3
0
6
| 餐厅: | 天仁茗茶 (形點 I) |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
营业时间
今日营业
10:00 - 21:30
星期一至日
10:00 - 21:30
以上资料只供参考，请与餐厅确认详情
唔知系咪因为我用商场积分换饮品嘅程序比较复杂，个男收银员觉得我烦到佢，所以全程语气超差。由我查询是否可以用积分开始到完成整个交易嘅过程入面，佢都系用鄙视、嫌弃、呼喝嘅态度回应，当中包括无啦啦举个QR code出嚟，然后呼喝我「扫啦！」「你扫完个QR code之后揿退出呀！」。。。最后我真系忍唔住同佢讲「点解你啲态度可以咁差嘅？」，佢仲要覆我「咁我咪帮咗你啰！」之后仲要望住店入边另一个负责冲饮品嘅女职员用极藐视嘅微笑作出投诉。
继续阅读
饮过呢间三款饮料（其他冇兴趣）：香芋奶绿、抹茶（唔记得全名，好耐之前饮）、珍奶。抹茶不过不失，香芋奶绿值得推荐，饮过好多次，绿茶味浓，芋泥又多又甜，mix得好夹。够顶肚，基本上下午茶一杯就得，就算全冰仍够浓味，价钱合适。但唔知点解咁出色嘅茶底浓度，去到奶茶就劲劲劲淡，无论珍珠奶茶定系珍珠鲜奶茶，无论饮几多次、全冰少冰（以为人手问题所以唔死心再试）都系超淡，饮水咁，又贵，悭番杯珍珠奶水都食到餐m记啦，就算mccafe嘅珍奶都好饮过佢。好在珍珠算好味。另外一提嘅系服务正正常常，但有次我no.66，落单后听到店员由61开始逐个no.叫号攞野饮，我谂住听佢嗌号所以我低头玩手机。突然嗌完64就冇左声气，隔左好耐店员突然心虚细细声嗌67，我抬头睇柜面上有杯摆喺度好耐冇人认领嘅野饮，我以为系咪66未整好，但谂谂吓唔对路，上前去睇先发现系我𠮶杯开始融冰出哂倒汗水嘅66！你唔嗌我个no.，唔通我每杯都狗冲出去睇系唔系我𠮶杯？仲要系疫情我都唔知应唔应该随便拎杯野睇吓系唔系我嘅！定系我要时刻mon实数住店员整到第几杯，数啱个数我就去攞？既然你杯杯都嗌no.，点解净系唔嗌65、66？次次买完都系店员嗌no.，今次系想点？？
继续阅读
大家都知天仁茗茶系一间好受香港人欢迎嘅台式饮品店,以真茶底真鲜奶做招牌嘅天仁更加令买嘢饮嘅朋友饮得放心,有各种好吸引人嘅饮品,咁我谂味道一定唔会差嘅~当然,不论系甜度,温度同配料嘅组合都因人而异,好难有个公认好饮嘅饮品.咁我一直都好中意饮佢地嘅香橙绿茶半糖,我住元朗,呢间分店同千色我都成日饮嘅,其实冇分别架!都系咁好饮的.我谂觉得难饮嘅朋友可能系因为放杯嘢饮太耐冇掂,或者系选购时冇问店员饮品入面系咩啫.我有次去买香芋珍珠鲜奶绿,有问收银店员关于杯饮品会唔会太甜.佢地同我讲完香芋同珍珠有糖之后,仲推荐我饮半糖...果然半糖真系啱啱好,适合我呢种唔想饮太甜又想食吓珍珠甜甜地嘅口感.系正嘅!!!所以真心多啲问店员,可能比到啲好好嘅配搭你睇番佢地分店同千色分店比,可能系因为系一田入面,难以令人去揾到呢间店,所以闲日上系比较少人买,等候时间都算快.但一到假日(星期六,日)就好多人,都等咗成5至7分钟到,可能系因为佢地得一个人冲嘢饮嘅关系啦.或者要解决等候时间嘅问题,真系要好似其他分店揾多个人冲.都试过买一杯嘢饮要等10分钟(打咗蛇饼),要比少少耐性去等,唔好去为难店员啦整体而言:味道同其他分店冇分别.店员系好热情同有礼貌(次次都两只手比收据架~~)唯独系假日会等得耐啲,所以加油!
继续阅读
一入到黎见到呢间分店咁多负评真系吓亲。真系唔系好理解呢间分店点解咁多负评。每次落一田买野时经过天仁茗茶都会买杯野饮。而今日我就买左杯913茶王走糖加珍珠，店员态度依然系好友善，好好礼貌，唔知系咪疫情关系，呢间分店嘅员工除左带住口罩仲带埋手套冲野饮，真系令人饮得好放心。落完单等左冇耐就有野饮。杯913茶王真系冇得输👍🏼👍🏼茶味够浓，饮完仲有少少回甘加埋啲珍珠真系无敌好饮！饮过咁多间台饮都系天仁珍珠最好食，珍珠够弹牙又有蜂蜜味。希望呢间分店可以继续维持水准。
继续阅读
我系从2017年开始买天仁茗茶，一有买奶茶都会叫尼间，从2020年开始我就觉得越黎越唔好饮，但系都系觉得可以买其他饮品。。。我明知道佢间店饮品系好甜，之前买五分糖都系超级甜，今日系形点I买左两杯黑糖珍珠鲜奶，特别叫左3分糖，都系超级甜，甜到饮唔落去，而且唔系我平时饮果阵味，我真的超级失望，一次又一次唔好饮，如果唔系我已经返到屋企，真系好想返转头话你地系咪有病。我之前一直都系买呢间，从此之后，我都唔会买。身边好多friends 都系觉得唔好饮，表示唔会再买。希望天仁茗茶可以改善且越做越好，唔好求其。
继续阅读