天湖甜品小食 (已結業)

這年回到天湖糖水，到這裡作為落腳點已不是第一年之事，只是往年都沒有如這年的惆悵。很傳統的糖水鋪，附近是大排檔，位置尚算方便，畢竟從沙田圍鐵路站一出來便是了。坐下。這年零舍多人，都是些陌生但又感覺親切的臉孔，我們偏坐一隅，似在其中，又似在其外。游離之間，說些遙遠的話題，總覺得有點兒尷尬。生意很好，於是老板娘也難以招呼周到。但這裡的糖水相宜又大碗，真的是十分之抵食。喊一碗豆腐花不過13蚊，一碗芝麻糊也不過是廿蚊有找。相當之平民。大碗，而不失香醇，長夜裡飲溫熱落肚，香甜味美，談些舊事新事，何不快哉。

完全冇芝麻的芝麻糊，又超甜,食到一半就停手啦。可能係一生最難食的芝麻糊。尼間甜品店真係冇用❤️去整，尼d花生糊，芝麻糊，合桃估都用係粉整出嚟嘅。我相信我不會再回來這裡了!

試試核桃露未入口前看清楚是有小顆粒的，聞都好香，估計應該不錯吧但不明白為何入口卻是無咩核桃味，但又真係見到有一粒粒核桃食落口，感覺只是一碗有顏色的糊狀食物，但好的是不會太甜一人份量剛剛好，整體不過不失

好少寫食評，但咁做生意法，真係要寫出黎俾大家知。楊枝甘露 $32 - 屋邨大排檔收商場滿記價錢。唔緊要，好食就咩都值啦，但又唔好食，九唔搭八加埋椰果落去，啲椰果仲有啲似葯水嘅怪味，西米都未散一舊舊，少少芒果味一味落糖得個甜字。Friend食果個豆腐花都話好唔掂，呢間野絕對無下次！

同Friends 食完飯，想食甜品，點知「賴」野！一行9人，各叫一樣糖水，有一半都係難食！我叫左一碗腐竹白果糖水，稀到呢.… 同水無分別！ 最重要係D白果係勁吾新鮮，一睇就知係變壞左果d，個心係黑色嫁！真係無言！

由同一屋簷下的德記，走回到室內的天湖，無非為了飯後的一口甜品。齊心一致地，點了蜜瓜西米露，明顯地，西瓜已成歷史名詞，但身邊的年青人，似乎有點不捨得，哈哈。冰凍，香滑的西米露，與鮮甜多汁的蜜瓜，把剛才吃小炒吃得熱辣辣，上火的感覺，降了不少。以乳鴿開頭，以蜜瓜作結尾，還有年青人的窩心手信，雖然熱到慶過辣雞，但還是滋味在心頭。

响隔離打完邊爐，朋友話想食糖水，就走咗嚟呢間；3個人叫咗 -- 1) 木瓜鮮奶 ($15)；2) 三Q喳喳冰(唔記得係咪咁叫) ($19)；3) 雜果黑糥米 ($24)；食物質素OK的，朋友都話扺食，我食果個雜果黑糥米如果凍啲會更好。但係其中飲木瓜鮮奶嘅朋友睇到張單開佢$18，就叫咗落單果個哥哥仔過嚟問；個哥哥仔話呢杯係加大，要加$3，但係成個餐牌木瓜鮮奶就得一個價錢($15)，亦冇話加大要加錢，咁我地同佢理論咗一陣，佢無奈改番做$15，始終唔係我地錯，係佢冇講。之後出去埋單...埋單果個應該係老細，佢又係話果杯係加大，要比多$3，咁我又同佢講，個餐牌係寫$15，你要比加大要加錢應該一早開聲，唔係我地飲晒之後先講要加錢。跟住之前落單果個哥哥仔埋嚟講話係佢冇講清楚搞錯咗，最後先埋到單。餐牌上有普通有加大應該寫明，唔係亂咁加大人地飲完就硬要人比多幾蚊，老實講幾蚊又唔係比唔起，但係咁搞法真係有啲比人搵笨嘅感覺，希望佢地可以改善一下。

近幾日瘋狂想喝傳統糖水，家附近又沒有，是日下午搭火車經過沙田圍，就乾脆在此站出去覓食一番，再走路回家。一出站就看見了蔚為壯觀的大排檔棚，時值下午4點几，檔里人還不多。走幾步就看到了這間天湖甜品小食，店面還算乾淨，地面也沒有垃圾或水跡，檔口周圍只有兩個阿姨坐了一桌邊吃小食邊聊天。由於喝糖水之心來得急切，於是就這里了。進去看到密密麻麻的手寫Menu，心里不禁多了一絲親切感。在Menu下躊躇半天，最後叫了一碗凍喳咋。老闆娘的聲音十分溫柔好聽，人也親切有笑容，沒人的時候就不斷地擦外面的枱枱凳凳，難怪坐下的時候感覺很乾淨。 喳咋 ($14)滿滿的一碗且用料豐富，紅豆、綠豆、眉豆、西米、芋頭、紅腰豆、三角豆，加上花奶，口感更加柔滑。紅豆真的煲到很起沙，每喝一口，舌尖都會泛起絲絲溶入其中的陳皮的甘甜。眉豆就很鬆化纏綿，入口即溶，有點吃軟雪糕的感覺。大大粒的紅腰豆我最為欣賞，不會過淋，但又不生硬，粉粉糥糯的，口感甚佳。三角豆煲得粉而不爛，芋頭質感緊實，但不是因為夾生，而是因為仍處於半冰凍狀態，咬開中間還能看見點點碎冰，吃起來很有趣，煙煙韌韌的，又有點粉，又有點像吃沙冰~ 西米我就覺得煲得太爛了，幾乎溶

叫了一份雜果涼粉、一份雜果大菜糕，有點意外雜果並不是罐頭雜果，而是新鮮生果切粒而成… 有西瓜、木瓜、杧果、香蕉、蜜瓜等雖然碗細細，但生果粒堆得滿滿的除了份量足料，感覺上幾抵食外，賣相也相當唔錯，起碼夠色彩繽紛先啦只賣二十二元一碗，無論涼粉或大菜糕，都算是抵食的消暑甜品

我與友人叫左三樣野食1.啫喱 $9 簡直是想將個啫喱掉落地下睇下係唔係震滕滕，因為佢地落左非常多的魚膠粉令到個啫喱 變得真係硬硬地。2.火麻仁 細杯 $9 大杯$11 先係個賣相同一般旺角街 頭的涼茶鋪相比，係偏向一點的深木黃色，味道甜佔大多數3.煎腸粉 $10 這個可以話係佢地的招牌菜。味道都可以接受。

愛甜可能係女人嘅天性, 食完晚飯就過o黎食甜品啦! 點知失望而回. 蛋白燉鮮奶 - 熱同滑兩者欠奉, 失望.芋茸西米露 - 朋友食咗2啖, 酸ka.

凍冰冰, 幾條友衝入去, 我叫左碗花生芝麻糊加湯圓, 食兩啖, 我已經想放棄, 真係... 我自己走去百佳惠康買盒多多沖粉, 都怕且拍得住... 完全冇花生味, 完全冇芝麻味.. 同埋.. 甜到呢.. 真係落左好多糖 law 我想講... 唔係吹水, 我地一行七人, 有四五個食佐半碗 (不同湯水), 就放下湯羹好唔好食, 你地自己話下面有人話, 好有花生味... 唔係掛... 食過糖水未架...

前晚同左成班fan去左呢間店到食d小食同糖水,叫左好多糖水同咖喱魚蛋.豬皮同蘿蔔,d糖水係用湯電裝,份量起碼多過出面一倍,但價錢差不多,而且味遁唔錯,一定要試雙皮奶,味道不錯,口感有少少粗糙,但都ok,只係$15一碗,其他咖喱魚蛋.豬皮同蘿蔔,都要試下,d咖喱味好香好濃,但唔算辣,不錯,食勁多野一人都只係$27,真係抵.

在金沙角吃完晚飯之後,少不免以甜品作結尾,稍移玉步,來到同樣是在冬菇亭內的"天湖".簡簡單單,要一杯椰果涼粉冰.椰果是椰汁雪出來的果凍,味道帶有很濃的椰味,入口彈牙.加埋涼粉,同椰汁一同入口,坐在悶熱的冬菇亭之下,感覺透心涼.喝罷之後已很飽,步出亭外,見到門外的牛雜檔口,只有眼巴巴,看著友人將牛雜放入口.一副享受的樣子,令人妒忌.

等人的時候~叫了一客花生芝麻糊一見已覺得可愛~圓中有圓亦不捨得打亂呢個亂中有序的感覺~一直慢慢地食~每一啖都有花生芝麻味~不論顏色定味道~都係花生中有芝麻~芝麻中有花生的感覺糊中有糊~你中有我~oooooooo~好一碗花生芝麻糊略嫌夠香未夠味~但唔會過甜~都算係咁啦~