4
1
0
所有分店 (113)
电话号码
28770391
特色
饮o野倾计
营业时间
今日营业
08:00 - 22:00
星期一至六
08:00 - 22:00
星期日
08:30 - 22:00
公众假期
08:30 - 22:00
付款方式
Visa Master 现金 八达通 美国运通 银联 Apple Pay Google Pay 微信支付
其他资料
餐厅运作模式 - B类
Wi-Fi
支持减塑
食记 (10)
等级3 2020-12-27
172 浏览
同老公专登黎荃湾IKEA买啲收纳用品,顺便搵间野坐低食tea。其实pacific 食过唔少次,不过其他分店蛋糕🍰多啲款拣,好似黄埔个间就有埋窝夫。荃湾呢间得New York Cheese cake & blueberry cheese cake ,海绵蛋糕款都无😿佢个cheese cake偏甜,无咩芝士味,我唔太锺意👄 而Americano就不过不失。我唔锺意偏酸既咖啡,佢呢杯唔酸,都ok la 继续阅读
(以上食记乃用户个人意见 , 并不代表OpenRice之观点。)
等级8 2019-07-06
2799 浏览
呢排真喺日日热到爆,过开荃湾Ikea睇啲嘢,本来都想买杯台式冰茶边行边饮,不过,谂谂吓,索性不如搵个「窦」摊抖吓。结果,经过中染大厦嘅「Pacific Coffee」,食埋个下午茶,打吓趸,慢活一下,先再起行。虽然荃湾久唔久都会过嚟,但呢一边就真喺较少行到,而呢家Pacific Coffee就更喺第一次光顾。依家香港人对呢类中档消费嘅咖啡店都好接受,所以,眼见真喺坐满晒人。早餐饮咗咖啡,所以,依次就无点咖啡,反而试咗款新梳打冻饮,共有两款口味:薄荷蓝莓梳打及薄荷红西柚梳打。薄荷红西柚梳打 $42喜欢红西柚阵味多啲,所以,拣咗薄荷红西柚梳打,卖相晶莹剔透,望见都透心凉。晌等候期间,跟店员倾开,原来喺用咗意大利有汽矿泉水嚟制作,加入红西柚果浆,搅匀後入口,酸酸甜甜嘅红西柚味道特别爽,仲带有薄荷嘅香气,饮落里面仲有啲清爽嘅啫喱粒,非常解暑。上文都讲话嚟顺便下午茶啦,所以,拣番款甜品衬吓。甜点方面,放晒晌饼柜下层一眼睇晒,共6款选择。甘笋合桃蛋糕 $30相对地,几款芝士蛋糕较多食,柠檬挞亦於早前就试过,所以,相中较少食嘅甘笋蛋糕。甘笋蛋糕糕身本身加入唔少甘笋幼粒,口感都会比较实净啲,唔会食完好似阵风咁,而中间及面层嘅忌廉芝士,咸香挺身,都几夹甘笋蛋糕,而最正喺面层铺满脆口嘅合桃粒,增加「脆」味。有时有啲嘢真喺兴之所至,今回都算喺兴之所至叹住冷气嚟个下午茶,竭一竭,轻松一下。 继续阅读
(以上食记乃用户个人意见 , 并不代表OpenRice之观点。)
等级4 2019-01-13
358 浏览
每年临近农历年,连锁咖啡店都会推出限量版收纳袋及利是封,出年是猪年,所以今期的收纳袋和利是封当然就是以猪为主。就系为咗佢哋,所以中午专程来到咖啡店换购佢哋,顺便饮杯咖啡,食个烤肉卷和火腿芝士牛角包。这间咖啡店分店位於中染大厦,论大小算是细了一点,但是修装布置都仍算舒服。今期推介岩盐开心果Cappuccino,所以点了一杯,再配一个火腿芝士牛角包。杯岩盐开心果Cappuccino味道有点怪,咖啡加咗盐,搞到不伦不类,真系接受唔到。牛角包啲皮好松化,好重牛油味。芝士和火腿味道都正常。Normal 版啲 Cappuccino就好饮好多。烤肉卷味道很好,外皮松化。烤肉味道浓郁,而且有很香的香草和惹味的胡椒味。不过,食完都觉得几 “漏”。 继续阅读
(以上食记乃用户个人意见 , 并不代表OpenRice之观点。)
等级3 2019-01-09
176 浏览
太平洋咖啡店点解会去食:2018-06-13 今日话就话放假,但约咗个朋友出嚟饮杯野,等佢之际,见到呢间咖啡店,有杯几吸引我眼球嘅饮品食物新鲜程度:⭐⭐⭐️⭐️一shot espresso咖啡系用咖啡机即磨豆制成,入口细滑香浓.食物合适温度:⭐⭐⭐️⭐️咖啡够晒热,雪糕当然系喺雪柜拎出嚟,成个画面出晒嚟,当杯热辣辣嘅咖啡淋落去杯冻冰冰嘅雪糕度,冰火交融,雪糕嘅香味,即变成蒸气上升。食物惊喜程度:⭐⭐⭐️⭐️🌟平时饮咖啡,成个动作好单调,因为我仲系饮espresso,黑萌萌冇乜画面,但系个雪糕沟落个咖啡度做就无限画面。—————————————————服务员态度:⭐️⭐️⭐️⭐️咪又系排着队续个续个咁去买罗,边度有服务可言啦!—————————————————最重要系。。。我会唔会再去?重游指数:⭐⭐⭐️⭐️ 继续阅读
(以上食记乃用户个人意见 , 并不代表OpenRice之观点。)
等级4 2018-10-01
208 浏览
同F响荃湾中心食完午餐,告别後行去愉景新城逛街,行到攰攰地,手机又无电,想搵个地方坐低饮杯嘢,静静地休息吓思考吓,於是过咗隔离中染,PacificCoffee 分店。蜜糖烤栗子牛奶咖啡,见佢做紧升CUP优惠,一於试吓呢个新口味慢慢饮hea吓休息吓。店员亲和讲解,follow店方IG优惠,买一送一,一个人的话,亦可以获升CUP,所以变咗ALTO 。挂住覆WhatsApp,拍照时面头的cream已经溶了一半 栗子味混在咖啡香中,奶味唔重味道又几夹,叫咗少甜,口感顺滑,好味,下次可以试冻饮。第一次来这家分店,店面范围唔算大,胜在楼底特别高,吊咗几盏signature灯,空间感十足,环境舒适,唔止机可以叉电,人都可以休息休息叉电。 继续阅读
(以上食记乃用户个人意见 , 并不代表OpenRice之观点。)