影片
1. 成个梨木树最贵，茶餐厅嘅话宁愿食太子、君豪好过2. overall质素一般，见其他评论吹到天花龙凤，结果野又唔系特别好食，装潢又唔系靓，位又坐得唔舒服，凭乜咁Q贵？3. *最最重要* 老细态度极之恶劣食个饭好似争佢钱咁，唔睇店名以为食紧澳牛。明明成间铺得1、2枱客，上菜仲咁慢，野饮又冇味，野食方面嗌左个常餐同炒面，见住老细亲手落厨煮通粉，但啲味好明显系惠康有得买𠮶只最cheap嘅通粉连汤底，咁我自己去惠康买返屋企煮好过啦，另外个奄列表面㶶晒不得止，啲火腿漏晒出嚟，卖相极差，唔讲以为嗌嘅系火腿炒蛋。至于炒面就好啲，应该系另一位厨师炒嘅，有镬气，整体不过不失
继续阅读
今时今日，买少见少，梨木树邨老牌茶餐厅，装修怀旧，味道依旧，学生时代嘅茄汁饭🤣，冇乜边度仲有得食😅😅，人情味浓，王牌推介：烩茄汁吉列猪扒饭，正！长做长有🥳
继续阅读
买少见少旧式茶餐厅。假天花，拱门，地砖，木卡位，木枱加玻璃，水吧位灯片，过去传宣既海报，入到去好似时光倒流。午餐45左右街坊价，但我都叫左个绘汁吉猪饭加杯冻奶茶。绘汁系以前周街都食到既果道，浓浓地，甜得黎有些少茄汁味。点解我话以前容易食到？因为随著领展赶尽杀绝，又或者餐厅无人接手，依类茶餐厅愈来愈少。而家多数响独立大厦地铺先会有机会遇到。不得不赞佢个吉猪，炸得岩岩好，咬落松化，58蚊，岀面都食唔到。一味卖弄厚切果d餐厅无用架，宁愿你炸得好比多件人地啦，果d餐厅永远令你失望。
继续阅读
一间无乜装修既茶记但系有种怀旧既情感食物质素都可以味道唔系话特别好但份量真系好多今次一入去间店舖，自己自觉扫安心出行再俾部电话老细扫，之后选左个卡位坐，最正系冷气好大再配合埋几部强劲风扇，特别舒服同埋空气流通啲😌之后叫左个烧鸭濑粉+冻华田$41蚊竟然有髀食！汤就唔咸但食物份量真系多最正系即鸭髀，淡淡肉。整体非常抵食$41蚊有鸭髀食同野饮算系咁架喇味道：6/10性价比：9/10📍天宝茶餐厅梨木树邨2座1-2号地下营业时间：上午6点至晚上7点
继续阅读
今日系梨木树村附近做野，到lunch时间，本想到街市里面的熟食店食碗云吞面加碟油菜，点知全个街市要进行翻新，封左。 之后行左去2座楼下的茶餐厅，装修好怀旧好有历史。我叫左午餐C － 茄汁猪扒饭、中汤和热奶茶。 茄汁猪扒饭：猪扒新鲜炸，几大件好香口，茄汁也足够，但冇唛味。 中汤：木瓜雪耳㷛猪骨。（例汤还可选择罗宋汤或忌廉汤） 奶茶： 够热，都几好饮。 这种旧式茶餐厅会随著楼宇翻新而一一被淘汰，有D可惜。
继续阅读