影片
以上资料只供参考，请与餐厅确认详情
刺身沙律摆放得十分精致，橙色的酱汁听侍应说是由师傅调制的，吃起来清新可口。蔬菜加上三文鱼，正呀!!自选寿司拼盘，选了三文鱼、辣味三文鱼、三文鱼子、虾、生蚝、吞拿鱼。我最爱三文鱼子，大大粒，咬落去”卜卜”声，好过瘾!! >o<烧羊架有少许羊膻味，肉质嫩滑，我男朋友大爱。乌冬汤底味道清甜，跟普通街买到的乌冬不同，面较幼，十分滑溜。
继续阅读
最近经过鲗鱼涌，发现有间新开的日本居酒屋，见到已经蠢蠢欲动想入去试。今日终于有时间可以去试了，门面见到都几有心机，信心都翻左d嚟，话晒都系新开张，又咁偏僻。入到去，铺面还不算大，不过胜在够私密，三五知己都可以系度倾下计，大声笑都唔会担心影响到，私人聚会几好的。侍应个个见我地入到嚟，即刻帮我地拉凳啊，同行有女孩子，感觉服务态度几好。话晒系居酒屋，唔需要太拘束，老板都系好家常咁同我地聊天，佢仲话当自己屋企得啦，真系好搞笑，跟住佢真系系雪柜摞野俾我地饮，真系好似去左fd屋企食野咁。睇左个餐牌，好快咁点左平时中意食的野。开始，嚟个沙律先啦，日本野好唔好，一入口就知道，菜同三文鱼都好fresh，好明显入货新鲜啦，老板话佢地虽然系细铺头，但都要保持个食物质素，不过我都系相信自己条俐。唔好讲咁多，食左个南瓜天妇罗先，入口以为好淋，点知系外脆内软，硬到岩岩好，好香ge南瓜味，我食埋我朋友果份tim啊，点埋个汁，酸酸甜甜咁，好开胃。食食下，我地问啊老板仲有咩好食啊？老板好有信心咁叫我地试烧物！好！就信你啦，跟住佢烧左个牛俐，睇落无咩特别啊！食左先，一食变知猪定牛，佢同出面唔同ge地方系唔系烧到好干，Juicy得嚟仲好有牛味，我一个人都食左一串，再加点！其实今次仲试左好多野，爽甜新鲜的日本生蚝(收到风话系空运到港)，黄金带子，炸鸡软骨...挂住食唔记得影相！
继续阅读
好耐冇喺港岛东用膳，呢日啱啱经过鲗鱼涌食开呢到有两间几出名嘅日本菜喺附近，谂住试下，点之路过见到呢间新开张，既然𠮶两间都试过，就试下呢间啦！在门口看店子一眼望晒，叫做整整齐齐啦，老板兼大厨是香港人，同其他以日本人做主打嘅颇有不同，想必有一番惊人艺业。一坐低问攞餐牌，原来在墙身木牌就是，可能未印得切挂（大家都知香港啲租有几贵啦，早一日开就多一曰生意），经理话迟啲有正式餐牌，不过呢啲小节唔理佢啦第一道头盘沙律不过不失，跟住就系刺身，有深海池鱼薄切，吞拿鱼赤身和大toro，仲有粒贝，每样鲜度都几好，尤其是吞拿鱼，鲜度像刚刚落机就上碟，而老板都话：真系啱啱落机就比你食左啦，lucky!不得不提系老板介绍吞拿鱼的新奇食法，佢话条吞拿鱼因为新鲜，所以最好食原味，之后佢磨左嚿石头咁嘅物体（原来系岩盐）晒落啲鱼生就咁食，冇得顶，赤身竟然有中toro嘅味道（相比大toro，我比较喜欢中toro），之后粒贝都唔错，加埋啲岩盐冇得输啦。刺身差唔多就到寿司啦，见佢啲寿司唔贵就随便点啲，好多时价格同质素成正比架嘛，所以冇乜期望，但求饱肚，but佢啲寿司出乎意料的质素，正所谓一分价钱三分货，元气价钱料理店质素，活煮虾真系成只虾拿去活煮，同平时食嘅熟虾有好大分别，有诚意，加分!牡丹虾更加惊喜，真系有种钓上黎即食嘅感觉，又甘又甜，原来上面有劈野来自于虾头，师傅对佢啲货嘅鲜度好有信心，因为虾头唔够鲜就会臭，到时甘甜味就会变苦味。海胆又系另一个惊喜，我问师傅呢只海胆同平时食嘅唔同㖞，佢答我呢只系北海道海胆，咁重皮!你收我三十几元件比咁高质素比我，令我不禁顿起疑心，佢见我眼色有异，就同我讲因为开业初期当做宣传，仲话迟啲应该会加返啲啦，你而家黎食好好彩!当我收起我嘅疑问后细尝呢件黎自北海道嘅寿司，没有一般海胆的苦味（通常苦味来自防腐剂），有股浓浓的甜味，唔错，呢个价钱超值。之后到熟食，全部即叫即做，时间较耐，but我有的是时间，等你。熟食有炸鸡软骨，烧牛舌啦，南瓜天妇罗啦，冇乜特别，胜在即做，普通菜式都特别好食，特别要提系个南瓜，原来系用日本南瓜，特别甜，真系来自日本乜都好食啲。
继续阅读