天資廚房 (已結業)

呢間嘢食評唔多, 呢個已經係我對佢的第3篇食評, 由第一次喜出望外, 到第二次失望(冇影相, 所以冇寫食評), 跟住比多次機會又有返希望, 到今次最後一次, 因為已經對佢切底失望.....................好彩今次有帶手機, 影低返事實.............佢款式唔算多, 而啱我地胃口的更加少之又少, 所以嚟得都係例牌果兩樣, 一來冇其他特別心水, 二來咁先可以比較到之前同之後的分別~ 香草煎烤雞扒意粉配燒汁+熱老薑紅棗首先塊雞扒已經比之前細, 而且雞皮部份冇以前煎得咁靚咁香, 佢搭多一舊仔雞扒, 咁樣算係咩? 一係就大方d, 比夠兩塊雞扒, 反正咁細塊都收咁貴的價錢, 一係就咪鬼搭多一塊仔, 好鬼祟, 好小家, 咁即係佢地自己都覺得塊雞扒細? 賣相已經差咗, 連味道都係冇味的, 雖然話唔加味精, 但都可以用其他醃料架, 唔係冇味囉~ 雖然配咗個澆汁, 但個汁係非常油, 面頭已經見到一層厚厚的油, 落汁又怕肥, 唔落汁又冇味, 真係好難選擇~除咗雞扒細塊咗之外, 連d意粉都少咗, 起碼少咗1/3~1/2, 之前真係大碟d多d架, 唔信可以睇返我之前的食評~仲有杯老薑紅棗, 有色無味, 冇薑味冇棗味................... 煎焗豬扒意粉配燒汁+熱羅漢果同雞扒一樣, 都係細塊咗超多, 跟無無搭多一舊仔, 真係不知所謂, 我唔覺得咁樣搭多一舊, 我會多謝你, 睇返之前, 係有2大塊豬扒架, 而且塊豬扒係梅頭扒, 有肉有筋, 好好口感, 但而家呢塊係凍肉舖最平果d好瘦的豬扒, 又硬又鞋, 好在冇雪味, 個汁都係油淋淋~杯羅漢果比老薑紅棗好少少, 起碼有少少味, 但都冇以前咁濃味, 以為真係知道飲緊咩, 而家係知道自己叫咗乜而飲乜........後來見到從廚房走出來的是什麼人, 就知道點解質素會差咗咁多, 今次真心唔會再比機會佢, 去茶記食仲覺得抵食夾大件, 講真, 今餐我真係食完都唔飽, 我地已經唔係大食的人, 所以我見隔離枱個大人男人好快食完, 我真心驚佢唔夠飽囉~ 雖然佢塊扒比我地塊大少少...............…查看更多

今時今日，飲食的生活態度，漸漸由珍饈百味轉型到健康環保。尤其在工、商業集中的地方，打工仔工多過活動，夜晚又可能有排到密密麻麻的應酬，中午的一餐，好多時都想吃得健康一點。於是，開始有一些標榜健康飲食的餐廳出現在飲食市場，主打就是一些想吃得健康一點的上班一族。是日，在石門，有朋友約食飯，餐廳就由朋友作主，而他的選擇就是一家打健康牌的餐廳，《天資廚房》。時間不多，我早在路途中點好要食的東西了，我選的，是慢煮牛肋配日式燒汁。牛肋骨是純肉，去了骨方便大家咬用。味道香甜的日式醬，牛肉味濃的牛肋骨，再配上一個健康的糙米飯，有肉有菜，好豐富，但吃入口，因為無味精，無多添加的其他味道，感覺也不油膩，胃子很舒服。朋友來了一份，香草煎烤雞扒配鮮蕃茄汁，雞扒去了皮，用上很少的油去煎去烤，配上一個以鮮蕃茄製造的汁，純水煮的意粉，把所有味道撈一撈，清新可口醒胃。朋友的吃後感同我一樣，是半點都不覺得肥膩。飲品，大家都選擇了鹹柑桔。這一杯鹹柑桔，很濃，應該是一杯落足料的鹹柑桔。這一杯鹹柑桔，令我在這一餐吸收的絕無僅有油份都一一的沖走掉，很不錯的一杯餐後飲料。有味道而且又令人感到吃得健康，我可以說，很少有餐廳可以做到兩者俱全。《天資廚房》就是少數做得出這樣的餐廳。想吃得健康一點，又好怕健康餐沒有味道的話，這《天資廚房》可以解救你。…查看更多

星期日早上試了天資的早餐。早上10:00，只得2位食客，坐位任坐，好舒服，寧靜地享受早餐，也不會有侍應監視你。點了太陽蛋雞絲湯米粉，上枱熱辣辣，米粉烚得恰到好處，爽身幼滑，有三塊菜、一塊紅蘿蔔、估計有半塊雞扒 （因切絲，難看出是否一塊），湯底清淡，應該無加味精，因為吃後沒有口喝感。回應題目中有心製作，是想讚下廚師製作雞絲的手法，他是把雞絲煎過的，雞扒表面有煎至金黃色，也醃製過，不會淡而無味，對比很多茶廳餐早餐，不會煎過吧！只會烚一烚，輕輕煎過就算了！還有太陽蛋，很少會下心機煎至金黃和脆口「燶」邊，而且蛋黃完整無缺。餐飲：即磨咖啡，倒入甜奶，香濃咖啡味，入口後甘香回味，即使不加奶，咖啡都沒有苦澀味。早餐$43，中位價錢，坐得舒服，食物質素不錯，如果你是愛吃重口味，就要考慮下啦！可以再到此一食。…查看更多

有時真係好邪, 第一次食完覺得好正, 然後去返兜, 諗住都係食返果兩味, 所以冇帶手機去影相, 點知果日撞正人又多, 廚師又轉咗, 但我冇手機影低證據, 不過食完就話唔會再幫襯佢, 點知今次周圍都冇位, 有位果d又唔啱食, 咁老公話唯有比多次機會佢................今次唔知係咪人少咗, 廚師又換返我第一次見果個, 於是照舊食返果兩味, 睇下水準係咪返返嚟,結果冇令我地失望, 對佢有返信心, 不過下次入去前真係要"目及目及"係咪果個廚師先敢入去食~  煎焗豬扒意粉上次唔知係咪人多, 只係得一塊豬扒, 果刻真係有衝動走去問究竟點解食過兩次都係有兩塊, 點解果次得一塊? 不過見隔離枱都係得一塊, 咁即係全部都減咗一塊, 我仲以為又係果招唔加價但減份量, 所以冇去問, 但今天又有返兩塊豬扒, 不過就明顯冇之前咁大塊, 不過都叫做有兩塊, 都叫抵返~味道比上次好好多, 上次係食到酸味, 隔離枱直頭話係變壞, 要求換個塊, 雖然人家講明全部都係一樣, 唔會變壞, 但客人堅持要換都係要換, 客人永遠是對的~ 我都驚驚地, 不過以我地味覺認為, 酸味唔係變壞, 而係佢落多咗醋去醃豬扒, 所以搞到食到咁大陣酸味~ 雖然今次份量去返最初, 味道亦冇上次咁酸, 不過肉質都un咗少少, 比較難咬, 而且其中一塊煎得樣衰咗~意粉方面, 上次明顯細碟咗, 食完都唔覺飽, 今次終於正常份量, 多返少少, 食完都會有少少飽肚感, 唔會食咗都唔覺~今次專登叫茄汁試下, 之前次次都係燒汁, 始終豬扒意都係配茄汁好食好多, 雖然汁的份量相同, 但茄汁你永遠唔會覺得夠, 而且佢仲有兩舊蕃茄, 我其實想叫佢比多少少汁, 不過都係算, 食少d汁感覺上咪冇咁肥~ 香草煎烤雞扒意粉亦好明顯今次係煎得好過上次, 而且個燒汁都冇咁油, 上次個燒汁係成層好厚的汁浮响面, 今次雖然都係有油, 但冇咁多, 都知道煮汁係會落油, 但唔好油到咁丫~意粉都係評語如上~ 熱羅漢果差不多次次都係叫呢個, 但今次係最濃味, 唔知係咪之前果d溝多咗水?其實以上食評係包含兩次相同的食物去寫, 上次冇相冇證據, 真係有d失敗, 亦唔想冇相都照寫咁差的食評, 怕有人當我專登寫衰佢, 不過呢個真係事實, 咁唯有同今次食評一齊寫, 比大家比較下, 就算同一間食肆, 同一種食物, 只要由唔同師傅煮, 都會有好唔同的效果, 好在我地都比較易比機會人, 如果唔係佢就會永遠被我地black list冇得翻身~ 今次評分都係以兩次食評去比分, 攞個平均分啦~…查看更多

石門站有一間係主打健康沒有味精的餐廳，未食主食先來一個甜品三重朱古力千層蛋糕$20，細細件咁，蛋糕主要係慕士而餅底係脆餅，味道普通，因為個蛋糕名係千層，但見到得三層所以覺得有D伏！朋友叫咗一個菜圃鮮肉鬆炒蛋湯烏冬，但嚟到個賣相似蛋奄列，我就揀咗鮮蕃茄豆腐蛋炒飯揀咗黎麥飯，真係好健康冇味精，所以味道唔會太濃，份量都足夠！平時成日出街食，呢間算健康，D座位都坐得舒服夠闊！雖然餸菜賣相唔太吸引，但真係好有家嘅味道！…查看更多

呢間嘢感覺上係食健康嘢, 由佢開舖初期得一間舖到而家打通兩間, 仲有一間係淨賣健康食品, 終於品嚐一下有幾健康..................基本上係食西餐, 但都有中式小菜, 不過冇西湯, 只係得中式老火靚湯~ 煎焗豬扒意粉估唔到會有2大塊豬扒, 仲要係梅頭扒, 好厚身, 好有質感, 而且冇雪味同冇羶味, 不過冇牙或者牙痛就唔好食喇~ 配咗意粉同燒汁, 意粉軟硬度適中, 而個燒汁唔會太杰或太稀, 用來撈意粉就剛剛好, 味道又唔會太鹹, 仲有少少菜墊底, 始終佢係主打健康~ 香草煎烤雞扒意粉上次食過一次, 煎得好香好靚, 所以今次ENCORE, 都係配意粉同燒汁, 不過就冇上次煎得咁靚, 個樣好似煮咗好耐咁樣, 唔夠靚仔~ 不過佢D雞扒好在唔係好肥, 好多時食雞扒都有好厚肥膏, 但佢呢度D雞扒係冇乜肥膏的~ 養生湯雖然要+$28, 但都想試試佢有幾養生? 是日好似係猴頭菇煲唔知乜, 聞落好香, 個色都好似幾深, 但飲落好明顯係不加味精, 如果食開濃味果D人一定會話淡, 不過我地又覺得OK丫, 但如果可以加多少少鹽會好DD~ 老薑紅棗茶我覺似係即沖果D, 而唔係現煲, 因為非常清澈, 少少渣都冇, 而且味道聞到有味, 飲落冇味~其實如果想出街食而又食得健康D, 呢度都不失為一個好選擇, 雖然價錢唔算好抵, 但最緊要就係唔駛等位~ …查看更多

少有自家製新鲜烤焗火鷄，這家在石門京瑞廣場標榜無味精嘅餐廳，其貌不揚，裝修一般，但食物一流，講究低温烹調，少有無用炸油爐嘅餐廳，保持食物營養。最重要係價錢唔貴，就算係有機意粉都係比快餐店略貴幾蚊。值得嘗試！…查看更多

探朋友第一次踏入石門衣區，一出地鐵站旁邊起左兩座商場，一期多餐廳，二期多小食店。行左一圈對衣間小店有興趣，就揀佢喇！賣點，少油少糖健康食材！有自家養身飲品！免加一！睇到個Menu都嚇一嚇，勁多選揀，有d仲係全素，有野飲仲免加一衣個收費CP值好高！最後同友人揀左一人一個餐再share 碗湯第一位出場係慢煮牛助配有機意粉配黑椒汁！❤️牛助份量不少，有四塊厚厚的肉，煮到非常之淋，juicy的，有d似炆牛腩嘅感覺！意粉有彈性，爽口，唔會粉粉地，不過唔知佢點有機法！最驚喜係個黑椒汁，完全唔係出面買返來開個種杰杰醬，係店內自家煮嘅黑椒汁，會辣口但少少汁已經好香好有味，配牛定送意粉都好好食。食到底會見到個碗仔有好多香料係底，絕對係出面食唔到嘅味道！第二位出場嘅係蜜味蒜香鯖魚配有機藜麥飯！❤️❤️睇落好似好單調，但食落好驚喜！重點在條魚上面，好多汁好甜，個種甜唔係淋蜜汁係面嘅死甜，係由d魚肉甜返出黎嘅香甜，好有魚味，唔會腥，一點也不乾，一啖接一啖咁食唔停，好好送飯！估唔到成條都咁好食！餐飲有羅漢果飲/菊花杞子飲/鹹柑桔飲，我一地都揀左菊花杞子，好甜好好飲，有淡淡杞子香，唔會似中藥！推介！最後已經好飽，但想繼續吹水就叫了兩件cake！一件係青檸蛋糕，有三層，頂層質地似布甸，香香滑滑，最底係曲奇餅底，好有咬口，酸酸甜甜可以去一去d飽肚感！另一件係三重朱古力蛋糕，質地厚實好多，面係一層脆皮，中間似Brownie，好香濃嘅朱古力，中間都好滑，岩曬朱古力控！以廿蚊一件黎計好抵食！埋單人均都係一百蚊左右，真係好抵食，唔好以為以健康做主打d野就會無味，無用味精都咁好食睇得出店家嘅心意啊！推薦推薦！…查看更多

下午時分走著走著，來到了這裡，就去試一試健康菜式。.很多健康菜式都好好味，但呢間就實在不敢苟同，只是因為見佢開業未夠一年、唔想因為初次既體驗而俾劣評佢，希望佢可以之後慢慢改善啦。店員會叫你先選餐，在門口收銀先付款，然後才拿號碼牌到裡面坐。裡面有一個自助區，可以自己拿些餐具及溫水，但熱水就要佢地店員倒。這個燒雞絲算是正常味道，但呢個烏冬實在不敢恭維。烏冬下面雖有瑞士汁，但撈埋一齊之後烏冬仍是索然無味😪旁邊的菜都係一樣，無味，唔夠冧..飲品方面，我個杯鹹金橘蠻好，也不用加錢，剛好我喉嚨唔太舒服😅正好飲一飲舒緩下，而且都夠熱呀！但呢杯檸檬茶，跟餐都仲要加$11，而且我朋友話😂杯檸檬茶唔似係檸檬茶的味道，似杯涼茶多d，呢$11到底買左杯咩野茶🤣🤣🤣…查看更多

今晚做完gym,去左石門食野， 以前呢度一片荒地 依家起晒商場食店去左一間無添加無味精嘅食店，價錢相宜 賣相和茶餐廳差不多 但感覺上就健康少少今晚叫左慢煮牛肋配有機藜麥飯+檸水一杯 盛惠78 不加一 牛肋條可以 好多黑椒 有啲辣 但藜麥飯就第一次食健康主義呢個係豬小排 配烏冬加菊花杞子飲個人感覺中規中矩 價錢合理 健康開餐…查看更多