影片
食家推介
招牌菜
由我小时候认识车仔面开始，总觉得，食车仔面既地方，一定要邋邋遢遢才有风味。所以，食车仔面向来都有另一个称呼，叫 "嗱喳面"。前排，一个人在马鞍山等阿仔放补习，我就看中了《天河食坊》这一个看起来嗱嗱喳喳的地方，食一碗开心的嗱喳面。当日我要的三𩠌是牛腩、猪大肠同烟肉肠。烟肉肠的确是一个少见的选择。店另一边是售买牛杂鱼蛋小食的。相信是这原固，餐纸上会有这些煎炸小点的出现。这儿的牛腩汤底看起来好清，但味道却是十足的，牛腩肉厚香口，大肠够腍够香，也带少许腥味，配合了油面，令整个味道很是地道，很是嗱喳，很有风味。当日，我配上一杯奶茶。小小店虽主打车仔面，本以为只简单地卖汽水的。然而，他们的奶茶是一杯令你我他都会感满意的出品。够浓香，奶味茶味都十足，非常之好。改日，又系因为等阿仔放补习而再一次路经这儿。为食地叫了一碗牛杂。相信，车仔面的浓香腩汁就是来自此牛杂，碗内的各内脏都很入味，很腍，是一碗很完美的路边牛杂。再一次证明，有心去一些嗱喳地方寻食，会寻找到令人开心的好味道。
继续阅读
我谂住马鞍山既应该都食过呢间🤣佢d炸烧卖真系几热气都食左先讲🤤炸到外面好脆入面又好烟韧🤤🤤🤤再加埋蜜糖真系好好食😹I think you have heard of shumai before, one of the most popular street food in Hong Kong. And this, makes it to another level!!! It's crispy outside and chewy (in a good way) inside. Btw it serves with honey, so u can imagine how good it is😻
继续阅读
天河食坊而家好少见到有猪红猪肠食，难得去小店试试👍👍猪红份量较多，猪肠就少d，都洗得好干净😁我仲叫左杯冻柠茶，茶底都👌整体评分：3.5/5环境：3.5/5味道：3.5/5地址：马鞍山鞍诚街28号富辉商场地下
继续阅读
平时谂唔倒食咩, 又唔想食饭个阵, 都会嗌个车仔面食下, 配料多选择之余, 每样都做得好好.大肠同牛腩都好入味, 又好淋. 牛腩虽然肥左少少, 但一定唔会好干柴, 每旧都做到一丝丝咬出黎既感觉.白萝卜虽然唔会超甜心, 但做到好淋, 又无根, 已经好过好多车仔面店架喇.有时都会叫下鱼皮饺, 牛肚同佢比较出名既鸡翼尖既. 久唔久换下口味, 点都唔会食得厌.最重点推介, 其实系佢既麻辣汁, 比起好多标榜卖麻辣既舖头, 真系高几班, 如果食得辣, 不妨剔完, 系侧边写多个中字, 等厨师知道你想加辣.
继续阅读
车仔面一向系平民食物，但做得好一啲都唔易，我相信大家都食过好难食嘅车仔面。呢间车仔面做咗好多年，好多街坊都钟意帮衬，除咗价钱平，当然质素都唔错，性价比高。我今日带咗三𩠌面， 分别系红肠、猪红、同埋鱼蛋。佢个麻辣汤味道唔错，唔会好辣但系带麻嘅感觉，猪红系我最钟意食嘅配菜，唔会一夹就散，仲有弹性，唔系间间车仔面都做得到。小食方面，佢有好多选择，牛杂啦，咖喱三宝等等，我今次就叫咗炸大肠同炸烧卖，佢炸大肠上碟之后会有蜜糖淋上面，炸大肠卖$16串，但件数都几多，外皮香脆大肠弹牙。炸烧卖我不嬲都好钟意食，不过我觉得炸得硬咗少少，不过不失。
继续阅读