太興 (慈雲山中心)

营业中

休息中

三文魚伴魚籽炒飯很多香脆的三文魚碎配上香甜的魚籽落的調味料不多所以能吃得出三文魚先原本的鮮味米飯炒得很夠乾身，粒粒分明香噴噴米飯的份量很多，非常有飽腹感健康又美味

餐廳內光猛 坐位寬闊今日試左餐旦麵 麵質ok餐肉算是小厚切 煎香咗 加埋湯底👍有誠意 叫咗杯啡走 味道正常 不會過甜朋友叫咗炸菜肉絲米粉 配滑蛋多士米粉屬於透透地爽口feel個D整體都係合理水平

今天想食小菜，去左太興叫了蟲草花蒸滑鷄 $72, 加$19轉套餐，有白飯再加$3 轉凍飲 蟲草花蒸滑鷄鷄肉質嫩滑，蟲草花爽脆，兩種食材好搭配，連汁也拌飯，是必食小菜之一太興卡位也很好坐，舒舒服服食晚餐

突然想食一隻鴨，見到太興推出甜酸話梅軟骨鴨。$80/隻 (堂食及外賣)$45/半隻 (只限堂食)價錢優惠，鴨份量也算多，而且味道也不錯，酸酸甜甜，令人開胃，配飯一流。整體評分：4/5味道：4/5環境：4/5

今日本來想叫電話外賣，佢就話咖哩牛腩冇薯角，屋企人係廁所，結果情急之下叫左其他野先。好啦唔夠十秒我就打返去話取消，佢居然話唔得喎，我就話一定要取消，佢D態度就開始差，重cut我線。

食物質數每況越下，做野的職員態度又差，黑口黑面，唔想做就早d收檔吧，叫野食十分鐘都冇人理，野食出得又慢，熱度不足，賣d咁貴價錢連少少服務態度都欠奉，搵鬼幫襯咩。

講真喺慈雲山，其實真係好多嘢食，免得過都唔好去啲連鎖餐廳。但係今日嚟到太興等諗住坐得舒服啲，點知真係中伏。奶茶平心而論真係唔錯嘅，都係呢度嘅特色，我都唔係一面倒話佢唔好，但係今日食咗炒飯真係好唔掂。因為我都期望最基本食物要夠熱，擺上台嗰下有啲in見到都叫做滿足下我試過嘅效果，同埋知道佢真係熱嘅。但係好可惜，食落口竟然係只係暖暖地，即使係煩心嘅地方都唔係好熱。令我大失所望。咁嘅價錢比咁普通嘅食物，真係唔可以再俾機會佢。行多5分鐘大把用心嘅小店等緊你，真係無謂晒啲時間喺呢間餐廳上面，其他分店唔知，但係呢一間真係唔值得去。同埋服務態度都真係唔係特別好，甚至可以話好差。

話說下午茶時段叫咗個$74嘅燒味三拼飯，燒肉切雞同燒鵝三拼，下午茶$74其實都唔平，但成碟得幾舊燒肉係有啲肉，其餘切雞同燒鵝都係得皮同骨，睇相就睇到！太興唔係差到咁吓嘛？！做生意都唔係咁做吓嘛？！發誓以後都唔會再幫襯！！！

2020年嘅大除夕，#小秘書 好想留喺屋企，同爸爸媽媽一齊過 不過下晝同 #朋友 入咗 #梅窩，之前又無咩準備😅 好在醒起 #爸爸媽媽 都鍾意食 #羊腩煲，可惜幫襯開間 #餐廳 #冇做夜市👉🏻👈🏻 反而幾間連鎖 #快餐店 都有推銷羊腩煲... 不過間間都鬼死咁遠，冇得選擇下唯有搭 #小巴 去「太興燒味餐廳」買 #外賣。本身唔食 #羊肉 嘅小秘書，真係唔係太清楚$162究竟係唔係合理價錢，不過總算買到啲嘢返去同屋企人過節 羊腩煲入邊配料唔太多，裡面只有兩三隻$5硬幣咁大嘅 #冬菇😅 #薑粒 都有少少嘅，但係又唔覺有 #冬筍 喎🤨 而所謂嘅羊腩，師傅都係斬啲邊皮位置比我哋，靚嘅部位都俾其他客人買走哂喇（我俾錢嘅時候，店員話咗呢個係最後一煲）👉🏻👈🏻 不過冇所謂啦，我自己另外加咗啲 #金菇、#豆腐卜，加加埋埋有一大煲🤣 而且可以開開心心同屋企人一齊食飯，我已經好滿足㗎喇🥂

難得有時間，好想去為屋企人安排一個豐富嘅晚餐，不過我住嗰度附近又冇街市，唯有搭車去遠啲買新鮮食材。因為疫情關係，有一段長時間 #小秘書 冇嚟「慈雲山中心」好耐，呢日過開嚟，梗係要順便買啲日常用品、再食個 #下午茶 先去 #買餸 啦🤪行過「太興燒味餐廳」，好想整杯 #冰鎮奶茶 潤下喉，加埋碗 #燒鵝米粉 都只係$43... 都好抵！不過就因為我叫 #套餐 嘅關係，負責 #落單 嘅 #姐姐 點都唔肯俾將麵底改做 #米線，唯有頂硬上😅 唔知係廚師嘅手勢關係定係點，#太興 嘅 #米粉 口感、軟韌程度一向都唔太合適我，今次都一樣，不過為咗慳少少冇計啦🤪 #燒鵝 有陣 #炭香 嘅香味，可惜 #鵝皮 太淋、#鵝肉 都老咗啲，不過以 #下午茶餐 來講算係咁😉 埋單前整返杯 #回魂冰鎮奶茶 落肚... 爽呀🤩

泰興而家每幾個月就會轉一次特價餐牌， 通常都會擺喺Menu嘅第一版方便睇亦都係最吸引嘅地方食咗咁耐都係覺得豬手係最抵因為每次都係大大份就算一家三口都未必食得晒因為真係好大再配合一大堆汁撈飯真係回味無窮其次亦都可以係砂礓雞亦都屬於特價餐牌入面半隻都只係講緊30幾蚊真係抵過其他餐廳唔少

話說今日買左另一間外賣，但感覺上係唔夠屋企人食，黎到太興見到好多人係度等外賣，於是又黎睇下有咩平野😆，順便睇下有咩岩食就加多味餸比屋企人。呢度就唔同小菜唔同價錢，但係都係淨小菜，飯要另加錢，最後我都叫左兩款小菜，試下岩唔岩屋企人口味先。我分別叫左（上）菠蘿咕嚕雞球同埋（下）鮮茄滑蛋牛肉。兩者份量都有半個飯盒，配菜係夠嘅，味道都還可以，但我都係嫌呢個價錢唔配飯係偏貴左少少囉😌有時報紙有優惠券，但都只係元蹄先有優惠，小菜就唔係好見到有😑

#小秘書 就嚟精神失常，本來好好地一個商場，未夠下晝兩點已經一間一間落閘，原來一陣間三點又有「大合唱」🤦🏻‍♀️ 我為咗唔想牽連入去，唯有走上慈雲山中心搵間餐廳食啲嘢再返屋企👉🏻👈🏻 可能有好多人都同我嘅心態一樣，所以慈雲山尤其多人😅 好彩喺「太興」門口等左一陣就有位，不過就要搭枱囉... 真係唔係好習慣🙃 不過算啦🤨食個快嘅就走。一場嚟到，梗係一定要叫我至愛嘅 #冰鎮奶茶 啦🥤今次我冇叫燒味飯，改咗要「排骨麵線」，#排骨 依然醃得咁好味😋 但係個湯底好鹹啊，仲有呢我覺得啲 #麵線 唔新鮮，食落有陣油膱味，令整體大打折扣🤨 好在杯 #冰鎮奶茶 嘅品質依然不變，我就最鍾意佢勁濃嘅奶味加茶... 正👍🏻

今日同屋企人去食晚飯，附近都好多人排緊隊。我哋見太興比較少人就入咗去~又想快食，就叫左燒味飯，菜煲同雞煲。有菜有肉有飯份量合理，味道唔錯，上菜速度快。係個奶茶冇乜特別其實唔洗咁搞大龍鳳如果唔係環境乾淨啲，附近茶餐廳同大排擋其實抵啲。

今日又係放假嘅日子，冇嘢做去咗附近搵嘢食，最終又係去返呢間太興。雖然之前係有失望嘅感覺，但古語有云，人誰無過呀，點都要畀番機會人地既，不能一次定生死😂而且附近真係冇咩好嘢食😅😅但係今次吸取咗上次經驗之後，決定選擇其他嘢食，最終決定食返我之前曾經經常食嘅煙三文魚炒飯。今次再食返，發現飯既份量比之前多咗，味道亦都比之前好咗，而之前經常有嘅問題，就係食物唔夠熱亦都改善咗。而且今次嘅飲品，並不是冰鎮奶茶，因為之前試過實在太甜，今次叫返正常嘅凍奶茶少甜，味道確係唔錯，相信佢哋嘅茶係用一啲唔錯嘅茶葉去沖嘅。總括嚟講今次係算有少少洗底嘅感覺😂🤣