影片
开饭介绍
View 8 Fire Club ，一个理想"食"嘅地方，多款BBQ美食叹为观止； 风味串烧令你食指大动，两层活动空间，顶层以简约嘅格调及舒适嘅环境给大家聚会，派对及享用特色串烧之用而连接天台给大家BBQ乐之享受
继续阅读
营业时间
星期一至日
19:00 - 01:00
以上资料只供参考，请与餐厅确认详情
招牌菜
食记 (18)
市区BBQ, 都系第一次试.都几好玩, 其实系类似酒吧+BBQ.鸡扒: 肉嫩，亦腌得几好味。多春鱼: 春多, 够香, 好味。牛扒: 唔系好有味。秋刀鱼: 唔系太靓, 太腥。鸡肾: 腌得几好味。鸡翼: 腌得几好味。饮品任饮呢样就真系非常正!
继续阅读
今朝落雨都有啲惊今日烧唔成野食，好在到左夜晚都冇落雨啫一路睇住Google Map先揾到个地方，要行楼梯上天台，友人们都叫苦连天呀接待客人嘅地方都好阔落，有五六张枱到，仲有镖机同有得唱k添等起好炉后职员就通知我地可以上去喇未上到去已经唔想行出天台，因为超级大风！！！眼见系出面烧紧野食嘅人都戴哂帽又㩒住自己啲碟同食物野食款式都算多，有鸡牛猪扒，两款鸡翼，丸类，四款肠仔，蔬菜类，蕃薯，蒜蓉包等等系食物旁边放有锡纸同牛油，方便客人将自己钟意嘅食物包住黎烧烧烤炉上有一半系放上铁丝网，方便客人直接放上面烧。最欣赏嘅系佢系炉边放有不同嘅调味粉，例如：孑然粉，香辣粉等等；等客人可以就自己钟意嘅味道去为食物调味 鸡翼几好味，由其比较深色个款，未加任何调味已经好入味喇而其他食物加左孑然粉，味道更加突出，好有系内地食个啲街边串烧嘅味道呀佢地嘅蒜蓉包都非常好味，职员已经一旱涂上牛油同蒜蓉，份量刚好，唔会太过油，轻烧之后脆口之余，又带点蒜蓉香，友人们都大赞呀！差不多烧到一半，职员送上大闸蟹同紫苏叶，教我地用锡纸包住黎烧。真系第一次烧大闸蟹黎食咋，真有趣 不过今晚实在太大风喇，烧完啲大闸蟹就拎返落楼下坐底舒舒服服慢慢食。职员教嘅呢个方法又几得噃，成只蟹外面都好干身，但肉汁又可以保存到。虽然系送嘅，但质素都唔差，每一只都有糕呀。食完仲掟左一阵镖添。其实呢到除左地方格涉少少之外，我觉得环境都唔错，职员都好卖力，一留意到我地唔够炭就会自动自觉黎加炭，非常好不过想食海鲜就需要另外加钱，而且都唔平，所以我地要都冇食。希望下次有机会去佢观塘个间分店再试下啦。
继续阅读
有朋友生日，所以一行十人来到这里搞生日party, 地点系市区，比较方便，但地点几吊脚，我地要系太子MTR 行十分钟过来，呢到要行楼梯先上到黎。服务方面相当周到，呢度真系要赞一赞，正当我们一行几个人在必发道找这个烧烤场的时候，有个职员行过，主动问我们是不是找烧烤场，然后带我们到这里，非常细心。呢度天台可以BBQ，下一层可以卡啦OK。环境方面，天台的BBQ 场真系麻麻地，反而卡啦OK 的地方几好。天台BBQ场比较细，坐得唔舒服，不过地方都算干净，有水喉洗手，对于我黎讲呢样好重要。食物方面都好多嘢可以烧，都好新鲜，有多春鱼、鸡翼、蒜蓉包、鸡肾、香肠、鸡扒、牛朳、秋刀鱼。本人觉得鸡朳最好味，一来大小适中，唔会太大块，所以比较容易烧熟，二来肉质鲜嫩，非常好味。仲有本人最爱的多春鱼，细细条，烧完之后卜卜脆，每次BBQ 最少要食5、6条才满足。饮品方面是任饮的，这方面也值得一赞。基本上雪柜里有大量汽水和其他饮品任饮，因为BBQ 当日比较热，本人最少饮了4、5支饮品，而一般BBQ 场只会包一支水加一个饮品。因为其中有朋友好钟意食海鲜，所以我们另外加海鲜，包括大虎虾、蛏子皇、珍宝凡立贝、冰镇翡翠螺。但要食海鲜的话，要另外加钱。珍宝凡立贝好大只，好厚肉，烧完之后，非常爽口，回味无穷。总括黎讲，呢度系几好。第一，系市区，唔洗去到大埔，屯门咁远就可以BBQ, 第二，一个价钱，二个服务，又可以BBQ, 又可以卡啦OK。以180 蚊可以BBQ + 卡啦OK, 相当唔错!
继续阅读
话说小弟想同一班朋友就聚聚旧，咁就上openrice呢个咁值得信任既网站睇下有乜食，睇睇下咦天台烧野食几顶瘾㖞，仲要系$188任饮任食，于是就打去book，要落订ok无问题，到食之前果一个星期不停落雨就打定去问落雨有无得遮?佢实牙实齿话有，ok fine~地方位置比较偏僻 ，不过上度去有得叹冷气，又有k唱同掟飞镖，系度抖一抖先上去天台BBQ好啦戏肉黎啦，天台bbq最紧要系乜??? 紧系个天台同啲野食啦，不过一上到去已经见到地下湿淋淋，我地要小心慢慢咁行，野食种类讲真唔算多，有鸡翼猪扒牛扒丸类尤鱼等.......十几样到，如果想食埋海鲜，都可以加钱既，价钱就见人见智啦好啦，事不宜迟，拎起支叉岩岩吉完野食个时，已经开始落微微雨，咁就即时叫负责人打开帐蓬，不过原来负责人安排我地坐既位置系唔会有帐蓬遮到...即是觉得比人揾笨既感觉 ，之前系电话到冇同我地讲过哩个问题，之后问负责人大雨烧唔到咁点，佢话你地系下面坐啦，我地会烧比你食。。。。。咁一早系电话到应该讲清楚啦，其实卫生情况真系一般，一黎因为d野食冇野遮住，二黎系落雨先打开帐篷咁D野食咪会.......，到停雨之后我地好似同天气竞赛咁拿拿临烧，不过友人话食食下feel到啲猪颈肉同鱿鱼都酸酸地㖞 .唔知系咪啲腌料系咁既味定点. 但不约而同都系咖哩腌料.......成个过程都好赶又惊落雨烧唔到友人话:下次生日还是石澳烧比较好 。
继续阅读
预先BOOK左7位!我地早到不过唔驶点等,有位!!呢度真系抵食,而且野食味道都有番咁上下添,不过呢~~~如果呢~~天台度都可以装到部电视俾我刨下就好啦班FD听完我讲,个个都话我发梦,车!发下都唔俾咩!!我食左好多款野,包括以下影左个D蒜香面包 - 旁边有埋牛油,我查左好大旧,好肥不过好好味,烧到脆扑扑.火腿丸 - 唔识烧同埋唔识分,究竟熟左定未熟,我食左2粒,UM..几弹牙的!鸡臣 - 好好味道,好爽口.午餐肉 - 烧一阵就得,因为好快会变焦,外屠俾我烧得好脆,我拎黎夹面包食.不过佢呢只净咁食都唔会好咸芝波.甘莎骨 - 甜甜地,好似烧汁只味道,呢D几好,唔会话无乜肉,D肉又嫩又香软,GOOD.烟鸭胸 - 够肥,爽口.个晚有4班人系度烧野食,计埋我地在内,可能人多关系,坐到个场都几full下,所以有2、3个FD烧左无耐就落左楼下K歌lu!!!D野饮任饮,有菊花茶,我成晚就系饮佢下下D火气
继续阅读