天天海南雞飯 (ELEMENTS圓方)

营业中

休息中

今次再次到訪餐廳同朋友食過都大讚好味佢係榮獲米芝蓮嘅海南雞飯店一定要試海南雞🐔餐廳平日都好旺場想食嘅朋友最好book定位🔸天天燒雞 $189之前食過海南雞，今次就叫燒雞。佢哋嘅燒雞都好好味😋雞皮燒得好香好脆，色澤都好靚，睇到都流哂口水🤤雞肉燒完之後都仲好嫩滑，食落咸度適中，無論係就咁食定係餸飯都一流！🔸火焰沙嗲串串 $129呢道串燒拼盤一共有選串，分別係兩串雞肉、兩串🐖豬肉同埋兩串🐄牛肉。以鐵板上菜，倒醬汁落去會炸炸聲！每款串燒都好好味，雞肉同豬肉燒完都好嫩滑，牛肉嘅牛味亦好香濃，再點埋秘製嘅沙嗲醬就更惹味，沙嗲醬好香花生味。🔸斑斕汁椰香鱈魚 $99鱈魚嘅外層炸到金黃亮麗，一啖咬落去十分香脆，魚肉🐟嫩滑鮮甜，食落完全唔腥，最估唔到係好夾斑斕汁，好味到停唔到口🤣🔸蜜桃香水檸檬茶 $32 呢杯飲品非常大杯，蜜桃🍑味道好香甜，加埋檸檬茶酸酸哋，飲落個味道都幾過隱，大大啖啜真係好涼快。🔸雞油飯 (S) $39叫細Size已經好大碗🍚，份量夠3人食！雞油飯嘅米飯粒粒分明，食落香而不膩，非常出色！

米芝蓮海南雞，圓方這間分店經常大排長龍，可能近高鐵站，所以特別多人。打開餐牌，就係明星合照。懶得選擇，就要了「新加坡米芝蓮二人套餐」$499鳳利涼瓜乾貝燉龍霽湯：湯非常清甜，味道濃郁。蝦皮素肉鬆凍豆腐：口味清新，賣相不錯。黑松露墨魚蝦多士：黑松露味道濃厚，配上清新的沙律菜及木魚絲，口感非常好。正宗海南雞：侍應介紹是正宗文昌雞。雞味濃郁，配上不同醬汁，雞肉入口非常嫩滑，雞皮與雞肉之間有透明的啫喱狀，雞皮爽口彈牙，而且確是上成之選。爹巴辣椒炒通菜：通菜青綠爽口，配上香口的爹巴辣椒🌶️，味道濃郁。50年代金牌熱咖啡☕️咖啡味道濃厚，但若嫌味道偏甜。注意用餐時間只有1.5小時，價錢不是大眾化，但食物質素不錯，有機會會再次嘗試。

放工諗住去西九睇［北極光］首先我哋乘地鐵去到九龍站，想吃個晚餐才去觀賞，朋友說有一間好出名食海南雞的餐廳叫［天天海南雞］，係米芝蓮餐廳嚟㗎，非常吸引，於是就跟有friend一齊去找餐廳。門口裝修好簡潔，地方好寬敞、好舒服。店員好殷勤招呼我哋入座，我哋睇下價錢，畀出面海南雞嘅店貴，不過佢係米芝蓮喎！所以可以接受。剛剛呢度套餐，有折好抵食，我哋叫了一個新加坡米芝蓮二人餐。正宗海南雞，好有雞味， 雞肉好嫩滑，連同埋啲醬 一起食， 真係另有一番風味。 鳳梨涼瓜乾貝燉龍骨，鳳梨啲味好清甜，配埋乾貝加龍骨，好特別、好好飲。蝦皮素肉鬆凍豆腐，豆腐好滑，食落啲味好夾，好清新。 黑松露墨魚蝦多士，蝦同墨魚真係好彈牙，加埋一齊好夾，再加木耳、沙律菜一齊食，好有新鮮感，蝦多士亦都冇油膩的感覺。 海南雜菜煲，用料好豐富：有粉絲、雜菜、雞腎、雞潤。味道鮮甜 入味，一個不錯的雜菜煲，配搭很恰當。椰奶黑金龜苓膏，第一次食炸龜苓膏作甜品，真係好特別，好好食，好彈牙。 最後，飲一杯金牌咖啡或者年代奶茶，真係一個完美嘅晚餐。

平時好少去圓方，經過天天海南雞，見到幾吸引就去試下！餐廳地方都好闊落，而且擺設都幾典雅，有心思！我地先叫咗一客「海南沙律」（$69），叫得海南，就預咗有果種酸酸甜甜既香味，無花果配芭樂（番石榴）呢個配搭真係好正，好新鮮開胃。順帶一讚係餐廳用既碟同煲都好靚，陶瓷餐碟特別有Feel！之後就叫咗兩個小食，分別係「脆皮豆腐配新加坡辣椒汁」（$59）同「黃金軟骨」（$79），豆腐既炸皮夠薄夠香脆，點埋酸甜既汁醬，更加惹味可口，個汁係有少少辣，但我唔算太食得辣都覺得OK黃金軟骨就係我呢餐既至愛！用咗鹹蛋黃嚟炸，口感好豐富，每食一粒都令人有種滿足感，亦都好飽肚！主食方面，我地叫咗一客「黑磨豉牛筋牛腩」（$139），個汁醬係好濃重既磨豉味，如果可以配飯應該更正！而牛筋牛腩份量都好充足，令人驚喜既係，牛腩真係超大條，啖啖肉絕對係物超所值而另一客主食就叫咗「街坊砂窩銀針粉」（$99），印象中係香港都唔係好多地方有得食銀針粉，諗返好多童年回憶，哈哈入面既食材都係常見平凡既，但撈埋一齊，果種滋味真係難以形容特別係配埋鹹魚仔同蝦米，令成個粉既層次再昇華咗份量亦都好充足，兩個人分享都好夠食（撈埋一齊既樣）最後，我

這間天天海南雞飯位於圓方商場，裝修相當氣派，座位十分寬敞，坐得舒適。今天到西九文化中心附近行逛，順路到這間餐廳吃飯。等於選擇困難的我們，菜色選擇實在太多，我們點了二人套餐，抵食之餘想要的菜式也應有盡有！🐥海南雞：天天海南雞半隻作為餐廳的主打菜，海南雞的質素相當有水準，不愧為米芝蓮推介餐廳。二選一的海南雞，我們選擇這款天天海南雞，雞味比較濃，海南雞附有醬油，辣椒醬，薑蓉，還有一粒青檸，味道十分合拍。而且雞肉質嫩滑，雞皮也很薄沒有脂肪，一點也不油膩！🥥班蘭椰香鱈魚班蘭汁和椰香的味道相當突出，鱈魚塊雖然是炸的，但也不覺很油膩。🥗海南沙律原來海南的沙律這麼特別，無花果加上紅肉番石榴，灑上一點梅粉，清新又開胃！🥬海南雜菜煲對於經常大魚大肉的我們，外出吃也想清淡一點，所以選擇了集材煲，蔬菜粉絲全部很入味，菜也鮮甜。😊🍚小煲油雞飯油雞飯很香但一點也不油膩，份量也十分多兩個人吃不完！天天海南雞飯 (ELEMENTS圓方) (尖沙咀)📍尖沙咀柯士甸道西1號ELEMENTS圓方水區1樓1050A號舖

今晚收工去左圓方到行街，順便食埋晚餐。睇餐牌都見好多選擇，只係雞都已經有3種。問左店員正宗海南雞同天天海南雞的分別。店員回答正宗海南雞會較有雞味，而天天海南雞經過處理會較少骨。最後我們決定叫正宗海南雞。正宗海南雞（$199）：真係幾有雞味，同埋點埋d醬又幾好食，有薑蓉，辣醬，醬油，點唔同調味料都好match,同海南雞又幾夾。另外雞肉肉質又鮮嫩，完全唔會韌。正宗海南雞，再配埋雞油飯（$39 for 1-2人），真係非常正，雞油飯真係好香。而且飯的份量真係好多，2個人一定夠食。黑松露墨魚蝦多士（$109）：蝦同墨魚真係又好彈牙，加埋一齊好夾，上面的木魚，沙律菜加埋一齊令佢食落又幾fresh,中和左本身蝦多士的油膩感。辣子雞翼（$79）：又幾香辣，唔錯，辣味都夠，岩哂鐘意食辣的朋友。豆花年代奶茶（$32）：奶茶+豆花，估唔到係咁夾，真係好香滑好好飲。

今日同屋企人黎到圓方呢間天天海南雞飯食晚餐🥰之前已經食過其他分店一次，所以今次決定試下未食過嘅菜式！除左十大招牌菜之外，仲有好多唔同嘅菜式可以揀😍我地揀左惹味花蛤配青瓜、火焰椰子八寶燉雞、黑磨豉牛筋牛腩同埋酸菜石斑。頭盤花蛤配青瓜，辣辣地好花味，花蛤好鮮甜，都算幾大粒同埋完全冇沙。辣辣地嘅青瓜好fresh好開胃🥰火焰椰子八寶燉雞，上菜時店員會點著d火，視覺上非常震撼。個湯好好味，足料得黎好清甜！黑磨豉牛筋牛腩，牛筋非常軟稔，好有膠質。牛腩出奇地柔軟有彈性，又好入味。完全唔靭唔乾。中意食濃味嘅人可以揀呢個😚酸菜石斑，用石斑黎做酸菜魚，正呀！石斑好鮮甜，非常嫩滑非常有彈性。湯底酸酸辣辣好開胃。飲品揀左招牌超級水果茶，好大杯，入面好足料！真係咩生果都有，好多果肉。非常冰涼，正！

裝修風格非常愜意，有個電視播放新聞海南雞用上精緻的碟子上桌，附有醬油，辣醬汁，薑茸、甜酸汁和秘製醬汁天天海南雞滑嫩有底味，可惜天天燒雞賣曬了每個菜都非常精緻的同時量也不小，細窩雞油飯夠四個人吃雞油飯粒粒分明滿帶油香，但又不會油膩

今晚去咗Element度食"天天海南雞飯", 時間只係大約七點多就已經差唔多爆場, 可見佢嘅受歡迎程度都好高👍🏼正宗海南雞 $199 我地㨂左呢一款係用文昌雞做嘅, 雞味會重啲, 當你一夾起舊雞嘅時候就會見到雞皮同雞肉中間夾著一層啫喱, 睇見都流口水, 咬落去嘅時候雞皮夠爽而雞肉質地亦十分嫩滑, 可見煮雞嘅技巧非常好, 而食嘅時候再點埋辣雞醬就更加野味雞油飯 $39, 食海南雞又點可以唔配埋個雞油飯呢, 個飯煮得粒粒分明而且唔會油膩, 帶少少鹹香味, 同個海南雞係絶配參巴辣椒炒通菜 $89通菜炒得青嫩爽脆, 參巴醬嘅味道同馬拉盞有幾分相似, 菜中間夾雜住幾條紅辣椒仲以為會好辣, 但原來味道啱啱好, 就算食唔到辣嘅人都大可以放心食黑金义燒 $99呢味叉燒認真有噱頭, 當服務員放低嘅時候就會淋上少少酒再點火, 讓火在叉燒上面燒一陣, 真正做到色香味俱全, 义燒用腩肉做嘅, 肥瘦相間, 食落口有陣陣油脂香味滲出, 肉質爽滑唔靭, 呢碟叉燒堅係正超級水果茶 $38水果茶真材實料, 裏面有幾款生果片, 味道酸酸甜甜解渴又開胃豆花恐龍美祿 $32美祿恐龍大家應飲過, 但加埋豆腐花一齊就真係第一次試

今次我造訪的是位於圓方的「天天海南雞」餐廳，餐廳環境十分舒適，裝修簡約而不失優雅，讓人一進入就感受到舒適自在的氛圍。餐牌選擇仲多，更加有不少２人／４人套餐選擇，散叫亦有好多選擇，岩晒唔同需要既朋友！接下來就來為大家介紹這裡的美食。首先是「蝦皮素肉鬆凍豆腐」豆腐口感爽滑，搭配上入口即化的素肉鬆和鮮美的蝦皮，讓整道菜品口感豐富。接下來是「黑松露墨魚蝦多士」，這道菜讓我留下深刻的印象，多士外層酥脆，香濃的黑松露醬充斥整個口腔，再搭配上彈牙的墨魚和鮮嫩的蝦仁，絕對是讓人一試難忘的佳餚。「鳳梨涼瓜干貝燉龍骨」這道燉菜以清甜的鳳梨和爽脆的涼瓜為主，加入了滑嫩的干貝和香濃的龍骨湯底，味道清新而不失鮮美。當然不能少了這裡的招牌菜「天天海南雞」，肉質鮮嫩多汁，非常之滑，搭配上不同款式的醬汁更是味道十足。拎黎送飯食真係一流呢！「參巴辣椒炒通菜」，是這次品嚐的另一道菜品，通菜爽脆可口，搭配上鮮辣的參巴辣椒，讓人胃口大開。最後是「雞油飯」和兩杯泰式飲品，雞油飯香氣四溢，米飯粒粒分明，讓人一嚐就愛上。而泰式飲品清新怡人，讓人在美食之餘也能暢快享受。總括而言，「天天海南雞」餐廳的菜品令人驚艷，不僅味道美味，菜式也

一年一度情人節黎啦，琴日同女朋友慶祝完，正日就梗係要留返同我另一位情人：母親大人食餐好既慶祝一下啦今次我地揀左系Elements 既米芝蓮級餐廳-天天海南雞飯食晚餐，經港鐵九龍站一出去到圓方一樓，走到水區沿右邊行到尾處就到餐廳，好易搵到正直情人節，商場內各食肆都坐滿情侶，而天天都唔例外，座無虛席，好彩我訂左枱，等左大概10分鐘就入得Menu 方面，餐廳推出情人節特色2人套餐，菜式幾吸引，不過媽咪就鍾意天天既經典2人套餐，前菜、主食、蔬菜、滋補湯水、小食以至飲品齊哂，性價比好似幾高蝦皮素肉鬆凍豆腐 凍豆腐夠滑嫩，沾上細汁同蝦皮素肉鬆，多重口感豐富，鮮味得黎唔太咸斑蘭汁椰香炸鱈魚炸球，粒粒都炸到金黃色，炸粉唔會好厚，沾上碟邊圍得靚靚既斑蘭椰汁，香甜、魚脂香估唔到係perfect match ，椰汁控唔好錯過🤩鳳梨涼瓜干貝燉龍骨呢碗精緻既燉湯有菠蘿片、元貝、苦瓜、豬骨，一開蓋d精華飄哂出黎愛養生既娘親冧到好快就乾左碗湯，相信佢個心同碗湯一樣咁甜天天海南雞油飯主角出黎啦 ， 傳說中米芝蓮級天天海南雞飯，雞件肉質細嫩，一d都唔肥，三種醬汁任你揀，薑汁、甜醬油、天天秘制辣汁。天天出名口號「飯比雞好

係element開舖，預咗好多嘢都mark up，不過真係期望越高，失望越大，落差有啲大。叫咗個正宗海南雞 (大份，半隻)，小窩油飯，喇沙水晶粉。碟雞個三款醬同雞汁係好食嘅，雞皮爽嘅，不過啲雞肉整體係。。。鞋嘅，二百蚊食鞋肉，咁樣亞_係好食過佢。至於油飯，唔太油，不過又唔夠香，整體ok。喇沙就由於係食哂飯先食，啲粉吸哂湯變咗好濃嘅撈麵，好彩唔係好鹹，建議下次冇咩事都係食粉先。因為佢啲雞飯先黎，試過就算。

個日同朋友去西九睇展覽，行完有啲肚餓，就入咗去圓方搵野食。經過見到有海南雞飯，好耐冇食就入咗去。我地叫咗個新加坡米芝蓮2人餐，再加一個甜品。鳳梨涼瓜乾貝燉龍骨燉湯好足料，飲得出老火湯嘅味道。蝦皮素肉鬆凍豆腐豆腐好滑，配埋微辣嘅汁食好開胃。黑松露墨魚蝦多士蝦多士賣相好吸引，炸得金黃香口，咬落去有粒粒蝦肉，再配埋香濃嘅黑松露醬食非常夾。天天海南雞招牌菜果然冇令人失望，冇骨雞肉好滑但唔肥，皮薄加上冇肥膏，又冇雞腥味，的確係米芝蓮水準。三種醬料各有風味，全部都係秘製，成功將雞嘅鮮味帶出。參巴辣椒炒通菜通菜好新鮮，唔會太辣，表面有炸得香脆嘅白飯魚炒，幾有驚喜。雞油飯份量好大，可以裝到六碗，雞油充足，飯香而且粒粒分明，值得一讚裝飯嘅器皿保暖做得好好。滋潤薏水、酸柑桔蜜兩杯五十年代嘅飲品都不過不失。椰奶黑金龜苓膏好特別嘅甜品，第一次食炸嘅龜苓膏，炸得香口，龜苓膏味好濃帶少少苦，點番少少甜嘅椰奶食平衡返。餐廳上菜速度好快，十分鐘內將所有套餐食物上枱，侍應好有禮貌，值得加分。

天天海南雞飯喺新加坡牛車水出名係人龍店🐥 但係我一直都唔知道原來香港都有😂😂 約咗人喺Elements睇戲朋友話睇戲之前食呢間我先知，原來圓方有？😱😱 咁就試吓呢間過江龍啦！🐉必食‼️ 當然係招牌菜海南雞🐥 呢度餐牌有分正宗海南雞飯同埋天天海南雞飯，店員解釋正宗海南雞係比較多骨，天天嘅海南雞就係會挑選比較多肉少骨嘅部份嚟做🥰 大家可以根據自己喜好選擇，我哋今次就揀咗天天海南雞！🐥 少骨識得好方便😆 而佢配上嘅三款醬就同傳統嘅一樣😋 配上油飯 味道正宗👍🏻👍🏻我哋叫嘅係新加坡米芝蓮二人餐，頭盤有個蝦皮素肉鬆凍豆腐◻️ 面頭有啲好似櫻花蝦嘅蝦乾，配埋個汁超香😳😳豆腐都好滑～小食方面有我最鍾意嘅黑松露墨魚蝦多士🦐🖤 佢個黑松露醬味道同蝦多士超夾🤤 多士中間夾咗啲墨魚膠，食落外皮夠脆 中間又彈牙！好正好想下次瘋狂食呢個🥹🥹套餐仲有鳳梨涼瓜干貝燉龍骨湯、參巴辣椒炒通菜🥬、同埋可以揀兩杯50年代系列飲品⋯ 我就揀咗港式嘅熱奶茶☕️ 茶同奶嘅比例捉得啱啱好，好夠滑～茶底冇澀味👍🏻 不過要提提大家，佢嘅熱奶茶係落埋糖嘅，如果要少甜嘅朋友記得要講聲😉真係特別要講下，呢度嘅食物除咗味道有水準，好欣賞佢哋都好注重

新一年嘅開始對自己好啲，黎左圓方嘅天天海南飯食餐好嘅！🐔餐廳比人感覺就好乾淨舒服，無論係想自己一個靜靜地食餐飯，定同朋友黎傾下計，都適合👍🏻前菜嗌左個凍嘅魷魚。坦白講章魚本身味道唔太濃，但口感爽彈，搭配個汁甜甜地凍食又幾開胃。同埋佢可以一口一件，食落都幾滿足😬主食方面，直試試佢呢度嘅招牌海南雞拼燒雞🤩海南雞除左碟上面三款醬外，仲另外比左一款醬汁，不過我試晒之後，都係覺得就咁食最好味👍🏻覺得佢呢度嘅雞大部份都好嫩滑，個人更偏向燒雞，因為啲皮燒到脆卜卜好香好好味🤣最後加左個雞牛豬串燒。佢係同鐵板上，黎到先淋沙嗲汁，你見到圖入面啲汁仲加熱緊👍🏻串燒味道偏濃，重沙嗲味成餐飯一個人食咁多嘢好滿足，店員服務態度好好，令整個用餐體驗更上一層樓！😬最後祝大家新年快樂，新一年重新出發，過得更充實美好👍🏻