影片
附加资料
本店于2018年在将军澳宝盈花园开了第一家店，也是现在的总店所在，之后又在东涌东汇城开了第二家，康城店是苏师傅开的第三家分店。苏老板浸淫在清汤腩十几年，以新鲜牛腩+牛骨，配上秘制配料，牛味浓郁，清甜回甘，凭著对质量的严谨控制及坚持，累积了非常好的口啤，可以说是行内翘楚。除了清汤腩招牌崩沙腩，坑腩，爽腩外，苏师傅还加入其他菜式，使本店更加多元化，同样深受食客赞赏，如猪手，醉鸡，云吞，水饺，牛肉羹等等。
营业时间
10:00a.m. - 22:00p.m.
以上资料只供参考，请与餐厅确认详情
平时我哋都会叫天后站外卖!! 一直我都系食清汤牛腩河直至有一次发觉叫咗鱼蛋河俾阿女之后发觉鱼蛋河嘅汤底超香🤣所以今日再叫外卖，就谂住叫下唔同款式今次我就试咗一个紫菜三宝河💖里面有紫菜鱼蛋，牛丸，墨鱼丸但系最惊喜嘅系一打开个河粉🍜嘅时候不过佢嘅紫菜系用心心嚟摆设即刻觉得成件事好sweet🤣🤣🤣唔知叫外卖佢哋都会分汤上所以都保持到河粉🍜既好味道～ 不过认真觉得阿女叫开𠮶个鱼蛋𠮶个汤底特别香浓!! 一于下次再见先😍
继续阅读
我投诉的不是食物质素，而且店员既服务态度(著红色围裙果位）。首先我坐低左5分钟都冇人主动埋黎帮我落单，要我主动大声叫先有人过嚟，果时只系5pm，店内极之清闲，而啲店员只系企系度倾计! 跟住我叫既系清汤牛肚河+冻0茶少甜，落单又帮我落错清汤牛腩河，冻0茶系好甜…啲清汤又真系清到同水无分别，份量好少，HK$45真系俾多你，只此一次永不再光顾！
继续阅读
康城新发现🤩 人气面店！去康城睇戏，见到隔离面店进食气氛都几好，人来人往，去试下先！🐮清汤牛坑腩捞面面条色泽金黄，入口很弹牙，我哋转牛坑腩，一片片牛腩厚薄适中，肉质鲜嫩，入口有油脂，带著淡淡咸香，令人满足，很高质。另加$10，有两粒鲜虾云吞，🦐云吞系另上，都几大粒，皮薄又爽口，配上清汤和少少红醋，份外鲜美。🐮清汤牛筋幼面好钟意个汤底，入口甘甘地，带肉香，洒上一点葱花，更添香味。牛筋口感软滑，很juicy。
继续阅读
今晚约咗老公去康城睇破·地狱，点解去咁远，就系因为可换免费票。点知老公又OT又唔熟路，我地睇7:25pm，佢6:55pm才到，就系同层揾间快食。面店整齐企理，环境光猛，有多张二人枱，亦有圆枱和卡位，都算坐得舒服。餐簿设计精美，而选择都几多元化，有清汤粉面饭、咖喱粉面、担担面、饭类、净食、酸辣粉面和饮品。牛筋担担面($59) 大大碗，黏滑嘅牛筋份量好足，滑嘟嘟，好有胶质；面条煮得岩岩好，柔韧滑身；汤底不算很杰身，但味道香浓，咸香中带点香辣，好味！蚝油芥兰（$21）粗壮翠绿，爽嫩无渣，蘸少少旁边的蚝油，添上咸鲜，不错！清汤崩沙腩饭（$65+$6）非常抵食！大大件嘅崩沙腩半肥瘦，口感软腍，牛味香浓，件件都连带我最喜欢嘅筋膜，正！清汤鲜美，用来捞饭一流！仲有清甜多汁嘅萝卜，完全无渣，好腍嫩。
继续阅读
今晚放工要去康城攞货，适逢要做孤独的美食家，所以谂住睇吓商场有冇啲简单方便嘅美食。心血来潮不如去食碗牛腩粉。行行吓见到喺最高层有间主打食清汤腩粉面铺，就入去试试。入到铺店员同我讲仲有下午茶，不过下午茶就只得普通嘅牛腩，见到Menu除咗普通嘅粉面，仲有酸辣粉/担担面Order, 所以我就叫咗个少有嘅崩沙腩担担面😋配鲜虾云吞，再跟咗杯餐饮。一嚟到已经闻到好香浓嘅花生酱味，面条弹牙，汤底食落酸酸甜甜配有葱花及榨菜粒，面条每一口都吸汤汁，崩沙腩三种口感满足晒，有筋有肥有肉，肉质嫩滑且大口感，一啲都唔会韧，而且好重牛味。云吞看起来唔算好大粒，但系里面都有两只虾。整体上以店舖环境，价钱，我诚意向大家推介，以60几元一碗，份量一啲都输蚀，足足有9至10嚿嘅牛腩👍👍加上味道不错😋抵
继续阅读
您可能会有兴趣的...