影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
以前呢个舖头系一个Cafe，而家变咗天下茶屋，啱啱开张嘅时候试过一次，𠮶阵Menu上嘅选择比较少，今日晚餐选择再访。六点几左右，入面得几台客，所以即日唔使等。而家Menu上边多咗选择，我哋拣咗一个晚餐set：combo丼(烧牛肉加豚肉嘅丼饭)配牛肉薯饼同埋一杯嘢饮。另外仲加咗一个咖喱芝士鸡肉饭。所有菜都系即叫即整，新鲜热辣上枱，两个饭嘅酱汁都好浓郁，味道唔错，份量亦都好大，我哋两个人都食唔晒。牛肉薯饼都好脆，几好食。饮品叫咗白桃绿茶同埋柚子绿茶，但系两杯饮品都偏淡，如果可以浓味啲就更加好。呢度环境都好开阳，亦都比较少人食，所以随便坐喺边度都得，好有空间感，不过我坐嘅位置咁啱撞正冷气机滴水，希望餐厅可以注视下呢个问题。
继续阅读
星期日下午五点半到达，有好多吉位，大约得两成座位有客人。我哋(2大人1小朋友)拣咗落地大玻璃隔离张枱坐， 日照充足🌻🌼，景观非常开扬，配合装修日本木质简约feel⛩️，感觉非常休闲🌴。当时有下午茶set，食品价格非常大众化， tea set由五十几蚊至八十几蚊不等，QR code自助落单，tea set可以加钱叫冻饮，食物质素都唔错，炸生蚝鲜味松脆， 汉堡juicy又松软厚身，摆盘够精致，以咁嘅价钱，绝对值得再嚟😍。
继续阅读
假日入到黎乌溪沙，误打误撞入咗呢间日式餐厅食下午茶，冇错，系下午茶，但系系一个正餐嘅份量呢个下午茶餐非常之抵食，而且自住性好高，前菜、炸物、主食都有得选择，最后仲可以拣乌冬或咖喱饭，完全好似A la carte咁食茶餐👍🏻前菜拣咗螺肉，螺肉大大粒非常之厚身嘅，用料唔错，之后就系吉列炸蚝，非常之新鲜，热辣辣，不过蚝肉较细小，不够肥美，仲有照烧鸡扒，鸡扒加上照烧汁，煎得够干身脆口，最后还有大大碗的咖喱饭，呢个下午茶食完之后晚餐都食唔落餐饮的选择亦不少，夏日炎炎，加钱叫左杯士多啤梨云朵乳酪沙冰，虽然要加$32，但这杯沙冰口感丰富，酸酸甜甜嘅士多啤梨沙冰配上原味乳酪，绝对系消暑之选另一份要左较轻量的烧鸡扒配薯条，比较之下，大约相差$30，第一个餐性价比较高，轻量茶餐的鸡扒只有半件，不过鸡扒味道依然做得出色，鸡皮烤得香脆👍🏻而第二个茶餐就叫了杯不用另外加钱的餐饮，香桃绿茶，味道简单清新，都系唔错嘅选择
继续阅读
到附近探朋友，喺附近商场揾嘢食，见到呢间喺餐牌、食物同价钱都有吸引之处，即管试试。企喺门口10至20秒时间，店面员工跟我与朋友你眼望我眼，完全没有半点打算招呼嘅反应；用手势示意2人用餐，前后被两个员工分别指向埋面 / 外面坐， 可见场内沟通差劣。整个用餐过程，完全冇听到任何员工有讲过半句礼貌嘅用语，包括入座、落单、用餐及结帐任何部份。食物方面，下午茶餐牌及引力低，因此同朋友拣咗烧咖哩系列，拣时自助order两款都系标准汁量、甘口口味。两款同样汁太少、咖哩味道太淡。烧咖哩芝士吉列猪扒饭 - 吉列猪扒够厚身，质感外脆内嫰，调味味道微咸而口味适中。大细盖过整个饭面，配埋焗熔芝士及温泉蛋拌匀食，口感丰富。烧咖哩芝士唐扬炸鸡饭 - 有五件同样炸鸡，显得系普通货色，较吉列猪扒明显感觉对比下去。炸鸡肉质恰好，调味属偏甜一种，显得不太融入产品中。用餐环境算卫生舒适，整个体验上最差的是服务部分。
继续阅读
当日因去迎海附近工作，见店入环境不错，所以试一试。点了店员推介吉列咖哩猪排饭（$64），入口应觉这里的咖喱汁跟一般日式咖哩略有不同，多了一些入香料的味道，搭配软糯的白饭十分美味。而且猪排份量十足，绝对是性价比之选。当日正值平日，午市套餐还有搭配一杯饮料，我选了蜂蜜绿茶，入口甜度选中。店内的菜单选择亦够多样，不论是猪排咖喱饭、鸡球咖喱饭等，还是有乌冬，丼饭，poke鱼生丼等选项。餐厅的环境也非常舒适，融合了简约风格，让人感受到一丝清新的氛围。相当适合朋友或家庭聚会的理想选择，绝对值得一试！
继续阅读
您可能会有兴趣的...