天天好海鮮酒家

营业中

休息中

星期日中午一行12人去到此店，自携海鮮加工，可以不提，因為食物質素唔關佢事，烹調方法都係大路嘢。我不得不提的係佢自家出品的南乳吊燒鷄，講明要預訂，索價$320，一點不便宜，大家都有期望。點知一上枱，外觀已不吸引，皮肉甩甩離離，我心諗鷄不可以貌相，可能係以肉質取勝。一放入口，感覺特別，與期望相差甚遠，準確啲講係肉質霉霉的🤢，明顯不新鮮，講明要預訂，我以為係新鮮製作，原來可能係今日之前已製作好！本來以為係我唔識欣賞啫！家人食過逐個話隻鷄好唔掂，一人一舊試食後，大半隻無人再掂佢，連打包都唔願！我哋同店員反應，佢漫不經心咁話，會同㕑房反應下，我哋埋單再同櫃檯果位反映，佢話俾咗折扣我哋，減咗尾數$96，似乎認為咁樣已經係厚待咗我哋。我哋唔打算再嚟此店，所以都費事再俾意見，俾二百幾食霉鷄當買個教訓。果位負責人仲解釋係因為隻鷄來貨問題導致，講到佢哋好無辜咁！Well！費事嘥氣再同佢講啦，但佢呢種不思進取，只把責任推俾他人的做法，就解釋到佢舖頭門堪羅羅雀的原因！另外店員本身的服務態度已經好有問題，舉一例子，我哋請佢加水落茶壺，佢就話我哋要揭開壺蓋，到我哋揭開壺蓋，佢就人影都唔見，最終都係我哋自己去加熱

去西貢食海鮮一定想起「天天好海鮮酒家」，之前已經寫過食評，最吸引之處就係食得好放心，唔會食完埋單價錢不似預期。午市同晚市加工費都係一樣，價錢公道無隱藏收費，按人頭收加工費，今次我哋四個人到西貢買海鮮，自來料每碟加工費$75，刺身加工費$120，酒家都可代買海鮮，報價之後實報實銷，去到問返店員，食前了解價錢就食得好放心。⋄ 碼頭艇仔檔 ► 游水方利 (3條) $300❖ 鹽蒸方利 (加工費) $75游水方利唔係成日會遇到，西貢都算多，游水方利咁新鮮又靚，仲要唔細條，當然食蒸啦，撒啲鹽加蔥清蒸，魚肉超滑，魚味勁鮮，如果食炸，可能會俾人笑嘥料唔識食，當然漁民遇到靚魚都係平常事，照炸可也。⋄西貢街市 ► 懵仔魚扒 (1塊) $70❖ 煎封懵仔魚扒 (加工費) $75到街市魚檔買，想要幾厚就切幾厚。魚扒厚肉，簡單煎封已經相當美味，皮脆肉嫩，肉質實在，油份較重，豉油另上。⋄ 碼頭檔 ► 滑仔魚乾 (1袋) $50❖ 薑絲豉油熟油蒸魚乾 (加工費) $75碼頭檔口總會見到有一袋袋魚乾賣，間間唔同，可以問返船家就知係用咩魚曬乾，呢種魚乾唔屬於鹹魚，似一夜干啲friend，唔會曬到乾晒，有少少濕潤，較鹹

今日試完呢間店，真係要上嚟吹吓水！🌟 首先，跟朋友三兩成群嚟到，環境算係清潔企理，坐落得舒服。我哋一行人醉心於它個，外層酥脆嘅椒鹽味好撲鼻，入口後就覺得鮮魷肉質彈牙又爽口。再講講其他菜式，呢，真係砌到唔錯👍，肉質軟熟帶點咸香，簡直係下飯狂魔。話曬，你話唔食兩碗飯都難！至於呢，嫩滑得嚟香氣逼人，我食得停唔到口啊！啱啱得閒仲回味吓個，啖啖肉，鹹酥香脆就係王道！我又點止食左兩碗飯，連隔籬桌嘅人都看得出我嘅開心模樣呀。食飽飲足，仲有生果送上，真係貼心！總括來講，這間店的食物同服務都算係上乘，重點係價錢合理，真係平民天堂之選。下次再嚟，我鐵定要試下佢地嘅奄仔蟹，我哋下次見！🦀🍚🍗

去西貢食海鮮，有時都會擔心海鮮價，最後可能變水魚。「天天好海鮮酒家」午市同晚市加工價都係一樣，價錢公道透明，無隱藏收費，無開瓶費，按人頭收加工費： ⋄二人$60/ 1碟 ⋄八人以上約$200/ 1碟 ⋄加蔬菜、加麵需另加錢 ⋄做刺身都會貴啲 去到問返店員，食前了解價錢就食得好放心。跟住識飲識食嘅朋友，嚟到西貢碼頭艇仔檔同埋西貢街市買海鮮，再攞去酒家加工。門面都幾隱世，店鋪唔算大，坐低大圓枱已經聽到廚房傳來風爐「蓬～蓬～」炒餸聲，淨係聽都聽得出鑊氣。我哋一行十人，十一味餸加工費$1380，除開人頭費好抵食，所以係愈多人愈抵食。❖白灼赤米 ⋄西貢街市 ► 赤米 (1斤) $128 細細隻，蝦殼脆薄好易剝，白灼味道特別鮮甜，好新鮮又無沙。❖豉椒炒黃蟶子 ⋄西貢街市 ► 黃蟶子 (約1斤) $100 ⋄加工料：炒麵底+$100 呢個時候當造，見街市好多檔都有得賣，個人覺得黃蟶子口感仲好食過蟶子王，size似手指般大細，肉質爽彈鮮甜，咬開仲覺得有海水味滲出嚟，豉椒味燶，炒麵底脆，夠晒鑊氣。❖白灼瀨尿蝦 ⋄西貢街市 ► 長頸瀨尿蝦 (中型) (1斤半) $240 棄椒鹽而選擇白灼，更顯鮮甜原味，好

8位波友打完波慕名而來，餐廳後面就係街市，入座後由靚女老板娘代買咗8款海鮮，加份椒鹽鮮魷、炒面&油菜連飲品，埋單每位$510。1.椒鹽鮮魷2.椒鹽瀨尿蝦3.薑蔥鮑魚4.豉椒聖子5.蒜蓉粉絲蒸扇貝6.酥炸台山蠔7.清蒸黃腳䲞8.辣酒煮花螺9.鹽焗奄子蟹10.清炒白菜仔10.豉油王炒面

呢間海鮮餐廳真係好抵食，價錢又公道，味道又好正。我去嗰陣，試咗豉油皇蝦、墨魚同椒鹽鮮魷，全部都好新鮮好鮮味，令人十分滿足。而且佢地嘅價錢真係非常平民化，非常適合我呢啲啱啱出黎做野無耐既人。餐廳環境都好舒適，令人感到好放鬆。另外，員工都好友善，服務好好，真係幫到我地好多。總括而言，呢間海鮮餐廳係一個非常抵食嘅地方，如果你想食到好味道嘅海鮮同埋唔想花太多錢，咁就一定唔可以錯過呢間餐廳啦！

成日睇社長遊街市都見社長黎呢間天天好食魚，今日終於有機會一試。我地6個人試左幾道海鮮都好正，價錢都合理。1. 清蒸東星班  蒸得啱啱好  好有水準  豉油好味2. 薑蔥炒鮑魚一片片 容易夾勁好食 3.椒鹽賴尿蝦6人海鮮加工費$85/每碟 加左幾碟小菜同啤酒汽水 連海鮮每人都係$200左右 價錢公道 （試過出面食要貴成倍）雖然呢間餐廳冇自己供應海鮮，但老闆會幫手打電話去街市買新鮮嘅海鮮，真係好貼心。下次再嚟都會再揀呢間啦！記得訂位，因為都好滿。

天氣勁好入西貢行吓，行行吓見到聽人介紹過喱間海鮮加工，於是行返去碼頭艇仔買咗三樣海鮮去試試😃第一樣上檯係油鹽水卜卜蜆蜆好大粒肉，唔會過熟，咸味啱啱好，啲湯汁飲咗幾啖超鮮甜👍🏻第二樣 豉油皇九節蝦味道又係剛剛好 唔會蓋過蝦嘅鮮味第三樣 椒鹽瀨尿蝦餐廳基本上落調味都好輕手 但又唔會話淡好手勢👍🏻而且上檯時間好好 逐樣食完至上檯另外仲叫咗個海鮮豆腐羹$98材料普通但味道好好食完海鮮再飲個羹，完滿詳細加工費冇問😛另外叫咗枝忌廉全單$39x尚算公道👍🏻

入西貢食海鮮，除左去出名嗰幾間之外，都可以自己去岸邊或街市買海鮮再搵餐廳加工。上網搵啲介紹嚟睇，見到呢間都幾多人推介話價錢合理唔會俾人劏，就喺岸邊啲艇仔買左兩樣海鮮去加工。環境就一般街坊茶仔格局，一去到老闆會問啲海鮮想點煮，我地揀左惹味嘅椒鹽。炸完啲殼都好香好脆口，自己帶去嘅海鮮勁新鮮，啖啖都有橙色蝦膏勁好味。椒鹽魷魚有層薄薄嘅炸粉，咬落一啲都唔un，呢間嘅椒鹽野都幾出色。加多碟菜同汽水，埋單都係200蚊，好抵，以後去西貢都會揀番呢間

今天跟朋友行完山，來到這裏食一個晚餐，店舖很少，裝修很殘夠舊雖然今天有點累就隨便找一間餐廳和點了一些菜，這間店的服務非常之差勁沒有禮貌，還常常高談闊論讓我們沒有寧靜的感覺和自己的空間享用晚餐真的比較煩厭。食物方面還算可以雞本身就是簡單的做法只可以說是一般般沒有什麼香味但還算可以入口，菜就蝦干清炒一下還算可以這間店在沒有下次了。

差不多一年沒來，放假帶小狗來西貢海旁走走遛遛，順便吃餐飯，在西貢吃海鮮必須小心選擇，否則很容易被當作遊客差不多正午時間，先往市政街市游水海鮮檔，老闆介紹一條海東星 $300, 然後帶去酒家，新鮮海魚簡單薑蔥清蒸最好, 加工費用 $55 合理，然後點了一個我喜歡的芋頭扣肉 $128，聽樓面侍應說只限冬季，再點一個薑汁炒芥蘭 $78 及一個飯。海東星嫩滑、鮮味、蒸得剛剛好，好好食 薑汁炒芥蘭青、脆 ！等的比較久的芋頭扣肉最後上，可能要時間蒸，芋頭好粉、香，扣肉略為不夠鬆化 ！埋單 $314, 一頓開心滿意的午餐

街坊價錢的海鮮餐，可以自帶海鮮或向餐廳要求代訂海鮮，餐廳會建議不同烹調海鮮方法，價錢合理。另外可加不同的小菜，連乳鴿亦有。 餐廳分兩層，上層多提供俾大家庭客，約可坐四圍大檯，造節作家庭聚會是一個好地方，另外上層亦附設獨立廁，方便食客。是日餐廳代購當造雙皮蟹、大隻賴尿蝦、蜜餞蠔，質素很好。雙皮蟹膏蟹多肉厚，隻隻大大隻，自己去街市買都未必買到，更加唔會知點整，飯後亦有時令水果提供，當日提供的水果是西瓜🍉。但記住訂座，否則未必有位。

期待的船P, 今天在雨中進行，雖然有一陣陣的雨勢，但都無阻我們一班人興致，大家都玩得好開心，玩完後去左呢間天天好酒家，沒有預早訂位，4點打去訂位，老闆都可以安排30幾人能夠坐的位置，照顧我們大大小小，安排得妥當。至於食物方面，我們沒有買海鮮去加工，只叫了小菜，小菜夠鑊氣，椒鹽鮮魷，京都骨，鹽水雞都好食....之後再叫多次沙拉骨，真係好食，我個朋友食左3碗飯..太驚人最後埋單前還有生果送俾我地，多謝老闆...

這幾年一直都是吃勝記、六福，米之蓮的海鮮餐廳情況每況愈下，收費越嚟越貴質素卻越嚟越差。已經打聽下，原來好店在民間。六福旁邊的天天好，沒有任何米之蓮什麼星，訂座時先預訂想要的海鮮🦞，然後帶備現金到步便可（因為他們不收信用卡的）首先他們親切招待我們上2樓，由於那天是母親節人的確非常多，謝謝告訴我們閒日生意則非常一般，指的是整條市場街，可能經濟不好實在也有點分別吧。我們八個人點了大約10個人的菜，夠快夠熱，蒸魚蒸得非常有水準，還要一讚他的奄仔蟹，超級肥美，應該算是我吃過的奄仔蟹中最大隻的，唯一不滿是賴尿蝦太細隻了，如果有大隻的賴尿蝦應該很圓滿。最大的驚喜在買單時，人均消費也不用$500😮 這樣的質素這個價錢實在太不可思議了！

山長水遠入西貢食海鮮。點知間知間野十分一般，我地自己係觀塘買海鮮入黎加工，另外叫兩個炒菜、一隻吊燒雞同埋一個生炒糯米飯海鮮加工就不過不失，值得一提佢既蟶子下面有個米粉底幾好食個蟹炒到好咸，又唔靚個炸生蠔又落好多粉漿落去搞到食得好漏但佢炒果兩碟錯就好差。又無鑊氣又奀最差係佢落單果時話有吊燒雞。最後上隻沙薑雞黎話無吊燒雞，十分唔老實，但同臺男人話無謂搞咁多所以叫佢擺低，仲要隻雞唔好食最後糯米飯一定唔係生炒。又濕又黏！No more next time & nothing special