影片
岩岩毕业返黎香港，前几日同旧同学屋企人聚会，佢地话天天川菜辣野几好食, 我:你地识左我咁耐，应该知我唔系好食得辣野个㖞! 佢地:有唔辣既菜架，同埋有得拣唔咁辣架嘛, 试下食啦，好好味架。我:咁好啦!我都好耐无食中国菜。一去到睇到门面装修几唔错, 呢间餐厅门口有播佢地上电视节目，又有杂志介绍，菜式睇落几吸引。职员安排我地7人坐一张大枱，系餐厅最内一个半开放式的空间，仲有电视可以睇添!我地总共点左6道菜，佢地都好就我, 尽量叫返多少少唔太辣既菜。我地点左金沙黑豚肉、鸡煲、水煮鱼、辣子鸡、猪油渣娃娃菜, 同埋我最爱既鸳鸯馒头。我地一路倾计一路等，菜式都好快就上啦。首先系金沙黑豚肉同猪油渣娃娃菜，卖相相当唔错!金沙黑豚肉 - 平时出面果D金沙可能会加好多蛋黄入去，有时口味好重，呢个可能唔系落左好多，又或者可能无落，但系就正合我口味! 调味岩岩好，肉质好鲜嫩，无雪味, 呢个打头阵，非常好! 猪油渣娃娃菜 - 猪油渣炸得够透，好香脆，而且唔会腻口!同菜既微甜好夹，亦唔错唔错!再黎就系水煮鱼 - 开始我最怕既辣味菜式(虽然已经叫左少辣)，一摆上枱, 我望住D辣椒香料好够料。我同学同佢家人一见到就好兴奋，好似急不及待咁。我望住盆鱼: ER.... 得唔得架? 佢地:试下啦试下啦, OK架! 我:咁我就试少少先啦咦，又真系OK㖞, 食落系少少麻麻地, 辣味都有, 但唔会话要喷火，所以我都接受到。之后我就够胆食大旧D, 鱼肉几滑，虽然睇落好似落左好多佐料，但系鱼本身既鲜甜味亦保留得到(尤其是我大啖D试既时候)，所以呢个都几好!跟住辣子鸡同鸡煲都上埋啦!辣子鸡 - 一摆落黎, 我心谂: 又黎咁多辣椒既!!今次炒埋一齐, 会唔会入晒味架!咁我又试少少啦, 比起水煮鱼,呢个的确系麻D, 辣度都可接受既, 鸡味香浓, 鸡骨都咬得落, 几香脆添!整体黎讲都几OK!鸡煲 - 鸡煲其实成日暑假返黎都有朋友话去食, 我都食过好多唔同既鸡煲，呢间绝对值得推介一下!虽然呢个鸡煲都系属于辣辣麻麻, 但系鸡肉好新鲜, 好滑, 佐料同酱料入晒味, 非常惹味!! 最后就系甜品啦! 真系极级耐冇食过既 鸳鸯馒头 !! 而家其实唔系好多餐厅有炸馒头食, 呢个坚有心思, 一次满足两种口味, 有蒸又有炸, 炸馒头就非常正，由童年到而家都系我最喜爱之一，呢个炸得好好, 外脆内软，谂返起都留口水!总括黎讲, 今日都好满足，菜式相当唔错, 环境服务都好好, 一啲都唔迫, 同朋友聚旧坐得好舒服，下次我会带其他朋友黎, 同埋试多D其他菜式。
继续阅读
呢晚约咗2位朋友仔食饭, 之前知道呢度开咗间川菜, 就决定一试~间野位置都几偏僻, 因为之前无黎过, 所以同朋友都揾咗一阵先揾到…店员安排坐位之后, 就递上超大本menu, 哈哈!暂时感觉良好, 店员有礼, 坐位舒服…睇图永远都系最吸引既, 但系人数唔多, 所以唯有决择!!最后拣咗:1/ 水煮鱼 (大)2/ 干煸土豆丝3/ 虎皮尖椒4/ 爆炸蟹 (可惜呢日无蟹)所以就改成…4/ 泡椒田鸡5/ 干煸肥肠落完单, 就边倾边等食.. 大约等咗 10-15 分钟就有得食啦..先上枱既系: 水煮鱼哇!! 超级大….个盆!! 里面都有好多料 (辣椒, 香料, 鱼片, 青瓜, 宽薯粉, 大豆芽…), 系满满既一盆~ 鱼肉大片嫩滑无骨, 薯粉软淋入味, 大豆芽青瓜新鲜爽口!!然后就系: 干煸土豆丝系一堆切得好幼既薯仔丝, 然后炸脆, 不过一D都唔油腻, 感觉好似食紧薯条咁… 不过调味 (椒盐/淮盐) 过重, 用黎佐酒还可以, 如果就咁食就真系太咸啦~之后就系: 泡椒田鸡泡椒!? 印象中泡椒应该系几辣既椒 (e.g.: 泡椒凤瓜), 但系点解… 呢个泡椒田鸡, 可以一D辣味都无既!? 而且, 佢个汁都怪怪的…似番茄…….至于田鸡, 初初果几旧都无咩, 不过食食下就好似有阵…怪怪的味道……!!再然后系: 干煸肥肠肥肠系深棕(近黑)色, 我估应该系卤过, 然后炸~ 猪肠油脂已清, 炸得微脆, 味道无咩特别, 都系一个唔辣既𩠌, 而且份量较少, 反而伴炒既大豆芽就多, 唔抵食!!最后就系: 虎皮尖椒卖相完全唔吸引, 加上杰杰既蒜蓉豆豉茨汁, 唔辣又极软淋既尖椒…失望!!由于干煸土豆丝太咸既关系, 朋友仔就决定order支啤酒黎解一解, 望下隔离枱… 饮紧大蓝妹~然后, 有故事就开始啦….朋友仔问店员: 想问有咩啤酒呀?店员: 蓝妹, 青岛… 都有朋友仔: 哦, 咁蓝妹几钱呀?店员: $16朋友仔: (咦!?) 咁青岛呢?店员: $23朋友仔: 下!? 咁得意!? 蓝妹 $16 系大支装定细支装呀?店员: 蓝妹系大支装, 青岛系细支装朋友仔: (有疑惑) 蓝妹大支装系 $16 呀?!店员: 系呀所以, 朋友仔当然拣咗蓝妹啦!!之后我地都唔多相信, 所以再拎个 drink list 黎望下, 又真系写住蓝妹 $16 㖞!!我地就估: 可能佢地新开酬宾之类啦~然后, 开开心心边饮边食, 都相安无事, 直到埋单……………………………………就发现几条古怪数:蓝妹 $16蓝妹(L) $32蓝妹 -$16所以, 我地就发问…朋友仔: 咦! 我地叫咗1支蓝妹咋㖞, 点解咁多条数既?!店员: 我帮你 check check 先...店员: 哦, 啱架, 呢度系计咗一支蓝妹, 上面果个$16, 响下面减返朋友仔: 咦! 咁都唔啱㖞, 蓝妹系$16呀嘛, 但系张单系$32既?!店员: 无错架, 你果支系大蓝妹呀嘛朋友仔: 下!? 头先你地另一个店员同我讲大蓝妹系$16㖞店员: 唔系~ $16系细蓝妹朋友仔: 但系真系你个同事同我地讲$16系大蓝妹㖞店员: 唔系~ $16系细蓝妹店员一直只系理所当然咁keep住答我地呢句, 但系全无抱歉或者悔意, 补偿就更加唔使止意!讲真! 我地介意既根本唔系果几蚊, 而系你地重唔重视客人既态度!我地明白人总有错, 就当真系店员记错咗/讲错咗, 但系事实好明显就系错响你地果边, drink list 又无写明大定细, 只有一个价钱, 店员又系同我地讲同一个价钱, 但系而家埋单你先同我地讲唔系!? 仲要好似自己无错咁!!? 即系咩意思?! 意思系你地无问题, 问题响个客度???!当然, 我地唔系泼妇骂街既人, 所以就当自己唔好彩...钱照比!不过我地一致觉得, 呢几蚊就当豪比你!! 但系我地以后都唔会再黎!!!!!生意……..唔应该系咁做的!!!
继续阅读
今日4个人去食晚餐，因为系星期二，唔算多人。舖内座位阔落，坐得舒服。因为唔算多人，所以菜黎得好快，依度都有几多小菜，辣唔辣都有得选择，食物都有质素，迟d会再黎食
继续阅读
今日约好三个朋友，试下依间位于马田路既川菜馆，到步既时候，招牌够大，好易揾，我到步既时间大约晚上八点半，店内只有一枱客，所以马上有位。入座后店员码上放低前菜同斟茶，今次我无简过食咩，全部朋友话事，朋友点左招牌菜：音乐口水鸡例牌，仲有回锅肉，手撕包菜，泡椒鳝片。食物未到，先试前菜应该系红油青瓜一类，咬落去青瓜算爽，我个人觉得冻食会比较过瘾，依个唔冻，而且无味大约五分钟，店员先上手撕包菜同回锅肉。因为食野准则应该由淡到咸，所以先食手撕包菜，依个菜系揶菜，川椒，蒜蓉，猪肉🐷炒埋一碟，入口非常香口，有小小辣，食落好过隐之后食回锅肉，青椒，红椒，川椒，猪肉🐷，都系炒埋一碟，青椒，红椒都唔算辣，可以食落口，其余都无特别。之后上左个有田鸡🐸既菜上黎？，我问佢：系唔系泡椒田鸡，我要泡椒鳝片。侍应好快攞走帮我换，都认落错单，唔似一般餐厅死话无落错单或死推你要左个菜，服务抵讃。泡菜鳝片好快到步，可惜我地都唔识欣赏，鳝肉好小，可以系相入面睇唔到咁小，而且成个菜，西芹，川椒，泡椒，姜，鳝，都只系得个酸味，唔识欣赏。最后系口水鸡，食落唔滑，刀功差（有一旧三合一，斩唔断），唯一系个红油汁几好，够麻够辣够刺激，全个菜又系无突别。最后埋单，多谢四百四十几，总括黎讲，以上食既，我觉得好普通，甚至比大排档差，只系坐得舒服小小，价钱黎讲，食四个小菜，无叫汽水，一百一十几一个人头，我唔认为抵食，服务质素，可能电视播紧西游记既关系，所以由入座时「非常满意」变左做「无人在意」，失望既一餐
继续阅读
听同事介绍元朗天天川菜几好食，呢日我就同家姐姐夫揸车黎到呢间天天川菜试一试。坐低打开本Menu(本Menu都几靓)... 都好多川菜菜式，有辣有唔辣~未叫野食之前，就黎左一小碟既前菜 → 川式莲藕...小小辣~又几入味~唔错唔错...o系我同家姐食紧果碟莲藕之际，姐夫已经点左 「青椒皮蛋、松子糖醋桂鱼、猪油渣娃娃菜、炸子音乐鸡、水煮田鸡」(当时心谂：我地得三个人...点食得晒㖞 )好快就已经上菜，样样既卖相都唔错~炸子音乐鸡好岩送酒！对我黎讲辣度同埋麻度岩岩好~ 鸡粒干身大小适中，鸡皮脆卜卜好香口，连骨头都脆卜卜，就算炸到咁脆，依然仲好有鸡味，音乐鸡果然名不虚传！水煮田鸡，好足料呀~^^有田鸡，青瓜，粗薯粉，芽菜...等等，捞极都有野食！胃口大既人必食！糖醋桂鱼 → 哗！卖相一流真系一流！一睇条鱼，就觉得师傅好有Heart~骨都起埋，条鱼好似D鱿鱼咁介晒花，再拎去炸，再o系上面淋上糖醋汁，好适合我呢D懒人食，可以一旧旧咁夹起，外脆内软，不过真系要衬热食。至于猪油渣娃娃菜，因为我未试过食过猪油渣既关系...所以o系我心目中猪油渣系好肥既野，但试过后发觉原来猪油渣咁香脆~ 样样都令我好惊喜，最后青椒皮蛋...可能本身皮蛋质量一般~无论配料几好食都好，都系比较逊色~但整体黎讲，我地非常满足！(我意想唔到既我地竟然可以清枱！Woo~除左个皮蛋.....)侍应仲问我地有无揸车黎...满$500可以有免2小时泊车优惠~ 果然照顾到唔同客人既需要！比个Good你
继续阅读