢🇰🇷成日都心痕想食但係附近真係冇乜韓國餐終於喺海港城搵到間新派韓國菜💕如果有book位嘅話仲可以有海景位🌊📍三文魚子海膽忌廉汁烏冬（$ 188）哇哇哇呢個菜式名見到就已經想叫🔥黎到見到大量嘅三文魚子 一啲都唔孤寒✨而啲汁多到似水浸咁 唔使怕乾個汁好creamy所以烏冬掛汁力都幾強😍味道好濃鬱 無腥味 海膽份量都多讚岐烏冬彈牙煙韌😚三文魚子都好鮮甜、真心不錯📍明太子蛋卷紫菜包飯卷（$ 108）呢個kimbap就普通咗少少入面嘅材料主要係蛋捲為主加少少牛蒡同埋紅蘿蔔 增加口感😈另外都會配埋個明太子醬比你點有少少特別但質素一般 正常發揮😆📍奇太郎原味炸雞（$ 198）呢個炸雞有特別之處就係跟鐵板芝士🧀每食一舊雞就可以加一pat芝士有好正既拉絲效果😋個人來講覺得炸雞炸皮唔算好厚 肉質都juicy 可以try try〜不過提提大家芝士好快就凍曬會凝固咗到時就冇咁好食所以記得趁熱食🔥📍奶醬多（$ 72）❌不推薦❌呢杯係milkshake覺得味道特別就叫左〜點知甜到啊媽都唔認得 好似落左成更糖真係飲啖又要飲啖水杯野仲要好膩🥺唯一可取嘅就係重奶醬味..真係可不可再

同預期有出入既韓式餐廳😟〰️整體來講 可能因為地址問題啦 價錢都幾貴 環境黎講 好啱打卡 空間感大 設計都有心思 幾舒服的🧚🏻‍♀️但味道黎講 我覺得同韓國餐廳都有少少差距🤔奇太郎原味炸雞(跟鐵板芝士) $198炸雞係無骨雞肉 好大舊🤣味道方面 我覺得同韓式炸雞既炸法唔同 唔係正宗既炸雞 食一兩舊已經會覺得好漏 但不得不提 個鐵板芝士好好味💓好邪惡 芝士份量都好多 🦞海鮮煎餅 $128海鮮幾足料 啖啖都有八爪魚 蜆仔等 有辣汁可以配黎食 但唔會點太多 都幾咸的〰️🔅個人略嫌煎餅有啲太厚 好有飽足感🤣⚫️香煎帶子炸醬烏冬 $178熱愛韓食既我🇰🇷一直都好想試吓食炸醬麵〰️但又好驚同自己預期嘅味道有好大出入😂今次終於試啦！果然！真係同預期好大出入😂原來韓國炸醬係咁嘅味 有啲啲苦咁 味道都幾淡 我自己就唔太喜歡了😗但我覺得佢個烏冬都幾好味 好彈牙好有咬口 如果鍾意食炸醬麵嘅人可以試吓呢個啊😋👍🏻🍟番薯條配柚子蜜糖醬 $58番薯條都幾幼幾細條😂同圖片有少少出入 番薯條味道好好 好香番薯嘅甜味🍠可惜有少少太油〰️柚子蜜糖醬好有驚喜！兩樣嘢Mix埋好夾 令人好想一啖接一啖〰️

次次行過都見好多人排隊，今次見有coupon半價就入去試下望下個menu, 選擇其實唔多，不過我地2個人食叫兩樣野都夠了睇食評個個都話炸雞好食，就叫左個辣醬炸雞，望落個樣都正常嘅，食落就。。。皮唔夠脆，雞肉好厚但肉質唔可以話嫩。另一樣叫左海鮮煎餅，完全無特別，去酒樓食薄罉我覺得仲好食啲。總括黎講，呢兩樣嘢我只可以話唔難食，但絕對稱唔上好食，如果用原價係絕對唔值。咁半價呢，我覺得會有其他好啲嘅選擇。嗰兩張相係食完先影嘅，因為事前係無諗過影相。完全唔明點解or會咁多好評。

海港城嘅望海邊既餐廳除咗有高級西餐，仲有平民啲嘅韓國菜式(=´∀｀) 每張枱之間都好寬闊，仲有大海景，黃昏時間望住個海真係好舒服！海鮮薄餅 ($128)一份有八塊，餡料豐富，泡菜魷魚等等～麵粉漿唔算好厚，煎得外皮香脆，配埋啲醬都幾惹味💁🏼‍♀️牛肉飯卷 ($108)飯卷定價比一般韓國菜高，一份有10件，飯同牛肉比例相若～麻油紫菜令成個飯卷生息不少架( ´∀｀)！韓式醬油元蹄 ($138)豬手嘅份量唔多但味道取勝😆 肥膏同豬肉比例相若，食落唔會十分油膩，醃製嘅味道又剛剛好，比起德國鹹豬手更勝一籌，撈飯一流(๑･̑◡･̑๑)

平時如果唔做定research，通常去到間餐廳睇吓出邊多唔多人排隊就知佢好唔好食去海港城行完街咁多餐廳唔知揀邊間，見到奇納百川出邊超多人等位，唔執輸等埋一份先醬油炸雞$198朋友仔話想食醬油炸雞，點左一份試吓炸雞嘅外層脆卜卜，裏面啲雞肉又好Juicy，真係好正不過兩個人食都幾多，一個人可以食到成五舊炸雞，下次都係叫返一大班朋友一齊叫香煎帶子炸醬烏冬$178炸醬配烏冬幾得意，煙煙unun 好吸味薯格配香辣蛋黃醬$58一開始食蛋黃醬覺得好辣，點知越食越過癮，辣辣地又幾惹味 荔枝烏龍茶$48烏龍茶陣味幾清香，飲完好清爽

人氣尖沙咀韓國餐廳-奇納百川🇰🇷服務員態度和藹親切 有充足嘅人手係樓面😊個景係無敵大海景 不過今次冇幸坐到窗邊🤣秘製蒜香燒豬腩肉沙律$138微辣既蒜香味 配上燒豬腩肉 又香口又多汁🤤份量都幾大 2個人都食唔曬😳好掋食🥳韓式辣醬炸雞配鐵板芝士$198辣醬堅辣 大概係中辣以上🌶辣醬係另上的🙈食唔到辣既我 可以選擇以炸雞配鐵板芝士🧀 芝士充滿住濃郁既芝士 別有一番風味 好味😍番薯條配柚子蜜糖醬$58番薯條味道天然 無添加🤩柚子蜜糖醬味道清新 配埋個蕃薯條好juicy😚肥納百川 $72足料足味既大大杯榛子朱古力奶昔🌰😻凍焦糖咖啡$48有招牌logo 打卡都特別靚🤓

晚上7點幾 門口企左好多人 攞票大約要等2x張我地等左15分鐘 發現唔夠時間所以就叫左外賣自取跟住1x分鐘後 有個職員擺左袋外賣平台紙袋外賣喺門口張枱 但無叫任何外賣號碼之後幾個職員行來行去 間中叫下堂食號碼 等到8點半 人潮開始散 袋外賣仍然擺喺度完全沒有職員理過（因為我唔知道原來袋外賣係我既！）直到最後 門口無曬人 個職員不斷埋首叫堂食號碼 但其實門口得番我一個仍然沒有任何職員理個外賣 最後個職員先問我幾多號…..我話我係外賣自取…..佢地先醒覺！唔該間餐廳做好啲員工培訓啦！等左甘耐…炸雞凍曬..一句道歉都冇！絕對無下次！反正食物不過不失 廢事激氣！

/奇納百川🇭🇰/#sa尖沙咀篇 ➖➖➖<對住維港食日韓美食>➖➖➖位於海港城嘅LCX 呢邊都幾多食店呢間店都經過好幾次 見menu 幾吸引終於入左去食😙不過當日無炸雞、甜品同麵包😢所以原先想食嘅都食唔到佢種類選擇都多 其實偏向韓國菜多某部分窗邊位仲可以睇到會展維港心情都好啲😛➖➖➖1️⃣三文魚籽海膽烏冬 $188 整體份量ok 不過都夠飽嘅 賣相正正常常 烏冬質感都幾有咬口 唔太軟爛☺️而且都幾掛汁 個汁係用海膽汁同鰻魚汁整成味道甜甜地 唔算話好咸 會食到少少芝士味～三文魚籽同海膽再多啲就好啦➖➖➖2️⃣牛肉定食 $138 牛肉唔算話好韌 肉味都幾濃！不過整體份量偏少 而洋蔥會多啲食量大嘅未必會夠食另外仲有辣芽菜同泡菜伴碟 會偏辣➖➖➖3️⃣mocha $58 個公仔logo 印面幾可愛🙈朱古力味會較突出 記得搞勻先飲➖➖➖4️⃣焦糖蛋咖啡$68 甜度適中啦 會比mocha 甜少少因為多左層焦糖～ 感覺幾似越南嗰隻蛋咖啡咖啡都唔會好酸澀 有焦糖蛋平衡翻如果嗰層焦糖再稠身啲就好啦～傍邊仲有塊餅乾送口 不過偏腍➖➖➖

疫情帶挈嘅某種福利，就係香港人終於可以好好咁欣賞幻彩詠香江，唔使室外室內都同遊客逼大胃次次都係海邊睇，今次就去有海景view嘅韓國餐廳，試吓幻彩送飯食難得坐到窗邊位，當然要嗌返杯真露過吓癮。蘋果白桃果醋溝燒酒飲，果味鮮明，醋酸開胃，中和真露嘅烈性黃綠泡泡係檸檬同青檸蘭香子梳打，內裡含有大量蘭香子，雙檸出海帶嚟嘅酸甜，同花香一拍即合咁柔和紫菜包飯實在冇辦法唔嗌，大胃太鍾意食喇！佢地用咗靚牛肉，包得結實，點吓辣辣地嘅泡菜醬，醒胃到唔夠喉炸雞係飲酒必食，外皮炸得又薄又脆，而且充滿蜜糖嘅甜香點埋惹味蒜醬，配襯奇嫩嘅雞肉，冇得頂以pasta嘅食法食烏冬，混合超濃海膽忌廉醬每啖都有好多粒大小不一嘅魚子，好味到不能自拔

Happy Friday去海港城行街鬆一鬆，見到有間韓式餐廳幾多人排隊食、門面又幾有趣幾吸引，就決定排隊試試😀 嗰日咁啱俾我哋坐到海景位，佢個海景真係無敵配埋美食超正呀😆 最後我地叫咗沙律、炸雞同炒年糕一齊食～-秘制蒜香醬油燒雞沙律沙律裏面有生菜、蘿蔔絲、大蔥絲、薄荷葉，上面有已經切成一片片嘅燒雞肉，食起嚟好方便，雞肉份量好多真係啖啖肉。沙律正好可以中和下炸雞同炒年糕嘅油膩，入口清新解膩。-奇太郎原味炸雞（配鐵板芝士）炸雞大大件、夠曬多肉，外面炸得幾脆裡面肉質仲keep到幾多汁。鐵板芝士可以話係靈魂😍 鐵板可以keep住啲芝士溶化嘅狀態，配埋炸雞食有拉絲嘅效果。我仲將芝士配埋炒年糕一齊食，味道都好正呀🧀-韓式炒年糕炒年糕可以話係我最愛嘅韓式料理之一，每次去韓國料理餐廳都一定要叫。呢款炒年糕味道比我想像中辣咗啲，但係辣得幾過癮好惹味，怕辣嘅朋友就要注意啦🌶

There is no set lunch.Very simple, minimalistic decoration. Clean and simple.Ordered the creamy udon with sea urchin as it was good for photo shot haha.Tastewise, felt that sea urchin should be paired with something less strong  in taste, the portion size is a little small for the udon. Overall presentation is good, taste is average.The view is fantastic outside. 

芝士同炸雞係最邪惡嘅組合😇再加埋辣醬🌶一次過食咗三隻味道（$198）！佢個芝士仲可以用來點其他嘢，分量十足！我哋嗌多咗個番薯條（$58）本身已經配左好特別嘅柚子蜜糖醬，但係捲埋芝士食就係另一番風味。呢度最正嘅仲有最靚嘅維港海景，係可以一邊欣賞海景一邊嘆三文魚子海膽忌廉烏冬（$188），每一啖都沾上濃郁海膽味嘅醬汁，鮮味濃郁。上面的海膽毫不吝嗇，每人足足都食咗幾片！仲有好多好多三文魚子，咬開嘅時候鮮味湧入口中，正呀！

係海港城搵餐廳又要用到coupon,行行下見到呢間係lcx 門面又好可愛既餐廳 原來係食韓國野 平日夜晚人唔算多 等左20分鐘就有位牆上面既畫係可以買既，見到千二蚊一幅menu都變左天書價錢正常首先叫左蕃薯條配柚子芥末醬，薯條好多，係一大籃滿滿的，有少少鹽調味，但薯條本身就甜甜地，取到個平衡。配上個柚子芥末醬，好fresh同埋好match, 印象中好似5x, 幾抵食叫左個荔枝茶，味道係好味既，唔係假既荔枝糖漿，不過比較多冰牛肉炒粉絲，牛肉份量都算多，粉絲無炒到散晒仲好彈牙，外貌都靚仔，不過師傅真係皇手左少少，甜左d最尾上左呢個三文魚子海膽忌廉醬烏冬，超級推薦！本身個口感好creamy 配合三文魚同海膽既鮮味，好有層次！最出色我覺得係加左大蔥，令到個麵更加香口。 呢間餐廳無論野食，服務同裝修都非常唔錯，下次會再黎試試其他野食

我同朋友都太掛住韓國🇰🇷 所以去左食奇納百川 😋 兩個人被安排坐六人枱😂 超濶落😎 如果好彩坐到窗邊位會重正，因為可以望住維港海景😍我地叫左三文魚子海膽忌廉醬烏冬🍝 韓式辣醬炸雞🍗 配芝士🧀 明太子蛋卷紫菜包飯卷🍙 飲品叫左黃綠泡泡🍹同紅橙泡泡🍹炸雞外脆內軟🍗， 脆漿唔算厚，雞肉都算juicy👍🏻 配埋個韓式辣醬， 味道唔錯😎 但最正係個芝士🧀 上枱個時係重滾緊， 做到拉絲效果😋 烏冬我覺得好好食❤️ 海膽算鮮甜， 烏冬好creamy😋 再配埋三文魚籽同好似黃羅白既配菜， 增加左成個口感👍🏻紫菜包飯我覺得味道正常， 但無咩特別😂 但可以一解韓國既癮🤣兩杯野飲既賣相都好靚❤️ 黃綠泡泡係青檸檸檬梳打🍋 紅橙泡泡係香橙西柚梳打🍊都幾fresh， 唔算甜☺️不過可能係海港城既關係， 佢定價都幾進取😆味道 🌕🌕🌕🌗🌑環境 🌕🌕🌕🌗🌑服務 🌕🌕🌕🌗🌑性價比 🌕🌕🌕🌘🌑小貼士 ❤️ 餐廳原來限時60分鐘😂 但無人同我地講， 食左45分鐘先同我地講last order， 攪到我地食得有d 狼狽🙈 所以如果想慢慢食傾下計， 依間未必係好選擇😆

餐廳係有個好靚好舒服嘅環境，有一半嘅枱仲可以睇到維港景，近窗位想盡量放多啲枱，所以坐得逼啲，睇唔到景個啲位就係梳化卡位。我七點左右walkin，成間餐廳無咩人，叫左沙律，海鮮煎餅，手搓意粉，兩杯乳酪飲品。意粉質感幾彈牙，味道唔錯。乳酪飲品味道清新，似益力多味，幾大杯。沙律大份，不過無咩特別，雞肉好硬。煎餅最普通，又細份，$150左右一份，無咩驚喜。最失望係服務態度，我食左45分鐘左右，主食都未食完，就有店員問last order，因為個時人開始多。知佢急我地已經炸炸臨飲埋杯野想走，期間又問last order，其實可以上牙籤呀，有禮貌得黎又易明。我朋友飲完杯野個下，真係個嘴離開飲管個𣊬間，張單立即送到枱面，非常之急。每人食$300，我唔預期頂級服務，但係唔好做到茶餐廳咁趕呀，到我走個時八點左右，坐左60分鐘左右，說好的用餐時間90分鐘呢？