天下茶屋 (奇妙坊)

今日来到黄埔吃天下茶屋食晚餐。餐厅位置方便，就系大街附近。晚餐选择都几多，价钱唔贵。拣了日式猪扒定食，猪扒炸得非常脆卜卜，咖喱汁甜甜，送饭不错。跟餐仲有小食配上吉列牛肉薯饼，非常香脆，外脆内软，好吃！最后仲有饮品清新凉爽，仲有大福甜品，丰富。…查看更多

Lunch set menu有大概8-9款选择，$64起，包一杯饮品，主打咖啡饭同炸物。今次叫咗个唐扬炸鸡咖哩焗饭$67呢个唐扬炸鸡咖哩焗饭望落好似好正好吸引，食落就一般啦。咖哩饭上面铺满咗芝士，焗到做到拉丝效果，头几口食落真系好正，浓郁嘅芝士味同咖哩饭嘅香味交融得几好！之后仲有只流心蛋😋加埋d咖哩汁同芝士食唔错。不过，食到一半就开始觉得太济，芝士冻咗之后变得一旧旧，口感冇咁好，可能要快啲食，唔好等佢冷却。至于炸鸡，外表金黄色，真系好吸引！每碟有五旧。但实际上，鸡皮唔算脆，成旧鸡球完全冇骨，啖啖肉，听落好似好好，但肉质就有啲韧，食落去唔够滑。😅以$67黎讲，呢个焗饭既份量ok，有佢吸引嘅地方，尤其系咖哩同芝士嘅搭配，但炸鸡就有啲失色，肉质方面可以再改善。希望下次可以食到更完美嘅版本！🥡✨…查看更多

Lunch time 去食饭叫咗个吉列猪扒咖喱饭，落单特别都话要多汁（自助落单）。嚟到猪扒又硬，饭又硬…好少咖喱汁，完全冇特别俾多啲汁。食到一半，请个店员加啲咖喱汁。嚟到个碗仔入面只得可怜的两羹仔咖喱汁…唔紧要啦😒，谂住之后叫佢再加，点知店员话唔可以加两次。 你餐厅一开始已经俾得少汁，加又加果小小。又唔俾客人加两次，根本就系出餐质量本身问题。未试过去餐厅加咖喱汁都俾人challenge。（可惜冇影相…）…查看更多

三文鱼牛油果丼饭，真系好正！一入到餐厅，就已经被𠮶股日式清新嘅气氛吸引住。餐厅里面装潢简约，又有啲典雅，令人觉得好舒服。三文鱼，鲜红色嘅鱼肉啱啱好薄薄地一片，咬落去好嫩滑，唔油腻，仲有一种海洋嘅鲜味，简直系一流。牛油果就系另一个惊喜，口感滑溜，仲有啲奶香味，配合三文鱼真系绝配！再加上啲芝麻同葱花，为整碗饭增添咗多啲层次感，味道更加丰富。最后，佢嘅酱汁都几特别，微微带酸，帮助中和咗鱼肉同牛油果嘅油腻感，食完之后唔会觉得沉重。整体嚟讲，呢碗三文鱼牛油果日本饭真系好满足，无论系味道或者摆盘都好精致，绝对值得一试！下次再去，我一定会再点一碗！…查看更多

星期六晚上七点左右同女朋友入座，目测当时店内六、七成满左右，有两、三张卡位无人。本身谂住坐卡位，但比店员有计划地安排两人位，同其他人搭枱，都理解既，但只能说体验唔良好。去到食饭尾声最后一张卡位先有人坐。我叫左吉列猪扒咖喱饭(甘口）+煎饺子+士多啤梨乳酸(+$5)女友叫左盐烧鲭鱼海蚬汤乌冬(黑松露薯蓉忌廉汤）+牛肉薯饼+热无糖绿茶两个餐随野饮另外仲有一个包住雪糕既小泡芙(无影到），呢个可能系全餐饭最好食既唯一一样野。所有野出餐都好快。我个咖哩饭，猪扒系好大块，大到食唔哂，闻落去有阵油益味；个咖哩汁劲淡，好稀，一啲甜同辣既味都无。煎饺子，不过不失。士多啤梨乳酸，劲甜，单纯系一杯用糖浆冲出黎既饮品，无士多啤梨味同乳酸味。女友个乌冬，佢话个汤好似用粉冲出黎，唔识形容，我试过都觉得似。鲭鱼，普通，未至于难食既。牛肉薯饼，好松散，一夹就烂烂地咁，完全唔觉有牛肉，只有薯仔。绿茶，正常。食完店员都好快收野（呢个唔系批评黎，只系事实描述），亦无急住赶我地走既意思。最后成餐饭食完感觉食左一堆无味既野落肚。埋单总数$187，都唔会有下次了，佢只系一间用「装修」同「日式食物」包装既普通餐厅。…查看更多