天天海南雞飯 (新城市廣場三期)

营业中

休息中

有名既過江龍，呢次冇食海南雞，叫左個牛筋牛腩煲。我相信佢擺明話得係招牌菜既都唔錯，呢個菜係10名內必叫既。個煲熱住上，食到一半仲有泡泡出，d汁用黎送飯超正。杯野飲都幾特別，豆花美綠恐龍，都值得一試。埋單～$267，計埋茶同加一，都算值得食下。

今天放工後來到新城市廣場覓食，見到很多餐廳都排滿了人，需要等位等好耐，然後見到呢間天天海南雞，不是太多人等位，於是就打算走去呢一間度食飯，果然很快就已經有位俾我哋入去。我哋點了三個菜式，但係全部菜式都只是微暖，一啲煙都沒有，所以很難食，我哋覺得很奇怪，點解啱啱煮好出嚟都唔熱啲餸，後來發現原來佢哋個廚房並不是在餐廳裏面，而是在餐廳外面，要經過一條走廊先到，所以見到職員運送菜式需要穿插商場的走廊，中間要經過很多不同類型嘅舖頭先會到達廚房，所以因為這個原因啲菜式就唔夠熱了。如果係而家呢個天氣都唔夠熱，甘下星期天氣開始變凍，得17/18度的時候啲菜式會唔會更加凍呢。最後吃了三款唔熱嘅餸菜，肚子有點不舒適，感覺中伏了，而且價錢不平，最後埋單四百幾蚊，真係去食大家樂好過，起碼夠熱。相信嚟過呢間舖頭食嘢嘅人都知道佢啲餸菜唔夠熱，因為廚房喺出面嘅緣故，今次係我第一次嚟呢度幫襯，所以就中伏，希望大家留意小心注意一下。

呢晚同男朋友去完新城市睇戲，就順手響附近搵野食醫肚，試左呢間天天海南雞既沙田分店，野食大大份又好味，估唔到除左海南雞好食之外，甜品都咁出色，推薦可以去食下😙❀天天海南雞❀雞肉採用文昌雞，半肥瘦咁，入口嫩滑又juicy，點少少薑蓉、黑醬油或者酸辣醬都好好食。❀肉骨茶❀肉骨茶個湯藥材味偏重，味道幾清甜，排骨大大塊好多肉，煮到好腍好入味，仲有好多其他配菜例如：豬肚、腐竹等，好豐富，食到好飽。❀食神魚籽菠蘿海鮮炒飯❀炒飯炒到粒粒分明，有蝦仁粒、魷魚+蟹籽等，份量較多，建議2個人share。❀椰奶炸龜苓膏❀最有驚喜反而係呢個，椰奶好香又甜甜地，中和左龜苓膏既苦澀味。

今日同朋友行完沙田新城市廣場，好耐未食過海南雞啦，所以去咗天天海南雞食晚飯！呢間餐廳嘅嘢食都幾豐富，有好多選擇，我哋兩個人叫咗一份正宗海南雞、鬼馬水蜜桃咕嚕肉、食神魚子菠蘿海鮮炒雞油飯、同埋豆花恐龍美祿。正宗海南雞終於食到我最愛嘅海南雞啦! 雞肉鮮嫩多汁，皮薄多肉，配上特製嘅醬料一齊食，十分惹味！鬼馬水蜜桃咕嚕肉呢個冰鎮咕嚕肉都好特別，底部嘅瓶子裝住啲乾冰，不停飄出煙霧，十分特別。咕嚕肉酥脆多汁，外層香脆、肉質嫩滑，配上甜甜酸酸嘅醬汁加埋水蜜桃，鍾意食酸甜嘅朋友唔好錯過！食神魚籽菠蘿海鮮炒雞油飯呢個海鮮炒飯味道唔錯，每一啖都有蝦仁，配上鮮甜魚籽加埋菠蘿乾食，感覺新鮮！豆花恐龍美祿最後呢杯豆花恐龍美樂係我嘅最愛，上層鋪滿美祿粉，下身就係香滑嘅豆腐花，每一啖都好香濃朱古力味，推薦呢個！

夜晚8點 個場已經冇咩人，舉手叫嘢食 全部waiter當睇唔到，有個係cashier 見到 示意等隔離落緊order嗰個。其他人係度行行企企，經理全程唔知做緊乜，應該埋緊數，大家樂都不如。

一向好少寫食評嘅我，今次都真係忍唔住要發聲，真係太差。雖然當日假期，但因為時間尚算早，大約5點幾去到，暫時唔會有太多客人，可以直接入座。當我拎起個茶壺，正想倒杯茶，見到杯中有漂浮物，立即叫侍應換一隻杯。跟住點餐，叫咗一個海南雞拼燒雞，一個細油飯，一個班斕汁椰香鱈魚，一支啤酒。好快個海南雞同埋油飯到咗，油飯完全唔熱，只係得微暖。海南雞都係微溫，個雞似係慢煮，味道好淡。燒雞又係微温，皮唔夠香脆。跟住個鱈魚嚟埋，一啖食落去，鱈魚個炸漿好厚，唔夠薄身，好似食緊炸粉漿咁，一個字～（差）所以我以後都會記住，每當見到有米芝蓮嘅舖，都唔好行入去，今次就當買個教訓，講完。

放假沙田新城市好多人，間間餐廳都好多人等位，鐘意食雞既我就揀左食海南雞🤗天天海南雞咁出名，一定要試下 😆雞既份量有好多😍雞味濃👍🏻肉質嫩滑🍗搭配醬汁好好味😋十分出色油飯吾油膩又香👍🏻

從來都唔寫食評，忍唔住要寫實在太差太差太差👿👿👿，極難食海南雞一哥，今日外賣大份正宗海南雞，九成都係骨頭😡，仲要皮多過肉，d皮又厚，雞骨都變晒深色瘀黑色😤，從未食過咁差嘅雞，又老又鞋，似返熱過隔夜雞味道，煲過湯嘅雞，超難食，普通快餐店仲好食過佢多多聲，仲成二百蚊一份，實得四份一隻雞都無，好食都話呀，一啲都唔好食，差到極点，沒下次。唔怪之得咁小人食啦，呃錢搵笨。👎👎👎👎👎👎👎

衛生方面: 張櫈有上手大量殘餘物，枱面除咗即棄嘅餐具之外冇一樣嘢係乾淨，三個人三隻杯全部入面有水仲有一粒粒奶白色嘅物體，待應換完之後都仲有一隻杯有呢啲粒粒佢哋啲碗都係濕，仲有啲唔知幾多手嘅飯碎殘跡拎出嚟比人用之前冇check過呢啲咁基本嘅嘢咩？食物方面:收199一碟雞雞肉少但係又肥又多骨，啲海南雞醬汁少得可憐雜菜粉絲入面唔知點解得一粒雞腎，係加料定係冇料到？個雞油飯就不過不失，成為成餐飯最有特色嘅食品Service唔expect咁多，兩個人做全場嘅客超人都覺得辛苦最後埋單見到要收茶位真係估你唔到新城市天天海南雞，唔會有下次

新加坡過江龍 ［天天海南雞飯］相信唔需要多介紹，在香港也可以品嚐到正宗新加坡風味，分別在銅鑼灣，沙田，圓方都有分店，一想食海南雞飯都會諗起呢度，今日就去咗銅鑼灣分店朝聖!🍈▪️百香果哈密瓜店舖非常窩心，一坐低就會送上香茶和水果，哈密瓜非常香甜配合百香果嘅酸咪咪，胃口大開🫕▪️正宗海南雞 $ 199必食推介，嚟到呢度就一定要食新加坡最出名嘅天天海南雞，雞皮雞肉幾乎沒有脂肪，但雞肉非常嫩滑，而且雞味好濃，配上最傳統嘅三色醬（薑蓉，蒜蓉辣椒醬，黑甜醬油）美味🍚▪️雞油飯（細窩）$ 39雖然話係一至二人份量，但係都好大煲，油飯好香雞油上湯味道，飯粒飽滿，就咁食已經好好食，但當然必須同海南雞一齊食先係最佳拍檔🥬▪️參巴辣椒炒通菜 $ 89炒得爽脆嘅通菜配上參巴醬，超級惹味，仲加上脆脆嘅銀魚乾，更加香口🥘▪️鮮大蝦冬陰功湯（2隻蝦）$ 89 估唔到呢度做得好出色，店員會用爐和瓦煲現場你面前加香料和將大頭蝦即時煮熟，值得一讚，湯頭夠酸辣好濃味，蝦大大隻新鮮爽口又彈牙，其他材料如香菇小番茄一樣咁好食

沙田新城市廣場三期真係好多嘢食，而今次我同老公好想食海南雞飯，所以就揀咗呢間長期排隊嘅天天海南雞，之前已經聽過朋友介紹幾好食，今次特登過嚟試一試。黎到呢度梗係食個招牌海南雞飯啦，仲要一定係轉油飯，白飯梗係冇咗呢個嘅精髓，所以識食一定要食油飯，就算幾肥都一定要食！呢度真係坐得幾舒服，有多卡位，又唔會好逼夾，舒舒服服坐低食野！特別一讚嘅係佢哋嘅茶好好飲，好香，出邊好少何有得飲呢個茶味，所以都忍唔住嘅職員添咗一壺熱水俾我！跟住仲叫咗個椰菜煲，都幾特別幾好食，仲要大大煲，食咗海南雞有少少油膩嘅感覺，食返個菜即刻平衡返。仲有呢度職員嘅服務態度都幾好，會介紹菜式俾我哋選擇，等我哋呢啲選擇困難症嘅人可以快啲揀到嘢食甜品。

✨黎到沙田區食晚飯，今次又揀左位於新城市廣場的天天海南雞飯店，他是馳名食新加坡菜，所以推薦大家可以試下他們的海南雞🍗👍✨現在分享下我們今天晚餐美食😍1️⃣海底椰燉湯湯夠甜，清下熱氣，仲可以食埋椰子肉2️⃣豬牛雞串燒(半打)豬牛雞每樣2串，雞肉好滑，豬牛也惹味，熱辣辣上碟🤣3️⃣海南雞招牌菜👍真是招牌菜，他們海南雞好滑，好食呀😍4️⃣香脆蝦多士(4件)蝦多士夠脆👍5️⃣可愛白兔仔😆得2件的可愛白兔仔椰汁糕👍6️⃣老鼠粉(銀針粉)成個煲仔上，好足料，大煲💕✨餐廳地方大，又坐得舒服👍

👨🏻‍🍳食物：天天海南雞： 唔好以為海南雞一定好肥膩， 主打新加坡米芝蓮的海南雞，做法同香港食到的海南雞好唔同。顏色偏白， 鷄皮好似水晶皮，去晒脂肪， 食埋鷄皮都無罪惡感！ 嫩滑的鷄肉可點秘製辣醬同好厚身的頭抽， 點多D都唔會咸，不過唔食辣既朋友就唔好點太多辣醬喇！龍蝦湯炸鷄油鍋巴：龍蝦湯用爐分開上，材料新鮮， 先將龍蝦， 帶子， 蝦肉放入，最後放海南雞油飯炸的鍋巴， 沾滿濃濃的龍蝦湯， －定要襯熱食! 新加坡古法肉骨茶： 同馬拉做法完全唔同， 無藥材味， 係濃郁胡椒豬肚湯， 奶白色的湯配上四大條排骨加上吸味的豆卜，腐竹。用石爐暖住， 慢慢嘆。 豆花恐龍美祿，豆花奶茶： 大大杯， 啖啖滑豆花，唔會太甜， 飲唔曬仲可以拎走慢慢飲。桂花糕配多班蘭醬：口感似白糖糕，馬拉糕用蒸籠原個上就見得多， 白糖糕都係第一次見。 配上好杰身的班蘭醬， 熱食可以溶左個班蘭醬， 不過涷食都唔會唔好食！ 冷， 熱， 點醬， 唔點醬都有唔同風味。🏙環境：位於沙田新城市中心第三期（一田上面）非常方便、 雖然係open area但其實分間得唔錯，唔會俾行街的人影響。藍色主調好sharp，有心思的裝修， 坐位舒適。💰價

點了海南雞飯同菜，根本睇到個樣都係吾人想影相，一全份$199不過就得半份，嗌埋白飯，根本都吾飽。最後點樣埋個通菜，不過通常菜就有咸🐟仔，炒得有功夫，味道係幾好味，最後拿返d分，不過雞飯完全不合格。除咗reception全部侍應死氣沉沉，質素已經吾係星加坡水準咁都幾難維持

講真嘅，飲飲食食呢家野，真係要親口嘗嘗先知有幾好食。今次，我就帶您一齊去沙田新城市中心嘅天天海南雞飯，一試南洋風情嘅美食。我同朋友揀咗個"龍鳳配二人餐"，首先上枱嘅就係兩碗花膠太史蛇羹。太史蛇滑溜溜嘅口感配上濃厚嘅花膠湯底，真係食得出心機。有人話我過譽？唔係嘅，你自己試咗就知道。 再來就係主角－天天海南雞。呢隻雞雖然係中size，但肉質緊實，配上特製醬料，每一口都充滿咗雞肉嘅鮮香。另外，海南雜菜煲新鮮得來又有湯底嘅濃郁，真係足夠你一路食到飽。 講到雞油飯，天天海南雞飯佢哋嘅飯真係唔得了，飯粒飽滿又唔會太油，每一粒飯都充滿咗雞油香味，單食已經好夠味。飲品方面，我哋揀咗桃膠菊花桂花雪梨茶同竹蔗茅根馬蹄薏米水，兩款飲品都清甜解渴，特別係炎炎夏日，喝一口就覺得清涼。  最後，餐廳仲送上咗兩份豆腐花。呢個豆腐花，真係滑嫩得來又唔失味道，配上微甜嘅糖水，完美結束了一頓豐富嘅午餐。總括嚟講，天天海南雞飯真係一間值得一試嘅餐廳，無論係環境，服務，定係食物，都給人一種滿意嘅感覺。如果你下次去沙田新城市中心，一定要去天天海南雞飯試試看！