1
0
0
| 餐厅: | 天仁茗茶 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
本身都几钟意台式饮品，尤其啲花果茶、珍珠奶茶，不过，平常就唔会刻意买嚟饮，通常喺去开台式餐厅食嘢，或特别原因先会买。今次都有啲特别原因，就喺晌「中电」嘅会员活动中换咗杯珍珠奶茶，故此，趁食晏时间专登行过嚟换咗杯返公司饮，搭啲芝麻饼当下午茶，松一松。话时话，原本阁鳞街有间「天仁茗茶」，但近来无咗，搬咗去极隐蔽嘉咸街嘅「My Central」，好难揾吓，总之落去香港站分店啦。茶饮有咩选择，晌柜枱前嘅价目表就一目了然，当然离不开原茶茶饮、新鲜果茶、鲜奶茶、沙冰……等等。有买开台式茶饮嘅朋友都知，可以拣甜度，此外，亦可拣唔同嘅冷热度。913黑糖珍珠鲜奶茶 $30正常甜度嘅台式茶饮我都觉得有啲偏甜，所以，要咗半糖，加上攞返公司喺等晏昼饮，所以，要咗少冰，其实，要去冰就啱，反正都喺返到去再雪。因为加入黑糖，原本杯奶茶嘅卖相会几靓仔，不过，用咗纸杯，就乜都睇唔到，但弃胶杯都好嘅，感觉环保少少，罪恶感少啲。小弟本身都几钟意珍珠奶茶，黑糖亦喺我几喜欢嘅食材，而用上佢哋嘅招牌913茶王做茶底，预期应该唔错。饮落，茶底确喺几醇香，而且，又确喺渗出阵阵黑糖香，搅两搅，底下都捞到几多黑糖珍珠，咬落QQ，够晒烟韧，又有清甜嘅黑糖味。一啖奶茶、一口珍珠、再一片芝麻饼，就喺是日下午嘅小确幸。
继续阅读
好多喺香港嘅珍珠奶茶通常流行一两年就会冇晒声气，但系呢间天仁茗茶咁多年来都keep到个水准！每次去我都系叫珍珠鲜奶绿，真系冇试过其他🤣🤣！钟意配绿茶因为会冇咁甜，配鲜奶会健康啲！佢既珍珠都够弹牙，！而且有得拣甜度同多冰定少冰，欣赏！😊
继续阅读