天仁茗茶 (大埔超級城A區)

营业中

休息中

手搖飲品越來越普遍，店舖開到周圍都係，試過好幾間，始終都係鐘情呢間“天仁茗茶🧋呢間分店位於大埔嘅中心地帶，地理位置極為方便，逛街嘅人大多數都一定會經過。雖然無得坐低嘆一嘆，但有幾張bar枱企位夠曬chill，環境光猛又乾淨，very good!👍今次order咗兩杯飲品，一杯係熱珍珠奶茶🧋另一杯係凍金香奶茶🥤個人喜歡天仁茗茶嘅茶底夠清香，奶味適中，加上珍珠口感煙韌，3分甜嘅甜度恰到好處😋下次試下天仁茗茶嘅雪糕🍦口碑唔錯。手搖飲品個人首選“天仁茗茶”👍無得輸😅

香港最近開始踏入秋季雖然乍暖還寒但係外面涼意陣陣作為一個吃貨當然諗起好多秋天食物栗子、蕃薯、南瓜等等..講起南瓜 就嚟到萬聖節所以呢間推出限定飲品🎃南瓜鮮奶綠🧋同時暫停所有香芋系列想飲香芋系列嘅人要留意返啦其實芋泥同南瓜口感相似攪勻飲落係啖啖南瓜蓉加上奶味唔算好甜（喺我冇減少甜度嘅情況之下南瓜味順利搶過啲奶味主角可以保留係南瓜到實在難得 快啲嚟試～由於南瓜系列每日限量供應所以想試嘅話就要早啲去啦🌟朋友個杯係香橙綠茶嚟

新出的南瓜系列好吸引呀叫了杯南瓜鮮奶綠加珍珠$36🎃本身以為味道會好怪，但飲落又ok可以接受。裏面有南瓜蓉及少少南瓜粒去填加口感Mix埋奶綠好似飲緊南瓜奶🥛外觀望落好有萬聖節feel如果喜歡食南瓜的人一定要試試

一向都係天仁茗茶既粉絲，加上今日勁熱，經過太和商場就忍唔住叫左杯凍珍珠鮮奶茶。等候拎飲品既地方好大，又有涼冷氣，好舒服！雖然有成10張飛係我前面，不過好快都到我啦！今次叫左半糖少冰少珍珠，半糖既甜度剛剛好，之前都飲過少糖（即7分糖），我覺得都係太甜，半糖就最適合啦！而少冰都真係唔算多冰，我飲飲下冰都融晒啦，有些其他舖頭既冰係飲到杯底都仲有好多冰，那些舖頭既珍珠奶茶就會太淡！而天仁就唔會有呢個問題！

滙豐銀行近年時有天仁茗茶買1送1優惠，適逢本星期日有，在大埔中心買完日用品後就買返杯飲下。喜歡台式即調飲品，除了因為非常喜歡珍珠、芋圓、仙草等能加到飲品的配料，還因為可以選擇甜度及冰量。因為買1送1優惠，所以買的人不少!目測要排近30人。天仁是排隊點茶付款慢(排了30分鐘以上)，但出飲品快的 (10分鐘內)，如果可以倒轉，先買再等飲品，相信人龍不用這麼長，大家也不用企足半小時。天氣實在是熱，所以就揀了清熱解渴的洛神花冰茶加珍珠，少冰半甜。飲品很凍，但冰量很少，很合心意。基本是沒酸味的，雖然是半甜，但仍頗甜，可能選微甜會更合口味。比起珍珠奶茶，洛神冰茶較清新，但亦較甜。

炎熱嘅夏天...就會想買杯飲品解下渴😩去開天仁茗茶我都會買杯珍珠奶茶飲，我覺得佢比其他鋪頭好飲d,珍珠夠Q彈👍🏻茶味唔會太濃，而且價錢好親民，只不過是$20蚊一杯好低飲，正常出面一杯至少都賣緊$30蚊啦🙂🙂

冇諗過個雪糕咁大杯🤤🤤🤤🤤🤤拎上手feel到係重嘅😳兩個人食都得🙈茶味雪糕都係第一次食，好似每日限定嘅味都唔同，我呢個係紅茶味🍵☺️唔太甜又凍冰冰夏天食勁正

天仁茗茶的奶茶有着一種很重的奶香味，而且珍珠味也很好味，也很容易咬。最重要是他的茶味也很香，整杯奶茶的味道給我一種很台灣味道的感覺，是其他奶茶店做不到的！值得每天買一杯！

呢間天仁茗茶係我接觸既第一間天仁茗茶，佢成功咁將我由許留山轉移反到珍珠奶茶陣營。最鍾意飲佢嘅蜂蜜綠茶加珍珠，珍珠帶有甜度，亦都比較煙韌，係我一直最愛的珍珠之一。佢既珍珠鮮奶綠亦十分出色，綠茶與奶溝埋一齊好滑，值得推介

成日食珍珠奶茶，雖然好味但飲得多都想試下新野。一出珍珠奶茶蛋糕，第一時間緊係去試下啦！叫一個等左勁耐，成十五分鐘，等到想走不過真係好好味😋個pancake好軟好淋，好香好滑，都好massive同好creamy，食食下趙到珍珠！感覺好得意！最上邊有一層奶蓋，多左一個層次感，冇咁悶，仲有啲生果中和下個甜味👍🏻好細心好味😋會再食

原來天仁茗茶都有pancake😛😛暫時只有3間分店有😝😝買pancake既人唔多，惟獨製作需時，等了差唔多20分鐘😛😣呢款係鐵觀音味，造型漂亮，醬汁淺啡，味道尚算特出！👍🏻👍🏻以鐵觀音茶葉磨製而成的茶粉混合淡忌廉，茶香突出，最令人驚喜。💓💓而家口感亦好好，軟綿輕盈，空氣感唔太重👍🏻👍🏻珍珠幾有口感同咬口，不過我覺得珍珠配pancake 唔係好夾🙈🙈🙈🙈🙈！.

是日路經天仁茗茶～天氣都幾熱，一經過天仁茗茶最想叫既唔係佢既913茶王，而係佢既鐵觀音雪糕！雪糕有綠茶同鐵觀音揀，23$可以揀杯或者址筒裝～我成日覺得用筒食雪糕先似係食緊雪糕同埋會覺得好食d!叫左個鐵觀音雪糕筒裝～個筒好脆有時食d雪糕個筒會係淋哂，令到個雪糕食落都冇咁好味，但呢度個筒勁脆，食得出好新鮮雪糕茶味好濃，最重要係唔會太甜，好怕食到d太甜既野，食落口覺得d雪糕好滑～店員裝雪糕裝到連個筒入面都係實心，絕冇厄秤

我最愛既珍珠奶綠天仁茗茶賣到上埋市就知佢勁啦，佢既茶底好正就大家都知！而唔知大家知唔知呢個秘密呢，台灣朋友話我知其實台灣係飲奶綠多，我都比佢影響飲左珍珠奶綠。當然要半糖小冰啦！佢既奶綠比起奶茶少啲茶味淡啲，奶味香啲！係清清地之選。而珍珠好香甜，粒粒煙韌，份量亦足，好味！其實間間質素都keep到真係唔易，抵佢上市！

呢間分店 我間唔中都會幫襯估唔到今日會有d甘不愉快既經歷岩岩買杯23蚊既野飲我比100蚊 原來職員找得27蚊跟住我行返轉頭同佢講佢堅持我係比左張50蚊紙佢我: 唔係呀 我銀包得100蚊紙找職員: 但今朝收銀機都冇50蚊紙 所以呢張係你既我: 下 但我真係比左100蚊紙 仲要係新銀紙黎職員: (摸一摸張100蚊紙，跟住拎左50蚊紙比我) 算啦 比你啦 最多我賠返啦我: 但我真係比左100蚊喎職員: 唔使講喇 口同鼻r我: 你甘講即係話我屈你架姐職員: 我米話算囉 唔使再講找不到禮貌點😕1) 我好肯定我冇50蚊紙 我就係見到自己得張10蚊紙 所以先拎張100蚊出黎找2) 佢自己都摸到面果張100蚊紙係新既 其實佢都有動搖3) 我見我之後都有其他客比錢 點解佢要話果張50蚊一定係我既4) 你覺得唔合理 可以睇cctv 可以報警 而唔係比說話個客聽完全唔合理 我唔會再去呢間買

天仁茗茶大埔店913茶王古早冬瓜味每杯＄20每一次嚟到天人都有一個選擇困難，因為有好多嘅選擇，都好吸引，今日揀咗天仁嘅招牌913茶王，配搭精心熬煮的冬瓜磚，除咗有茶王醇厚嘅茶香，仲有冬瓜甜甜嘅滋味，啲面好細心仲問我地要咩田本身佢係冇甜嘅不過東關已經帶有甜味，所以其實我覺得可以唔使加甜了。天仁嘅茶一直都係心頭好， 茶葉味好香，鍾意佢哋嘅茶夠天然，比一般台式飲品更健康，心理上係。呢間鋪頭仲有個好處，就係人手好充足，所以即叫即製都好快呢。