大雞大超級雞排 (已結業)

好鍾意食香口野...所以只要有機會都會叫黎食o係香港黎講我覺得算幾好食...始終做依種炸雞o既舖冇乜同台灣比當然冇得比啦~BBQ 17蚊有6~7大件...可以叫佢再剪細D至食D雞肉好滑...炸粉厚薄都適中...好食滑雞扒都係17蚊...食落都係好食...不過我唔明...另一款雞扒都係17蚊,我都食過...但就鞋好多唔通有人鍾意食鞋雞扒?

上次冇認真地吃,凈係咬O左一啖,今次認認真真買O左$17 BB雞 + $8 薯條做lunchD雞出面果層炸漿都叫做ok o既,不過由於味係靠D粉,所以D雞肉真係淡O左D薯條都一般....有幾條太硬,有D又太淋.....又冇咩味

係紅磡返工，日日都係佢門口落巴士，一個月前佢突然朝早都開門，做埋早餐，不過朝朝都唔見有好多人幫襯，睇黎生意麻麻.. .. 早餐價錢一般，野飲要另買，不過平一蚊，早餐menu比平時menu多左包類，價錢由$10 - $17。我買左個牛角包司華力堡($14)，因為拎到返公司先食，個牛角包扁左，不過都幾好食，請真，包夠熱，一般都好食既。如果有埋野飲，應該會多d幫襯既。

聞名已久，我又鍾意食香口野，呢日就特登去搵呢間野，搵左一陣就搵到，叫左出名的BB雞，佢地一早炸起，有客叫再番炸。之前聽人講太咸，所以我叫大叔唔好落太多粉。不一會OK，到手感覺熱辣辣，我等左一陣先食，無咁熱氣，咬落好脆，但有D過硬，可能由於番炸關係，第一舊唔錯，但越食越濟，D粉太厚，不過D肉係幾滑既，所以食到最後我只食肉不食外層。$17有6,7舊算OK，不過下次唔會再特登去搵啦。

見個名同門面咁可愛就入了去幫襯，買了個雞味薯條，話全球首創，咁厲害梗要試下，食落完全無雞味，問店員有無俾錯，話無，打開望望，有大半再番炸的，吃多幾口，就拋棄了。

話說10年前第一次去台灣時, 最流行就是這個又大又平的炸雞.其實當時都只是貪佢平, 吃也吃不完.想起來, 都不是很好吃. 在台灣是用雞胸肉的.之後再去台灣幾次, 就已經變成流行鹽酥菇了~所以知道香港有開相似的店, 就去了幫襯.那個大大塊的雞扒, 的確同回憶一樣, 不太好吃~~ 不過很平~ 不過新出的BB雞, 就很不錯.大家要去吃的話, 我會推薦BB雞. 記得叫佢地唔好落太多粉. 台灣人是喜歡比較重口味.但我們可不太喜歡就是了~

以前去開元朗大坑渠...後尾閂左無再食過...今日經過紅磡...一落巴士就見到 bb 雞間鋪...當然要再食下啦...而且今日仲約左男朋友要去試埋另一間聞名以久...話由台灣人主理既雞排...決定黎個試食大比拼...食...就當然都再食滑嫩的 bb 雞... 熱辣辣...好好味...要左份 bb 雞...小小辣.. 17 蚊...份量足...d 地瓜粉...夠台味...d 雞好夠味...炸得夠香口...woooo...但有一點不得不提...阿姐佢雖然帶左口罩...但係個口罩掛係下巴...仲要係撒胡椒粉個陣不停咁咳...如果佢再衛生d ...咁就 very good 啦...

今天食了紅磡大雞大.....都算ok,肉汁再多d就好d但之前食過元朗的,,,好食少少店內人流不多,但種類都幾多服務員態度很好!

買了一份滑雞扒，$17。外皮唔硬，幾鬆脆，但略厚。肉唔鞋。d調味粉幾惹味，又唔會太濃，咸得岩岩好。總括黎講比上不足，(目前食過最好食既炸雞係銅鑼灣<<凝香園>>既鹽酥雞)比下有餘。(eg.<<我愛台妹炸雞排>>果d)

去台灣之前先試一試..叫左雞腿扒.. 等8分鐘... 有皮.. 好大塊..粉都好多, 係番薯粉, 肉和粉厚度差唔多.. o係表皮灑左佢話係"香料" 的味精..同小辣粉。 肉唔入味.. 粉唔crispy..希望台灣會好食d

總是與它擦身而過，今日終於試左 $17 的 BB雞。好多粉幾辣！但係我就係中意呢 d 較味精既雞排呢，只少香嘛...脆脆的外表內裡雞亦很 juicy，令人回味！自問絕對好過 KFC 等炸雞店。已經忘記台灣雞排的味道，不知跟這比又如何呢？不過最好有杯水 ready

見佢開左好耐好奇心下走去試下所謂既台灣雞扒結果中招17蚊買左包垃圾所謂既台式大雞扒d炸粉厚過d雞肉最抵死佢剪碎晒佢d炸粉剪完變晒一粒粒仲要溝埋d味精粉結果變成一包碎晒既炸粉溝味粉雞肉我只食到3片仔佢仲好意思同我講,先生唔好意思落粉重手左,可能會辣少少結果我食到既只係一包辣粉溝炸粉既野完全冇任何味道,只有辣字!!咁都敢拎出黎話台式?我炸都好過你!睇下張相就知有幾垃圾!

聽就聽左好耐, 但遲遲都未起行去食早幾日終於的起心肝去試啦要左BB雞 + 小辣D雞係翻炸的, 有7件, 雞扒就兩塊個阿姐落左勁多粉, 食到成口都係粉 至於辣就唔係好辣...可能阿姐出手唔算太重味道普通普通...食一次就夠

同朋友見到.俾佢個名吸引左.之後入去買黎食!叫左1個bb雞同埋1個超級雞扒,$18 each!仲有大辣中辣小辣 ...我地選左中辣! 以為佢唔會辣得去邊...點知-3-'''中辣好辣呀!!!! -_-食到50%辣到條俐痳哂.........哈哈..下次要小辣好d..會食到多d雞味.到雞啦.bb雞好滑好好味!!!!細細舊咁好方便食!同埋真係好香口好脆!同kfc個d 唔同. 唔係得d炸粉味同炸粉厚..超級雞扒反而無bb雞咁好...比較粗糙... 唔滑的..同埋薄身d...但整體真係好味嫁!!!如果kfc同佢俾我選擇..我都要考慮下,因為佢真係有佢的特色 !!!pssssss. 之後發現學校附近的坑口都有間!!!就連續2日都去食.仲試左超級特滑雞扒, 係比超級雞扒滑d....但都唔夠bb雞滑!而雞肉薯條都無咩特別..無咩雞味....我同d fd食到做埋vip !哈哈... 係時間又要揾日去食啦!

尋日去開紅磡街市打波，見呢到想食少少野先，於是入去買薯條，我見有分大中細size，於是叫左個大，收銀個哥哥仔問要唔要辣，我話要。跟住去櫃面等，咁岩我見佢有分大中小辣(買個時我無留意)，於是就問櫃面姐姐我要既係薯條係咪打左大薯條少少辣呀？佢答係打左薯條大辣，我話我要大薯條要辣唔係要大竦薯條喎，佢唔多滿意咁猛話下次要叫清楚，費事黎左大辣食唔到晒左，我真係有d火都黎，關我咩事嗟，個收銀哥哥仔打錯嗟，但係佢好似教訓我咁，無野呀？其實你叫乜竦都好，佢都係最後沈竦粉落去，沈得多就係大辣之嘛，算啦買完去到球場開黎食，講真薯條無乜薯仔味，好淡，食落口唔辣只覺個咀興興地，好似食麻竦咁。試過就算啦，見佢新開，落單同廚房好似唔多合拍，除左價錢唔貴外，真係無乜吸引，服務態度麻麻，無乜興趣再黎幫襯。