天鮨日本料理

朋友推荐的天鮨 趁复活节假期就去试试 当日系邦师傅做寿司 整场的体验都好舒服 每道菜的上菜时间 次序都食得好舒服 亦介绍得好清楚~ 食之前都有同我哋详细讲一次当日食嘅菜式 以免我哋有唔食嘅鱼料 十分细心! 当日最有印象系前菜的华涟蚝 比起一般绵滑嘅生蚝爽口 入口弹牙 爽脆 作为前菜一清新亦唔厚重海胆比得好大方! 海胆的甘香味浓 对比白海胆的绵厚 我更中意味浓的海胆熟成的鱼料比一般普遍 味道浓厚 绵滑 油脂感亦更重 喜欢鱼味浓郁 会系口中留有鱼香的 一定会中意~ 整体食落来好舒服 份量对女仔来讲偏饱 但唔会腻  系好安全 好适合同家人朋友选择的omakase! …查看更多

湾仔船街J Senses二楼有间隐世日本料理「天鮨」，主厨Kenji Sam日本学成归来👨🏻‍🍳将熟成海鲜玩到出神入化！今次试咗佢哋20道晚餐，由头惊艳到尾，仲发现book位无以前咁难，唔使再同人斗快抢枱啦～ .一开波就上「小长井・真蚝」🦪蚝肉肥美到好似食紧海洋啫喱，鲜甜到想大叫「真蚝万岁！」！跟住嘅「毛蚧汤叶卷」够晒古灵精怪，腐皮包住毛蚧寿司，口感似日式肠粉mix鱼生，出奇地夹🥰！最夸张系「鸡清汤煮鲍鱼」，只鲍鱼大过我手掌，煮到腍软入味～真系好想encore😍.饮品方面试咗三款Sparkling Tea🫖，荔枝味𠮶支同寿司简直系绝配，气泡感冲走油腻，仲以为自己喺食分子料理！「木鱼昆布清汤煮鳗鱼」🐟，山椒油一淋落去，𠮶阵麻香直冲天灵盖，食完仲有回甘，劲过食Wasabi！仲有「酱油烧吞拿鱼鲛」🐟油脂多到滴出嚟，真系食紧和牛定鱼呀大佬🤣不过全晚MVP🏆一定系「平川水产海胆」海胆份量一啲都唔孤寒，好似啫喱咁冻L冻L😍一啲都唔腥，超级鲜甜🤤.压轴「萤光鱿鱼春笋姬竹釜饭」癫咗！🦑50只萤光鱿鱼墨汁捞饭，饭焦脆卜卜，仲要加埋春笋，鲜味爆炸！最后𠮶碗「瑶柱响螺鲍鱼鸡清汤」🥣睇落淡茂茂，饮落浓到似饮紧精华液，补到鼻血都标！.甜品「静冈闪亮香士多啤梨」🍓，仲有自家制开心果团子，开心果酱多到可以当开心果糊饮嚟，完美Ending！ .结论：食完呢餐，我嘅胃同荷包都表示「痛并快乐着」⋯⋯ …查看更多

第一次光顾，原来lunch及dinner都系得一个set提供，都好唔使拣😂 佢哋嘅卖点就系熟成，果真同普通鱼生寿司系有分别的，分别在于味道浓厚。睇得出主厨嘅用心，同其他Omakase系有啲分别👍🏻 另外值得一提系服务，好细心好贴心👍🏻…查看更多

天鮨 @ 湾仔好开心黎左呢间预约困难店食lunch…仲book到主厨kenji san。开心bak！所以忍唔住写多左几只字…睇到呢度大家留低个❤️❤️就得啦。继续…缘份既野…到就会食到…老人家作为入门级食物用家…唔敢乱噏。所以先分享下整体体验。感觉…是非常良好的。由入门口一刻就会感受到好细心既服务。同埋呢度气氛几轻松…食得开心一坐低店员就会问客人想要热茶定冰茶…bak bak燥底冬天都系要饮冻野的。之后店长过黎讲解下成个旅程既run down … 前菜…食寿司…中场食下其他野…再黎寿司…再食甜品。听落好有层次咁。好服务就要赞下:餐厅好明白好多客人都钟意"相机先eat"…所以成个run down都加插左好多影相时间…确保客人食得满意之外…相机/电话都食得饱饱。另一样要赞下既就系厨师同店员会好细心好有默契咁安排食物送到客人面前…好贴心餐厅会提供食物清单…咁客人可以安心享用食物唔使jot note屎长话长说…入正题鸟呢度系主打熟成鱼寿司…kenji san一路会讲解下熟成点样改变左每一种鱼既味道同质感。备注; 熟成既化学反应系会分解左xx再变yy…咁鱼既味道同质感就会改变埋同浓味左。松叶蟹肉香箱蟹膏茶碗蒸 蟹肉好鲜甜…而且份量都好慷慨…蟹膏又好香…蛋质感都几滑…如果无咁实净个人会喜欢d帆立贝 第一次见到帆立贝都要挞下验明正"新"(新鲜)…䲠 12日熟成平目昆布渍 8日熟成天然缟鯵 12日熟成 听师父讲原来呢个世界系无深海池鱼…正确系缟鲹…待FC幼鲔鱼酱油渍 5日熟成鱿鱼海胆 苇海老 呢个配上虾膏同龙虾油都几特别马友立鳞烧北寄贝 呢个又挞一挞寒饰 15日大鳆 25日 肉质入口即溶…少左油腻感…唔错酱油渍筋子赤云丹 海胆份量非常超级慷慨…好似食雪糕咁大葱吞拿鱼腩手卷贝柱蚝清汤静冈县产 温室蜜瓜转眼间食左18样野非常满足…所有食物都非常满意…但bak bak读得书少 【词穷】又唔想就咁样样都话好味/唔错…等等…所以就简单罚抄一次食左乜…查看更多

香港一位难求的厨师发办, 主打熟成寿司。 提前一个月book到主厨。中午餐单只有一款,  未正式开始前先上前菜: 伊势海老茶碗蒸 : 茶碗蒸上面铺上熟蟹籽, 蒸蛋混合蟹肉, 蛋味唔算浓, 亦冇混合鲣鱼水, 食原味嘅蟹肉茶碗蒸刺身两碟:十五天湿式熟成䲠鱼:  熟成左15日嘅鱼肉非常软滑, 完全咬唔到脂肪, 口感好特别。网上查过:  湿式熟成系将新鲜鱼料包膜塑型, 再以本身天然酵素熟成，达到软嫩效果又避免熟成过程中嘅损耗。北海道牧丹虾:  上面系炸过嘅虾籽, 配上炸过嘅虾头。牧丹虾味鲜甜, 炸虾籽味道唔重, 唔会抢走虾味。  虾头炸得好脆, 点汁食减轻油腻感。熊本天草石门鲷:   熟成8日, 用柠檬汁调味, 食落似虾嘅质感大分县池鱼:   3天熟成, 熟成后已冇左池鱼嘅腥味, 唔需要以姜辟腥和歌山23天干式熟成野生中拖: 经过熟成, 冇左中拖果种特有嘅酸味,  取而代之鱼味较重同非常软淋富山湾白虾配龙虾油:  白虾配淋上龙虾油, 入口同时食到生虾同熟虾味, 非常特别。淡淡嘅虾油味唔会抢到白虾嘅原味, 唯一扣分位系寿司饭热左啲天鳍名物之一  鱿鱼海胆:  嚟自岩手县嘅白海胆, 海胆包喺鱿鱼同寿司饭嘅中间,  鱿鱼爽口, 配合埋软淋淋又鲜甜嘅海胆 , 呢件寿司系全场之最。间场 1: 鳕场蟹松叶蟹汤冻汤冻配上鳕场蟹膏同香箱蟹籽, 入口即溶得嚟亦食到粒粒蟹肉, 加上蟹膏更突出汤涷嘅蟹味。蟹糕虽香, 但唔会抢味, 非常好食。间场 2:  吉列萤光鱿鱼先将萤光鱿鱼打成酱, 再用墨鱼胶包住炸。 萤光鱿鱼有阵咸香味(谂起大澳啲虾酱), 墨鱼胶弹牙。好有创意嘅菜式, 不过打酱好似失去左萤光鱿鱼嘅特色, 冇左食萤光鱿鱼爆汁感, 之后再食黑豆用黎解腻北海道樱鳟 :   7日熟成, 鱼肉比普通樱鳟较红大分县间八:  13日熟成  , 食落好似油甘鱼咁香 , 但熟成过, 油香冇咁出北寄贝:   非常爽口爱缓县烟熏鲣鱼 :  3日熟成, 入口有烟熏味, 鱼肉非常软滑寿司部分以两件手卷作结: 赤海胆手卷 :   赤海胆新鲜鲜甜, 但余韵不足熟成拖罗手卷 :  加左芝麻同萝卜, 唔太食得出熟成前后嘅分别 , 手卷好足料, 芝麻好香, 拖罗味道柔和。最后奉上贝柱清汤同开心果雪糕。整个用餐过程:  高价位定位嘅寿司店,。 店员有礼又熟读所有菜式, 气氛比传统鳍店较轻松, 师傅十分健谈亦乐意详细介绍啲每道菜嘅特点。…查看更多