影片
特色
饮o野倾计
营业时间
今日营业
08:30 - 18:00
星期一至五
08:30 - 18:00
星期六至日
全日休息
公众假期
全日休息
以上资料只供参考，请与餐厅确认详情
相关文章
机场博览馆餐厅选择又少又贵，午餐时段仲要超多人，今次去Pacific Coffee都系冇位坐要拎走食。今次叫咗烟三文鱼忌廉芝士比高包同一杯特选抹茶鲜奶。烟三文鱼忌廉芝士比高包入面有洋葱，由于唔食洋葱嘅关系所以我叫咗走洋葱。比高包十分之大个，食完已经够饱。比高包质感烟烟韧韧，忌廉芝士有少少咸咸地，夹埋个包一齐食就啱啱好。烟三文鱼份量都多👍🏻特选抹茶鲜奶唔太甜，味道啱啱好，抹茶味都好浓郁，口感顺滑。
继续阅读
作为一名健身教练, 唔中意食淋badbad既酥皮早左去机场, 仲有个几钟先上机, 于是去pacific买个包同买杯野饮坐下。原来想食系热柜入面既朱古力牛角酥, 点知见到隔离个烤肉卷比佢吸引左, 因为想食酥皮又见到烤肉两个字好似好正咁。用纸碟装住既时候仍然满心期待, 直至我咬第一啖!! oh no, 中伏 唔热, 酥皮唔酥, 淋badbad! 入面既唔系烤肉, 似系长型札肉咁, 而且仲几咸添.. 食左两啖已经唔想食下次都系食番正正常常牛角包算
继续阅读
今日比琴日更早出门口，系屋企楼下食左个太阳蛋沙嗲牛面先去机场，交通好畅顺，所以好早就到机场，九点三已经到左喇，唯有食多一次早餐啦，好耐无食我喜爱的蓝梅芝士蛋糕，连早餐都食甜品，肥死呀 ﹗可以慢慢叹我既生日早餐，真系好舒服，如果有海境就更好啦 ﹗Happy birthday to me！祝我生日快乐，美味的生日早餐都只不过系二百几卡，good ﹗因为 pacific coffee 无 mocha 供应，唯有又 hazelnut 啦。Hazelnut italian latte，甜味浓而阴沉，牛奶味道淡得黎又好突出呢，反而咖啡味不太强烈，少少榛子味、少少咖啡味。cafe latte，鲜奶味突出而显著，滑幼幼既质地，清爽微弱甜味大爱，对饮开斋啡既我非常适合。奶味中渗出咖啡温柔优香，慢慢细味，好叹啊！Cuppacinno，先尝一小口试试水温，刚好烫嘴非常准确！就算直接饮都唔会渌伤条或喉咙。其实水既温度好影响咖啡味道架，所以有时系茶餐茶饮热啡会有酸味啰。霸道的鲜奶味使得咖啡味微弱得很呢，虽然我饮开斋啡，但整体太啖口啊，还可以啦。Blue berry cheese cake，happy birthday to me ﹗氹下自己开心。芝士味好浓厚幼滑，冰凉而黏黏既好感好正呢！酸酸甜甜既鲜蓝莓酱另到芝士味更澎湃，曲奇饼底又香又脆，非常美味！一口蛋糕、一口 latte，精神爽利！蓝莓传说中补眼活脑，而且清香微甜又酸咪咪，好好味！跟芝士擦出激烈火花，浓郁咸香牛奶芝士味添上酸甜蓝莓果味，使人越食越起劲，就算我唔爱甜，但都一样被俘虏呢！上层湿润、中层黏糊糊、底层香香脆！Very good！太困搞到魂不附体、精神分裂，脑里面想叫 blue berry cheese cake，居然讲左 blue cherry 啰，懒型讲英文，瘀爆！烟三文鱼蛋沙律全麦包，烟三文鱼咸香扑鼻、蒸蛋碎沙律酸酸甜甜够醒神，整体味道清爽，凉浸浸配上暖笠笠 hazelnut italian latte，自我陶醉，爽乎！吞拿鱼火箭菜沙律全麦包，结实吞拿鱼本身味道偏淡，配上酸酸甜甜沙律酱及甘苦火箭菜够醒神，对晨早起身既我非常有效。所有馅料够冰冻，食冲落凉快清爽，仲好好味添﹗只系二百左右卡乍，因为得半份啰。火箭菜三文治，明明想食公司三文治，未瞓醒攞错左添﹗好采鬼佬三文治味道大路稳阵啫。冰凉火箭菜夹杂鲜蕃茄沙律，味道清新爽甜又充满菜汁，沙律含蓄既酸味够开胃，全麦包够健康，虽然有点粗糙。预计会呆足一日在博览，又要被强国围攻！
继续阅读
29.12.2011这两年也来过博览馆数次, 但由于之前都是搭巴士来, 所以都未有机会行经过这间pacific coffee. 今日要来这里考试, 所以选择搭机场快线. 一踏出A出口, 就见到这间咖啡店了. 于是决定考完试后要来这里饮咖啡休息一会. 在博览馆里, 只有食肆才有座位给人休息, 所以也有不少考生来光顾这间咖啡店, 坐一坐, 饮咖啡, 等待下午的session的考试. 虽然我下午没有考试, 但上午考了三小时的考试后, 真的十分疲倦, 所以就走进咖啡店, 买了一杯Mocha. 无位了, 就坐了在电脑的位置. 今日实在太多考生买咖啡, 也等了一会才整好咖啡哩. 那两位店员忙到不可开交, 幸好他们仍然态度良好, 仍面露笑容. 我这杯tall size Mocha 好够热, 有著好重好浓厚的朱古力味, 不太甜, 咖啡味不太重. 朱古力味实在好重哩, 当饮到落喉咙的时候, 有一点点苦的感觉. 不过, 饮完这杯Mocha后, 立即觉得全身也暖起来. 我不知道何时会再来博览馆, 希望到时我仍有机会来饮杯咖啡休息一下. 看来我与咖啡有点缘份, 当我搜寻我过往有关咖啡店的食评, 才发现原来有一些都是我为它们写第一个食评哩
继续阅读