影片
营业时间
今日营业
09:00 - 21:00
星期一至日
09:00 - 21:00
以上资料只供参考，请与餐厅确认详情
相关文章
女友人YT五月尾结婚，佢俾咗奇华$50 .00嘅礼劵我哋，到9-8-2025（Sat）朝，我同老公送完回收物品同食完早餐后，谂起呢喥有奇华，于是嚟攞嘅传统嫁喜礼饼做10-8-2025（Sun）早餐，嚟到时睇吓传统嫁喜礼饼，咁啱成间店，店员偏偏执𡁵𠮶个角落，我哋就系咁等，终于等完行埋去睇，见到咩红绫，黄绫酥，都系$25.00一个，咁一张礼劵，咪只可攞两件？睇吓全蛋糕，冇传统大大个，只有迷你，但又见到有$12.50一个嘅迷你传统嫁喜礼饼，咁不如攞呢啲4件，可以食多啲味。到10-8-2025（Sun）晏昼，我哋就先拣早啲到期嘅嚟食，就系迷你蛋黄豆蓉酥同迷你蛋黄豆沙酥，切开睇，一个浅色一个深色，酥皮层甩落嚟，我先食迷你蛋黄豆蓉酥，唔太甜，味道清清地，酥皮同蛋黄都干，但蛋黄都算香。3.8分而迷你蛋黄豆沙酥嘅味道明显浓好多同甜啲，我个人唔系咁钟意。3分再晏啲，我就食埋另外𠮶两只，迷你金华火腿酥其实我从未见过金华火腿酥，呢个材料丰富， 食，就系甜，口感有烟韧有脆嘅，有原粒杏仁 ，但其实我真系唔钟意食金华火腿，呢啲系唔会自己畀钱买嘅嘢。3分迷你蛋黄莲蓉酥自己本身都好耐冇食莲蓉，真系一年一次，因为有传统月饼食，而呢个就系正正常常嘅味道。4分我喺喥攞食物时，件件酥皮都裂，冇一件系完整。题外话：中式传统结婚礼饼嘅馅，其实同月饼嘅馅冇分别。上次食评系2017年11月8日提交嘅篇：https://www.openrice.com/zh/hongkong/review/%E6%9C%89%E7%9B%8A%E7%B3%96-e2908724
继续阅读
经过舖头见到奇华 crossover Line Friends，SO CUTE😍就忍唔住买左两set😂-⭐️星星盒单个装 & 一盒四个装CHOCO朱古力香橙乳酪奶皇BROWN 朱古力奶黄月饼SALLY 蛋黄奶黄月饼CONY 士多啤梨乳酪奶皇-唔同set会跟唔同crossover产品🤩星星盒单个装set 跟一个环保袋 & 冰巾一盒四个装set 跟一个环保袋 & 缩骨遮*环保袋可以收纳到劲细粒，方便带出街，唔会占好多位👍🏻👍🏻
继续阅读
今日食完午餐，行过悦来坊的奇华饼家，买左个凤梨酥做点心毎人好钟意食凤梨酥，尤其系土凤梨馅开袋，已闻到好香牛油味，入口，有点杏仁味，唔松软，较实，凤梨就好好味，带酸且甜，但杏仁太味太重，个人就唔太钟意
继续阅读
过农历年，总会收到少少新年贺礼，但大多数不外乎喺超市买嚟嘅传统贺年礼盒装，当然，不乏有心思嘅贺礼，就好似呢份友人所送嘅，就颇有趣，喺嚟自奇华出品嘅「小丸子孖装礼盒」，外观非常应节。腰果牛油曲奇花轮同学嘅罐内，喺腰果牛油曲奇，其实，以往都食过奇华嘅曲奇，知道佢哋嘅质素一向唔错，而今次嘅曲奇，虽然简单，但水准稳定，曲奇本身松脆而富牛油香，而且，混有脆口嘅腰果粒，转眼就KO晒6块。芝麻花生软糖而小丸子罐内，喺奇华一向有卖开嘅唐式零食芝麻花生软糖。数一数共有10粒，一样喺独立包装，够卫生。粒粒花生糖都沾满黑白芝麻，甚富芝麻香，咬落柔韧有咬口，但花生却又保持脆口，加上唔太黏牙，好食。虽然小弟对小丸子嘅懐旧感唔喺好深，但都知道呢套喺一出有趣嘅动画，而亲友嘅细路中，有啲更喺小丸子嘅粉丝，所以，曲奇同软糖就由我食晒，两个小圆罐就留番俾佢哋。
继续阅读
因为需要在悦来酒店转乘巴士，看一眼九巴app，巴士还有十多分钟才到，立即转入悦来坊奇华饼家。每次入奇华，首先一定系行去看中式嫁喜礼饼，本人超级喜欢各款中西酥皮食物，今次放弃了红绫莲蓉酥，买了五彩皮蛋酥和金华火腿酥，另外又拿了几个土凤梨酥。店员妹妹好醒，即刻问我有没有会员卡，没有的话可以考虑买多少少，购物150元就可办入会手续，不用下载app当然系买买买入会啦！刚刚好砌够150蚊！这个471卡路里嘅原个皮蛋酥必然系今朝早餐，非常like奇华将包围皮蛋嘅红姜豆蓉做成小小"流心"状态，平衡了皮蛋相对嘅口感。坊间有些店把这份豆荳做得死实烂实，你就会觉得成只皮蛋酥系一个粉团。土凤梨酥为何贵过凤梨酥？因为饀料系只有菠萝肉，没有添加冬瓜蓉之类，菠萝肉没有打得太碎，还能够看到一丝丝纤维。皮蛋酥加上一杯浓茶，太满足了，够钟开工。
继续阅读