太平洋咖啡 (青衣城2) (已結業)

今日再畀多次機會佢睇下啲咖啡有冇改善， 另外叫佢一客 「燒雞翼」， $38 only....『燒雞翼之戀』光管燈下 ，燒雞翼香，撲鼻而來，心中柔撫。 金黃外皮，油光閃閃， 一口咬下，肉質鮮嫩，滋味無窮。 醬汁醇厚，甜中帶鹹， 每一口都似戀愛的滋味， 舌尖舞動，宛若春風拂柳， 讓人陶醉，無法自拔。 爐火燒烤，煙霧繚繞， 彷彿舊時光在眼前晃蕩， 舉杯共飲，好友共賞， 笑語盈盈，暖意融融。 燒雞翼，似情意綿綿， 每一口都是深情的訴說， 願這味道，長留心間， 燒雞翼之戀，永世難忘。====除咗咖啡我叫咗一杯黃皮檸檬茶走冰 ，呢杯嘢真係好好飲，一雪前恥。

從佢哋開張幫襯到現在.... 青衣城實在太少咖啡店❗黃金時期 除咗 星巴克, Pacific, 仲有 多三問； 而家太少 café ， 香港人又開始習慣咗飲咖啡所以人多咖啡店少搵個好嘅位置坐都唔容易。 這一間咖啡店 雖然細細地 但係基本上嘅種類都有， 從前感覺 P acific嘅咖啡 如果沖泡得好會較佢嘅競爭對手優勝， 因為好多時候另外一間會沖得太甜。 唔單止係靑衣這一間最近其他 pacific 咖啡沖出嚟嘅效果真係好唔同，唔知係咪好似我『標題』上所講嘅嘢好多嘢換咗， 首先覺得咖啡豆無以前咁香，就算畀錢換隻貴豆都係好差，flat white, cappuccino 等等完全跌 Watt 有競爭先至有進步， 希望佢哋唔好 質素下降。

我呢啲上咗癮嘅咖啡控飲少一杯都會頭痛每次行過Pacific Coffee 聞到嗰陣香噴噴嘅咖啡味都忍唔住入去買返杯今次揀咗我最愛嘅特濃鮮奶咖啡咖啡味夠晒濃郁入口好滑而且好快有得拎

同老友晌青衣走一轉短山「青衣自然徑」，輕鬆易行，完咗，落番青衣城，都近5:00pm，今次下午茶就唔食喇，因為晏咗，轉頭就返屋企開飯，坐低飲杯嘢兼抖一抖啦！經過青衣城二期門口，撞啱見到間Pacific Coffee，又有啲贈券，一於趁到期前用埋去。呢間Pacific Coffee都算迷你，而啲枱更加喺添，明顯喺俾人飲吓嘢、食啲輕食，反正我哋都喺飲杯嘢，都無所謂，不過，如果嚟當正餐咁食，部份枱就有少少淺窄嘞。老友無咩心水，不過，見新推咗一啲聖誕主題飲品，就應吓節試試。雖然仲有成兩星期先到，不過，商場內嘅氣氛已經好聖誕。黑森林燕麥朱古力咖啡 $43Pacific Coffee嘅咖啡一向都唔錯，而呢一杯以黑森林為主題，原來喺加入咗一啲雜莓元素，誘發出淡淡嘅雜莓酸甜香味，再配上植物做嘅燕麥奶，確喺幾香滑，友人讚唔錯。黑森林燕麥朱古力 $43食晏時飲咗杯熱奶茶，用咗是日配額，所以，今回就試吓杯熱朱古力，朱古力味好濃郁，口感幾滑，以前都試過好幾次燕麥奶，真喺跟一般牛奶差唔多，而滲出微微雜莓果香，重一啲可能仲好。近排又有新變種病毒，希望香港無乜事，大家可以過一個愉快嘅聖誕啦！