大頭蝦東南亞餐廳 (宇晴匯)

位於荔枝角的大頭蝦主打東南亞風味，這次試的是無骨豬脾飯。豬脾肉厚切但炆得夠腍，入口即化，完全無骨，食落順口。表面燒得微焦，帶有炭香，肉汁豐富。醃料以香茅、魚露為主，鹹中帶甜，尾段微辣，味道層次分明。配飯吸收醬汁後更添風味，整體味道濃郁但不膩，是一款誠意十足的主菜。環境：店舖位於商場內，座位不多但整潔，氣氛輕鬆。價格：約$70，以份量及味道來說屬合理。食物質素：豬脾炆得入味，醬汁香濃，飯粒吸汁均勻。食物種類：主打東南亞菜式，選擇多元，定期有新推介。如果你喜歡入口即化的豬脾，這款飯絕對值得一試。…查看更多

同小朋友游完水，懶得煮飯，就去商場食個快飯回家休息，叫咗兩碗越式生牛肉湯河，生牛肉鋪滿碗面，用湯嘅餘溫浸到半生熟，肉質嫩滑唔韌。牛骨味濃得嚟帶香茅檸檬葉香，連洋蔥絲同九層塔都撈埋！ 再叫多一個咖喱豬扒飯，咖喱汁偏椰香微辣路線，撈飯食到停唔到口。不過豬扒如果切薄少少就更入味，薯仔偏硬，另加青檸梳打，叫野食餐飲半價…查看更多

相信唔係個個客都會帶紙巾，有時候唔記得。然後杯嘢飲勁滿，兩張檯唔平衡，佢攞過嚟係推過嚟，然後倒瀉咗，要我哋自己行出去攞紙巾，仲要唔係當眼地方，叫過好多次（禮貌地）可以幫忙擦乾淨嗎，都話‘自己出去攞’。態度勁差😀…查看更多

俩人，点了个二人餐，268元，饮品换冻饮各＋3块，一共274元，能吃饱。a菜选了a1蒜蓉大头虾，大头虾不是很新鲜，虾肉有点看面，不过味道还算可以。b菜选了白切鸡，鸡肉比较面，三种小蘸料，蘸料还可以，感觉鸡肉不是很新鲜，也是有点面。c餐选了米粉，第一次盛汤喝着还行，第二次再喝汤的时候感觉汤味道有点重，可能是开始没搅开。d餐是青菜，选了菜心配猪脚汁。配印选了阿华田，嗯，还行，选之前以为是汽水，哈哈，很少喝饮料傻傻分不清。买单可以用八達通，并不是只能现金。店家送了例汤，还挺好喝。临走前用餐刀在鸡腿上拍到果蝇一只应该是拍死的吧，不过也许本来就死了，我有那么快吗…查看更多

作為一個荔枝角工作十年嘅打工仔，見證哩個鋪位易手數次，之前做日本野店內陰沉沉，連食咩都睇唔清楚，今次真正重新裝修，店面光潔，仲有我最鍾意嘅冬陰公，同事介紹喇沙好食，蝦湯椰香兼備，但我比較鍾意冬陰公嘅酸辣椰香，湯比得多唔孤寒，配料正常，魚餅有d驚喜，混合豆角芫荽，無鯹味，$56嘅價錢以打工仔食個舒適嘅午餐嚟講，絕對合理，普遍食物偏濃味，唔食得太辣叫定杯凍檸茶解吓辣，哩到可能唔夠你去九龍城好食但止癮絕對可以。…查看更多

希望呢間餐廳可以做到一年，不過我覺得如果佢繼續維持呢個水準的話就唔樂觀😅😅😅因為佢啲嘢真係好難食。我同太太叫咗一個肉骨茶米粉同埋一個牛腩片河粉同一碟牛油雞翼。兩個嘅湯底好似水一樣咁完全冇味。肉骨茶的肉好唔新鮮，有啲血紅色喺面。牛油雞翼好多油，見到碟底啲油量多到嚇咗一嚇😅😅兩杯檸檬茶餐飲都無茶味😅😅😅最關鍵係衛生情況…我見到有幾個鞋印，應該係員工企上張枱上面抹盞燈嘅時候留低嘅..。聽到坐喺我隔離枱嘅兩位男士話啲海南雞無乜味。問有無魚露，侍應俾咗碟豉油佢。…查看更多