影片
以上资料只供参考，请与餐厅确认详情
今天途经湾仔见到呢间太太厨房，主打印尼食品，而且都差不多坐满客，咁就不妨一试，老板娘推介印尼烧鸡饭同印尼凉粉奶茶，估唔到个饭好好味，烧鸡酱好香，鸡烤得刚刚好，鸡肉好嫩，再加其他配菜，好好味；杯奶茶都唔错，唔太甜，刚刚好。下次会试巴东牛肉，重有羊肉，应该唔会失望！老板娘都好好人，好多笑容，如果香港其他餐厅服务员都有咁好笑容就好啦！啲人都会留香港唔上深圳揾食啦！总结系地道印尼食品，好好味，下次会试其他食品。
继续阅读
呢条街曾经有好多食肆不过最近见到已经执咗超多😔有得坐嘅舖头 好似得返呢间太太厨房呢间嘢主打印尼菜平时见打工仔都系叫外卖多因为入边座位好少见同事推荐话呢间几好食一于试一试✨正宗印尼炒饭$68✨今次呢个印尼炒饭配串烧但味道就好一般🥲炒饭唔香、唔惹味又唔干身串烧系冻嘅🥶一边食一边惊讶点解同事会觉得好食我谂成个餐最好食嘅系佢块虾片😅𠮶日食嘅时候天气都比较冻但因为佢好多外卖所以长期个门都打开我哋就一路食一路吹住风劲冻同佢讲咗可唔可以闩埋个门但佢完全冇理我哋🤣
继续阅读
今日又落大雨了，但正想出去行远啲都唔得，所以就揾左一间公司附近嘅餐厅去食午餐，今日听我同事讲有一间叫太太厨房，食物大件夹抵食。个餐厅主打印度菜式，睇嚟都好好味，另外，亦有卡邦尼意大利粉等等嘅西式菜式可供选择所以我同同事分别叫咗两个餐。环境方便，我睇不同印度风格嘅装饰品，美轮美奂，感觉去咗印度原条日式鳗鱼饭同一杯热西洋菜蜜 - 条鳗鱼原条上，十分大件白汁吉列鱼柳饭 - 鱼柳大大条大家我嘅手，我差啲都食唔晒茉莉花茶 - 有好香嘅茉莉味道
继续阅读
湾仔外卖🥡系列之太太厨房，见唔到太太，剩系见到丈夫，门口有个南亚睿学生🧑🎓做紧功课📄，叫咗午餐🥣C巴东牛肉饭，9折咗$68，味道一般，冻啡+$2，但冚盖冚得唔好，倒泻咗1/4，同事叫咗煎甜鱼（$85）同印尼🇮🇩炒饭（$68）
继续阅读
湾仔新开嘅餐厅，主打印尼菜式， 另外亦有卡邦尼意大利粉等等嘅西式菜式可供选择。我点咗个马来咖哩猪软骨饭，另外再点咗杯印尼黑咖啡。咖哩猪软骨份量几多几抵食， 粗略数个有六旧猪软骨， 再加埋啲萝卜 ， 够晒饱肚 。 咖哩冇乜香料香味，普普通通。小弟平时饮咖啡都唔落糖，但系呢杯黑咖啡真系，非常之苦，有少少似中药。 建议大家落多啲糖浆。同行嘅朋友食咗巴东牛肉饭，话椰浆味几浓几好食。
继续阅读