天囍川滬麵點 (已結業)

來了西環返工大半年，因天囍近公司，所以都幫襯了不少次。員工態度好，食物大部份即叫即整，不過價錢少許偏貴。近日可能想增加生意，開始整塊白板出黎寫推介食物，剛巧推介那些價錢又岩心水，所以都試了幾款。以下是個人試過的：1. 蒜泥白肉拌麵：個人精選推介，超好食，份量夠，勁蒜2. 醉雞菜飯：醉雞夠味，有幾次抽中雞脾好多肉3. 酸辣湯雲吞：酸辣湯唔夠酸，少辣，但好足料，好少見咁多豬肚絲，雲吞都大隻4. 紅燒牛腩支竹麵：牛腩比較少，味道無咩特別5. 鎮江骨菜飯：一般only指定特價午餐$50包飲品，以區內價錢都算ok既。不過真係其他menu好食d我覺得。

疫情下外賣變成大家既日常好食既堂食同好食既外賣又真係好唔同，勞蘇食就轉轉個外賣mode做個疫市之中搵下生活快樂點子天囍，主打上海菜外賣，Uber Eats同Foodpanda都有得叫我今次就外賣自取，服務態度都好好芝麻醬雞絲粉皮，外賣左返到去都夠凍，粉皮幾滑係薄身捲起個隻，唔會太heavy可以做餐前點雞絲亦好多上海醉雞一打開相當香酒味，屬於濃酒味既醉雞(唔太好酒既可能會嫌佢烈)，雞既肉質算係不過不失，中意酒味(好似我咁)會覺得正小籠包時間！招牌小籠包，皮厚適中，爆晒湯汁而肉滑香，都幾正個皮同食開既小籠包皮口感有少少唔同，睇個人喜好啦芝士黑松露小籠包，仍舊爆汁，芝士味唔太多但黑松露都出既算係唔錯既嘗試到鍋貼時間，一口鍋貼，煎得唔錯，個底好香脆鍋貼有汁肉又香，都幾好味再試埋龍蝦鍋貼，賣相一樣，一咬就知唔同，肉汁差唔多，但肉味就正好多未必食得出龍蝦味但就少少似加左元貝或者龍蝦肉咁，層次多左，ok好味葱油蝦乾拌麵，外賣左都唔算乾，蝦乾好香好濃味但個麵本身真心無乜味最後既紅燒牛腩麵，有分湯既，但一打開就發現湯超少食落原來湯底係最正，好重牛味牛腩都好腍，驚喜地高質整體黎講係幾高質既上海野，外賣都有

懶出街又想食上海野，就叫foodpanda。運送時間有啲長，但都值得嘅。啲小籠包皮夠薄，好鮮甜。醉雞同怪味雞好入味，又唔會太肥。外賣有紙包烏龍茶送，岩晒清油膩。

開咗大約半年，小店只做外賣，套餐價錢幾親民，散叫點心有啲貴，即管試一試質素如何，結果係令我失望，唔會有下次！🥢上海生煎包(3個)⭐️從來未食過咁難食嘅生煎包，首先包底煎得唔香脆，皮厚餡少又無汁，食剩一個掉咗🥢芝麻醬雞絲粉皮⭐️全無難度嘅雞絲粉皮居然可以難食到一個點，粉皮全部捲起口感粗鞋，芝麻醬又稀又少，雞絲又係少，因為唔食辣嘅擔擔麵，所以夾硬食咗半碗🥢招牌小籠包及四川擔擔麵⭐️⭐️⭐️⭐️小籠包皮夠薄又多湯汁，幾好味；擔擔麵啲麵似上海麵，口感爽彈，麵亦掛湯，阿sir話辣得嚟好味🥢上海醉雞(例牌)⭐️⭐️⭐️⭐️雞剛好熟，肉嫩滑又入味，一定要試二人共消費：$188 (外賣自取)

之前lunchtime 經常路過見到都無幫襯，因為價錢睇落唔平餐牌睇嚟又唔多選擇，寧願去有得堂食嘅地方食飯。今晚六點後想買外賣返屋企，附近好多間買慣都食到悶悶哋就試吓新嘢幫襯佢一次，點咗兩個套餐，擔擔麵加小籠包；怪味雞菜飯加小籠包，加外單點招牌牛肉麵同紅油抄手，總共$240+，四個人食差唔多。麵食個碗係特別設計，上層個兜裝麵下面個碗裝湯，食時至撈埋，有心思牛肉麵把鬼，湯少又淡，牛𦟌太薄小籠包同怪味雞菜飯就正常水凖。最有驚喜反而係擔擔麵，湯底又濃又香，一食難忘，一定會encore 再幫襯

好正 黑松露芝士小籠包正到暈 黑松露控芝士控啱曬 好夠味 醉雞都超入味又嫩 涼拌牛展又好味 配搭得好好好高質 好過去樂天王朝食 呢個價錢仲要咁嘅質素仲抵 絕對物超所值 唔試唔知有驚喜 美食在民間

講真，我係抱住試伏心理去食，食完真係覺得有驚喜。趁住2pm 下午茶時間，去買左個生煎包+菜肉雲吞湯，份量跟正價嘅一樣，其實都幾抵食。 生煎包第一口咬落去，都幾驚艷，因為個底蒸得好香脆，個包又好軟熟，雖然肉餡無咩肉汁，整體幾好味。菜肉雲吞都好合格，皮薄又滑，整體正常。原本覺得只係外賣店下午茶都要$55 又唔包飲品，開價太過進取。 好彩有去試，食完係幾滿意嘅，會再回頭試其他菜式。

短短的兩個月，這已經是我第四次光顧西環這間小店，沒有堂食，只供外賣，在新冠肺炎疫情下絕對是一個大家都不會抗拒嘅選擇，店舖地點亦很方便，就在香港大學地鐵站出口附近，近西寶城，職員十分友善講解餐牌的套餐選擇，待客態度較附近其他食店優勝，食物的味道亦十分好，店內的衞生情況亦令人放心，值得一讚。最令我難忘的一定係擔擔麵，辣度係可以自選，適合怕辣又想食擔擔麵的我，至於肉鬆手抓餅亦十分好味，十分乾身同脆口，最想推介的一定係芝士松露小籠包，食一次會令你不停想再食！