影片
相关文章
食记 (91)
叫左一碗 腐竹薏米糖水，试完觉得好古怪，朋友试完都觉得唔好再食，薏米味好似煮左30年咁。叫店员换过另一碗，佢话ok，改另外一款，过左5分钟，佢拎番同一碗出来话自己试过无问题，就放番低叫我再食。我打算唔会再黎！同埋极力劝大家唔好帮衬！因为嬲到即刻要upload上黎既关系，我希望朋友唔好今晚肚痛
继续阅读
从来未写过食评，今次开斋就系因为佢。年廿九同朋友行花芇，行到攰去食碗糖水，就求其走左入呢间。叫左个芝麻糊，黎到真系未食都知有伏：攞个人地装碗仔翅的发泡胶兜上糖水，个芝麻糊就水汪汪、浅灰色（唔够黑），用佢枝外卖胶羹LIU两LIU，哗，真系稀过白粥，食落口唔驶问都知系接近零芝麻味，同埋劲沟砂糖。 简单啲讲就系砂糖水配少量芝麻粉，我食左一半多啲都顶唔顺走左，老实讲超市啲“日X”即冲芝麻糊都好佢N倍，可以做到咁难食真系世间罕有。朋友点了其他甜品（一个唔知咩炖奶同埋白凉粉）都不遑多让，一味死甜。 服务就预左冇乜，个个＿口＿面，不过都系要收“加一服务费“既。啲咁既质素都仲有人去食，真系经济奇迹。。。
继续阅读
晚晚都食快餐，食到厌晒，肯定要去换啲新野啦，于是就同班同学霖著去甜品店食啲甜品做dinner啦。 芒果小丸子，真系超级无敌多芒果吖，小丸子就好似一粒粒汤丸仔咁，好弹牙，最紧要系啲芒果够新鲜，而且唔酸，好甜，呢碗食完仲唔够食吖！ 杨枝甘露，芒果就少左啲，无芒果小丸子咁多芒果，不过依然仲系有非常浓郁噶芒果味 朱古力好甜，我好钟意，而且雪糕冻冰冰，仲有两只味，个人特别推荐朱古力味，唔系食落去系好cheap果种朱古力，正吖 芒果加龟苓膏，个搭配真系够晒特别了，不过龟苓膏食落都有好香噶芒果味，再加上芒果西米露一齐食，我好钟意吖
继续阅读
最近都无点浦头的旧朋友约我去食甜品，就系天后喇。芒果天后是推荐点的，话晒都嗌天后甜品喇，天后芒果都几大份的，芒果肉都超级无敌多，入口甘美多只，果肉厚实，都是新鲜的芒果肉。龟苓膏同芒果的鲜甜有小小不一样，它是偏苦味的，不过是甘甘地嘅苦味，西米都好多，食唔晒一个，可能胃口细咗吧。老友点的是榴莲天后，早知我都点榴莲天后喇，岩晒我吖！榴莲果肉都系好多啫，佢霸道嘅味道隔远就闻到喇，流晒口水，咬一下D味就散发开喇，好香好正嘅榴莲。最尾就整翻个烧鸡翼同咖喱鱼蛋，烧的鸡翼都唔错吓，岩岩够味，表皮金黄诱人。鱼蛋咖喱就麻麻，粒粒都弹牙，两个人都食唔晒。
继续阅读
哩间野真系令平时唔写食评既我都要发火!!!完全系态度差不特止，仲要食物又唔系好食过人，我仲觉得唔系太干净，加上价钱唔合理之余仲要收加一!!! 无病吧？５粒汤圆加Ｄ糖粉收$30，咖哩鱼蛋都要$20...好！唔紧要，因为唔洗等位同唔洗等好耐就有得食。１. 西米白果腐竹 － ＄２７，价钱贵，味道一般般，因为唔系太甜，但觉得腐竹唔新鲜２. 西瓜汁 － ＄３５，价钱贵！一般般，有少少甜，感觉还算新鲜３. 擂沙汤圆 － ＄２０，价钱超级不合理、贵。Ｄ汤圆好冧，亦无咬口。比钱个阵我地想分开比，所以就问个职员可唔可以分开比。佢话可以。但因为佢唔系收钱个个，当佢同收钱个个女人讲个阵（怀疑系老板），个女人就话「下次唔好比人分开比，有规矩架嘛」，之后仲要做个口型讲左句「麻烦」。好明显只系个女人嫌麻烦唔想找。其实间野好细，而我亦系佢前面正正地望住佢等拎返Ｄ钱，所以好明显佢系有心比说话我地听。好啦，我之后食完堂食叫左外卖，叫左一雨碗红绿豆双并、芝麻糊加汤圆同芒果西米露。我落单个阵好清楚个职员系写左双并，隔左一阵个女人问我，系咪叫左红豆沙，我话唔系系双并。佢就话：「下我整左红豆沙喇㖞，个职员听唔到你叫双并，你要唔要」我就话「下，我同佢讲左系双并...」然后我一拧返转面背对住佢个阵我朋友见到佢个样「 miu」口「 miu」舌，最后３碗野收$98... 哇！！！你都唔洗咁贵呀？！丁丁咁细碗仲要唔系满既你要赶客ｏｋ～我以后点都唔会黎食！！！
继续阅读