太安樓牛雜

炮台山 太安楼夜市 先系港岛街坊嘅深夜食堂🌃想嚟？收返你对「文青打卡」嘅幻想先 呢度地砖系油嘅 空气系湿嘅 但污糟得嚟系有温度🔥咔！咔！咔！快过打碟嘅✂️声牛肚、牛膀、牛筋、蝴蝶腩、牛心椗... 最惊喜系连功夫多到爆嘅柚皮都有！！卤汁陈皮八角打底 混咗啲唔讲得嘅药材香唔死咸🌿牛杂软糯冇渣 猪肠肥而不腻 猪肺爽滑最紧要系——完全冇内脏嘅「膻」同「腥」味👏撞埋辣椒油🌶️喉头先甜后灼 食到甩袖都要舐骨🤤捧住热辣辣嘅发泡胶碗 折张胶凳坐街边 用廿蚊纸币换嚟嘅快乐——抵到笑啦💘当全城小店被连锁吞噬 太安楼仲坚持住 乜都有得食 嘅江湖气✨呢啲先系 「香港宵夜魂」🌟⚠️不过要带够散纸💸八达通？Sorry,Next time啦!…查看更多

夜晚9点几由荃湾出到黎太安楼揾食，呢间牛杂都系我的check list 之一。同老公叫咗个大size 的牛杂外卖返屋企慢慢叹。姐姐有问我地要不要柚皮, 虽然都系经典怀旧味, 不过我地二人不太好, 所以选择了走柚皮。牛杂煮得软嫩入味，汁不会太咸的，黄芥末提升咗整体味道。牛杂处理得都好好，平时出面有Ｄ部位会觉得苏，佢地呢兜食左咁多旧都冇一个部位令我难入口，入面D猪皮仲索晒D汁都好正。由于太安楼有太多好野食，食唔完的牛杂第二日渌米粉时倒埋入去继续享受。…查看更多

去太古城同屋企人饮茶，本身谂住喺观塘搭船落北角食鸡髀先。点知未有船，见隔离筲箕湾走开就直接过咗筲箕湾。过到嚟筲箕湾谂起太安楼，就过嚟食牛杂过下口瘾。之前都有邻居买过外卖返去食，但系外卖返到去大埔就真系唔系𠮶种味道。今次即买即食又真系唔错，冇叫细碗净系点咗三个𩠌，肺、肠同埋蝴蝶腩。$36都算正常，唔似得出边𠮶啲剪到碎湿湿，起码有啲咬口，啲肠都整得几干净，亦都冇怪味。蝴蝶腩就出边比较少见，呢间食落去就唔似牛腩，反而似煲汤猪𦟌。食完之后饮埋啖汤汁超甜，啲甜味应该来自啲白萝卜，个人就唔太喜欢白萝卜，就系怕佢有阵苦涩味，但系个汤头咁甜，估计啲萝卜应该都唔差，下次应该要叫一份萝卜。…查看更多

网上网红的太安楼牛杂舖店，今天经过特别买了一个细牛杂试吓，价钱$55、中牛杂价钱$60、大牛杂价钱$60，可以支付宝或现金支付。环境一般，大家也知道喺太安楼食嘢多数系街边小食，多数人都系外卖。味道方面，牛杂味道好，不过与其他牛杂舖也一样，没有特别惊喜，份量很少，牛杂切得很细件，底部大部份也是白萝卜，价钱偏贵，坦白说不值这个价钱。人试我试，试过一次就够，应该不会再回购。如果$55 这个价钱，可能买一个牛杂面食会比较抵食。…查看更多

太安楼嘅牛杂小店系地道街坊美食代表之一，开业多年，一直人气不减。七、八年前我曾经喺太安楼住过，当时每日放工行过，都见到门口排住长龙，阵阵香气扑鼻，令人忍唔住多望两眼。今次重游旧地，当然要食返一碗。叫咗萝卜、牛腩、心腑，用料十足，每款都煮得入味。萝卜腍身而不碎，牛腩香浓松化，心腑爽口无臊味。卤水香气浓郁但唔会过咸，每啖都带有怀旧风味。价钱方面以港式小食嚟讲算系合理，CP值唔错，难怪多年来依然咁受欢迎。一碗牛杂，不单止系食物，更系属于街坊社区嘅味道记忆。食完令人感动又满足，值得一试再试。…查看更多