影片
食家推介
天津乜唔系大6地方咩? 但点解响日本餐厅有得食天津饭? 我都唔明? 不过扬州都冇扬州炒饭啦~ 是旦啦~ 都系一个名啫~之前食过拉面好似一般, 今次都系叫两个饭算~ 元祖手制煎饺子超快上枱, 呢头叫呢头上, 都知道佢系整定, 不过佢仲系热就由佢啦~ 虽然佢话系手制饺子, 但始终觉得佢同响超市买到果啲日本饺子一样, 同埋呢啲饺子系皮同馅中间有好多空间, 就算食哂成碟, 都好似唔系好觉食咗嘢咁~ 天津饭(田园菜饭+元祖天津蛋+神户烧烤汁+和风炸鸡)仲谂住叫个菜饭有啲菜食下, 中和下, 但原来饭入面只系得少少椰菜丝啰~ 个天津蛋好鬼滑, 好鬼香, 应该用咗好多牛油去炒, 开头食都觉得好正, 但越食越济, 实在太漏, 最终都系食唔哂~个炸鸡炸得好脆, 外脆内juicy, 而且大大旧, 但个汁就好差, 完全系豆粉芡, 仲要系超杰~ 天津饭(五味海苔饭+元祖天津蛋+日式酱油汁+吉列猪扒)海苔饭都系得少少海苔, 蛋就一样咁厚咁滑, 而且一样漏到食唔哂~吉列猪扒个色唔够金黄, 但都够脆, 块猪扒都算唔太薄, 不过个汁就一般, 有色冇乜味~
继续阅读
虽然年头先去完大阪，但我已经很挂念日本蛋包饭的味道。我专程去左大阪王将，试试香港的蛋包饭有没有日本的水准。我叫左个汉堡排蛋包饭. 其实我著重蛋包饭的味道的同时，卖相也占了很重要的位置。至于呢个饭，上面块蛋都能够好好cover 啲饭，而且都算饱满，已经几高质。而且蛋的最外层干身色泽金黄，里面也能够做到蛋浆于半熟的状态。这一点值得一赞。汉堡扒厚度十足，食落去也唔太干身。呢个价钱可以收货吧。个汁都可以，不过略为淡左少少. 其实我都系钟意加少少茄汁，酸酸地会更加开胃呀.仲有，佢原用番铁板去上菜，保持番个温度，抵赞.
继续阅读
平时听呢间店饺子出名，原来拉面都好味下午茶时段 主餐牌 拉面 半价叫左 炸鸡酱油拉面，粟米牛油味噌拉面 同 饺子饺子皮薄香脆，正！由于偏爱味噌汤底，拉面一黎就忍唔住饮啖汤，热度十足差啲辣到，好味拉面有爽滑，唔会太淋，唔错！叉烧淋身 有肉汁，啖啖肉 唔肥 好味跟面个碟炸鸡几大份，一份三大件鸡件外皮香脆，里面又保留肉汁，同样热度十足 ！每碗都有半只唐心蛋，笋块，芽菜 。系足料既好抵啊拉面餐牌🤤
继续阅读
晚上同友人系马鞍山觅食，见呢间唔洗等位而我地都想食日本嘢就入咗嚟。蛋包饭。4个Step选择适合自己口味嘅蛋包饭，我就拣咗五味海苔饭，元祖天津蛋，王将咖喱汁同汉堡扒。送到嚟啲热气已经令铁板散发出诱人嘅嘶嘶声，将咖喱汁淋落去啲声仲厉害，仲可以闻到咖喱汁同饭嘅香味。汉堡扒几厚身，但系好腍，好有份量，个蛋整得刚刚熟，夹埋咖喱汁同有少少饭焦嘅饭食真系停唔到口。叉烧拉面。呢个就系我友人拣嘅，佢就觉得麻麻地，认为都要成七十几蚊倒不如加几十蚊去拉面店食咁。
继续阅读
首次试大阪王将，估唔到比到我惊喜去到嘅时候系晚上六点几，叫佢无咩人，以为味道一般。我地叫左蛋包饭（佢地叫天津饭），配埋咖喱汁，味道实到太夹啦叫左一客薯饼，入口即溶仲有食到佢吉列猪扒锅，都非常好味！最impressive我嘅，系服务态度佢地好有礼貌，而且service好好！临走都忍唔住比左tips佢地，值得一赞嘅餐厅
继续阅读