大鍋口海鮮火鍋店

营业中

休息中

今日突登過去佐敦，同朋友一齊試下依間性價比極高嘅港式任食邊爐🤤🤤🤤 入到去環境都幾新淨👍 座位走廊夠曬闊落😙 帶多d 人黎一齊打邊爐都坐得好舒服🤭 一黎先俾個醬油盆我哋自己任加火鍋醬料👍 香蔥、蒜蓉、辣椒、沙茶醬等應有盡有🤩 好惹味🤭 之後㨂湯底，我地鐘意清清地，就㨂咗個鮮蕃茄薯仔豬軟骨湯底🍅 一上黎已經勁香蕃茄味😚 飲落清新中又幾惹味🥴❤️ 裡面仲有豬軟骨食下tim🤩 火鍋配料全部用紙mark 低落單👍 佢都幾多選擇🤩 肉類豬、牛、雞樣樣有D, 另外仲有海鮮、丸類、滑類、水餃、炸品、麵食等等，真係超級豐富😋😋😋 樣樣食D 飽到上心口🤣👍 最後仲可以係出面自助區攞雪糕😋 有兩款口味任唧唔嬲🥴 仲可以加棉花糖粒粒等配料tim 😋 超級大滿足🤭 飲品都係出面雪櫃任攞🤩 好多款式超有誠意👍 絕對會黎再食過😋😋😋😋

相信大家都食過呢間任飲任食嘅火鍋店🍲 平日晚市價錢只係$228/1，可以揀雞煲或者羊腩煲，另外可以揀一款湯底，再打邊爐🍲估唔到呢個價錢仲包咗一碟安格斯肥牛，真係好抵食🫶🏻講真個雞煲都幾好食，唔會太過重口味，雞肉都好嫩滑！朋友好醒目，預先叫定水魷，連雞煲一齊炒熟，好入味，大可以試吓！自選海底都有5-6種可以揀，有辣有唔辣，估唔到有新鮮豬筒骨嘅湯底，係個清清哋嘅湯底，又無咁熱氣😂火鍋配料好齊全，海蝦要叫！好新鮮！鵝腸、白鱔同魚雲都係我最愛😍

天氣涼返點可以唔去打邊爐呢，最好就有埋麻辣雞煲食🤩！佐敦莊士倫敦廣場上12樓嘅「大鍋口海鮮火鍋店」做緊火鍋放題$228一位，7點半前入座或者9點半後入座$198炸！雞煲🐤、肉類🐮、海鮮🦐、丸類🧆、蔬菜🥬全部任食！出面仲有醬料區同雪櫃入面嘅飲品都係任飲🧃。🌶️麻辣雞煲雞煲辣度固定，可以無限追加。材料豐富有洋蔥、乾蔥、辣椒同芫荽，雞件嫩滑入味，麻度同辣度適中，炒得好香口，非常惹味！另外仲送咗一碟安格斯肥牛，油脂分佈均勻，用嚟打邊爐一流啊！🥥椰子滑雞湯底呢度嘅打邊爐湯底有十款咁多，我地揀咗椰子滑雞湯底，裏面有椰子肉、杞子同雞件，椰子味香濃鮮甜，雞件鮮嫩。✨火鍋材料推介✨🐮手切肥牛：任食質素叫做唔錯！雪花分佈比例唔會全部都係肥膏，肉味濃郁，入口軟腍，一定要encore😋。🐷黑豚肉片：每片都大大塊，瘦肉同脂肪嘅紋路分佈均勻，入口柔嫩多汁。🧆手打墨魚丸拼雞軟骨丸：真材實料有粒粒雞軟骨粒係入面，好有口感。🐟白鱔片：味道鮮甜無腥味，口感爽彈。🦐生猛海蝦：海蝦新鮮，肉質爽口彈牙，帶有鮮甜。🪿鵝腸：每條都長身，口感爽脆。🥟自家製韭菜餃：包到餡料滿滿，咬落去有豐富嘅韭菜同豬肉碎。📍 大鍋口海鮮火鍋店 (佐敦)

食咗好幾日 #西餐，又係從頭我至愛懷抱 #烚吓烚吓 嘅時候🤤 兩個鐘嘅 #任食火鍋 + #雞煲 雖然係趕啲，不過勝在地方夠麻甩，而且火鍋料都幾多選擇，所以呢日我哋又再次返到嚟「大鍋口海鮮火鍋專門店」。坐低冇幾耐，#雞煲 已經放到我哋面前，外貌唔算吸引😅 可能係少咗啲 #芹菜、#芫荽 之類嘅配料，而且份量都比較少，三兩下手勢已經俾我哋清晒😅 好在雞煲都係無限添加嘅，遲嚟嘅同學仔都仲可以食到😃 湯底我哋揀咗 #椰子雞湯，貪咗夠晒清（任食火鍋唔好預佢太足料），口感都唔使咁漏😄 任食嘅 #火鍋料 除咗 #海鮮 之外，都幾多選擇😉 講到 #打邊爐 又點少得 #肥牛、#響鈴 仲有手打 #肉丸，仲有我每次必叫嘅 #水魷魚 🦑 食物質素總是中規中矩，不過加錢叫嘅 #桶蠔 就麻麻哋，質感未至於霉，不過就唔夠Q彈囉，但係份量ok嘅😉至於飲品方面，都係任飲嘅，#汽水、#果汁 … 仲有為熱氣嘅我至設嘅 #竹蔗水 😉 總之你食/飲得落都會無限供應。想平平地搞個朋友聚餐，都係一個唔錯嘅選擇😉📍 大鍋口海鮮火鍋店 (佐敦)彌敦道219號莊士倫敦廣場12樓

去完旅行返咗嚟幾日減肥，今日終於放監😭即刻搵嘢食，見到佐敦莊士倫敦有任食火鍋，好耐冇去過，即刻諗住去大吃大喝！😋😍餐廳位置寬敞，卡位坐得非常舒服，人多嘅話都有多張圓台提供，啱晒傾偈👍🏻呢度首先食咗雞煲，然後先再打邊爐👍🏻雞煲方面調味非常特別，都好惹味😋雞件食完可以再添❤️之後打邊爐我哋揀咗椰子雞湯底😆配料方面選擇眾多，當中蝦滑墨魚滑同埋雞軟骨滑最吸引😍唔係度度任食邊爐都有，而且質素相當唔錯，非常彈牙👍🏻🤤另外仲有海蝦，非常新鮮，肉質爽口😋不得不提每台都會送一碟高質肥牛，肉味濃郁👍🏻當中打邊爐仲有豬頸肉揀，點埋啲醬汁非常入味😍市區收費嚟講呢度都算唔錯，而且9:30後仲有宵夜價錢，非常抵食👍🏻

平時想打邊爐🔥，除咗而家好多分店嘅日式、台式火鍋店之外♨️，仲有一啲主打港式風情嘅舖頭🇭🇰。我哋今次就嚟多一間有得食雞煲或者羊腩煲配火鍋嘅餐廳😋，而且仲有好多火鍋配料、飲品雪糕等等任食😍。呢度雞煲加火鍋假日每個人$238💰 。.🐔麻辣雞煲有得揀食雞煲或者羊腩煲🐑，我哋揀呢款麻辣雞煲有得任食🌶️。上菜已經聞到超級香嘅麻辣香味😍，煮到啫啫聲，惹味嘅辣度入晒味😋，真係好吸引。.🐮肥牛套餐仲包埋一大盤肥牛💕， 烚出嚟肉質都唔錯，肉質鮮嫩🥩。而且食內肉味好濃郁，脂肪比例都算合理🙌🏻，唔會太過肥膩，點埋火鍋醬料好味。.🌊海鮮呢度仲有好多配料係放題任嗌，唔少得要嗌啲帶子、水魷🦑等等，配埋沙嗲湯底真係好夾🥘，煮到啱啱好，口感鮮嫩爽脆。.🥟韭菜餃超級飽滿，咬落去滿滿嘅餡料👅，好有韭菜香，咬落去熱辣辣、出晒煙♨️，真係好夾打邊爐。.☄️丸類打港式邊爐♨️，梗係唔少得大家由細食到大嘅唔同丸啦💕！唔同丸喺沙嗲湯底烚下烚下✌🏻，係大家都熟悉嘅味道。

媽子話突然今日轉涼咗咁多～不如去打邊爐～收到聖旨當然即刻訂位出發～嚟到呢個佐敦站一出直上就到嘅火鍋店食晚餐～烚一烚暖一暖先☺️☺️.晚市九點半前入座只係$228@位(另加一服務費)～呢個價位可以無限暢汽水茶飲飲(😉啤酒要另計)兼任食雞煲火鍋兩小時～以九龍市中心地利嚟計絕對超值🙌🏻首先坐低之後店員會送上✨麻辣雞煲～非常惹味且雞件入味～食完唔夠喉仲可以任添😋😋仲要送咗碟✨牛肉～夠皮就可以自選埋湯底開始打邊爐啦～我哋揀咗✨川芎天麻魚頭湯底～滋補一下😀.火鍋料自行填紙仔～跟住轉個頭就會火速送上枱～有多款肉類,丸類,海鮮,蔬菜等等等等…重點推薦💁🏻‍♀️：✨手切肥牛(任食嚟講算質素唔錯～雪花紋清晰),✨鮮蝦滑✨墨魚滑(爽口紮實又彈牙),✨生猛海蝦(🦐新鮮甜美),✨白鱔片(軟滑鮮嫩),✨炙燒芝心丸(🧀一咬爆出流心芝士),✨麻辣鴨血(火鍋必吃哦),✨脆鯇魚片(鮮嫩彈口),✨超甜粟米(🌽真係超甜)......呢度確係滿足到火鍋魂又唔傷荷包之選哦🫰🏻🫰🏻

一個價包雞煲同打邊爐放題，雞煲完仲可以自選湯底，唔係就咁加水/湯。雞煲啲雞煮得好入味，噴住煙咁上菜好香，啲雞好嫩滑，雞汁入味，又唔會好咸。份量都唔會太多，仲有位可以打邊爐。食完雞煲就打邊爐，湯底嗌咗椰子雞。真係超級香，啲椰子味好濃，一滾咗即刻整返啖湯，勁濃勁香勁入味。之後淥嘢，啲湯入咗啲食材到，特別清甜！食材都好多選擇。跟爐上有一碟靚牛，好嫩好香牛味，慢慢食，之後仲可以再加手切肥牛。蝦滑墨魚滑好彈牙，一份可以整到5-6粒，份量都好多。羊肉片好夠騷，勁香勁鐘意食！芝士丸超多芝士流心！黑松露水餃同韮菜餃勁大粒，唔會好咸，好足料！任飲仲有竹蓆茅根！一jar jar任飲，超解渴！仲有勁多都想食，下次會再嚟試！

真的很長一段時間沒吃過自助火鍋了 這天來到了佐敦莊士倫敦廣場 坐位寬敞舒適 空間感十足 2小時任喝任吃火鍋 按人頭收費吃火鍋前先吃麻辣雞煲 菜單上可選麻辣雞煲/羊腩煲 4位或以上免費送一份羊腩煲🤭麻辣雞煲：超香的 真的很惹味 而且份量也很足 雞件也挺滑嫩 洋蔥也很甜 不是太辣 麻辣雞煲還是無限添加對於一個已經幾個年頭沒吃過港式火鍋的我來說 這間完全滿足了我的慾望 完全沒有想過有10款湯底選擇 （鴛鴦湯底要+$）這次選了鯊魚骨猴頭菇湯底（超級特別的湯底🤭）湯頭很香很鮮甜 裡面還真的有鯊魚骨 直接喝了幾碗 火鍋材料選擇還算多 海鮮、牛、羊、豬…都有 而且全都是新鮮現制的食材 完全沒有雪藏或者冰凍過的味道 特別推介手打丸類、魚滑、蝦滑 真的很好食😋飲料是自助的 可以自己在外面雪櫃取 選擇挺多的 汽水、茶類等…竟然還有竹筍茅根水 火鍋必備飲料 清熱解毒甜品還有雪糕🍦（雪糕機也是自助的喲！）旁邊還有幾款配料選擇😋

今晚約朋友食飯，我想食清清地，但朋友又想食得豐富啲，於是選擇左火鍋放題，鐘意食咩就食咩，可以各取所需。去左佐敦倫敦廣場大鍋口海鮮火鍋店，任飲任食每位都係$228再加一，都算幾低食。火鍋店內好闊落，坐得都算舒服。先黎個麻辣雞煲，雖然辣辣地但好香好惹味，雞肉厚嫩滑。食完雞煲就揀左個椰子雞湯底打邊爐，椰子雞湯味道香濃又夠甜。火鍋配料極多，因為我想食清啲，所以多數點菜、萵筍、茶樹菇、鮮冬菇、雞脾菇、豆腐、冬瓜、秋葵..其中萵荀好爽口好新鮮。雖然我冇食牛，但朋友話呢個安格斯肥牛牛味重，而且見佢紋理色澤都好靚。點左四寶丸，佢啲丸係手打，好彈牙海蝦鮮甜，脆脘魚腩肥厚爽脆，鵝腸都一樣係爽口，總括黎講係非常抵食

.佐敦· 那些年最愛嘅火鍋放題. 大鍋口海鮮火鍋店📍佐敦彌敦道219號莊士倫敦廣場12樓.➰轉眼間已經過完農曆新年，2024年都已經嚟到2月，以前中學時代嘅朋友都已經各有發展，好少再相聚，記得那些年成班細路要多野食，要性價比高，成班同學仔出完街最鐘意圍威喂一齊嚟依間火鍋店打邊爐放題，仲要提早訂位，經常滿座。依幾日放完假，有少少掛住以前回憶嘅味道，特登相約左位朋友重臨舊地，睇下搵唔搵得返回憶嘅味道!.➿火鍋放題 💲228/1 (7點半前入座/9點半後入座💲198)❀麻辣雞煲 ⭐️4.2/5⭐️就座後店員會先上雞煲開開胃，4位以上仲可以揀羊腩煲添，雞件可以無限追加，唔洗擔心唔夠食，嚟到之後開火再炒熱幾分鐘，將雞煲香氣逼哂出黎，非常惹味，仲有一碟安格斯肥牛，肉紋油脂均勻，配上雞煲醬炒熟，份外經典惹味。.❀沙嗲湯底 ⭐️4.1/5⭐️食完雞煲，可以係10款湯底入面揀湯底打邊爐，雙拼就加多💲48，正式進入恰下恰下嘅階段。.➿火鍋配料推薦𖥕手切肥牛 ⭐️4/5⭐️✥鮮蝦滑 ⭐️4.2/5⭐️✥墨魚滑 ⭐️4.2/5⭐️✥手打墨丸 ⭐️4.2/5⭐️✥手打蝦丸 ⭐️4.2/5⭐️𖥕帆立貝 ⭐️4.1/5⭐️✥生猛海蝦 ⭐️4.2/5

好耐冇食過火鍋放題，今晚一於盡情食，這間大鍋口海鮮火鍋店絕對抵食。餐廳空間大，座位闊落，一坐低，服務員即刻拿調味料給我們，細心介紹落單和飲食位置等；先食麻辣雞煲後火鍋任食，每位$228（2小時）麻辣雞煲味道濃郁夠惹味，越煮越麻，雞肉嫩口，十分滋味。雞煲係無限添加，我們再encore多一轉呢😝火鍋湯底有超過十多款選擇，第一次試川芎天麻魚頭湯底，湯頭呈白色，聞落有中藥川芎天麻味。價錢已包一碟安格斯肥牛，雪花紋靚，牛味濃。另外火鍋配料選擇多，我們一口氣點了墨魚滑、鮮蝦滑、雞軟骨滑、生猛海蝦、黑松露水餃、炙燒芝心丸、台灣一口黑椒腸、魚片角、鴨血和皇帝菜等，估唔到上菜速度快，食材新鮮👍

呢排天氣都幾凍,成日都想打邊爐,乜都想食但又唔想太貴,就來呢度食任飲任食既餐。先叫左個雞bowl先,可以無限添加,但我一人就食左一轉,就叫佢換打邊爐湯底比我,叫左個清清地既皮蛋元西湯底,中和下本身濃味既雞bowl。有安格斯牛,好薄,質感唔錯。仲有好多配料選擇,連海鮮都有唔少選擇,海蝦正呀!帶子都唔錯!仲叫左d腸仔同埋生菜,食到超飽。飲品有汽水、茶,好似仲有雪糕部,但我就冇食到雪糕,因已經好飽了。overall抵食!

揀咗頭段時間食火鍋，環境寬敞約埋一班人打邊爐啱晒抵食過散叫，性價比高任飲任食2小時三重奏混醬六款沙茶、乾蒜、蒜蓉、麻醬、香蔥、辣椒（雞煲/羊腩煲）未打邊爐食住雞煲，麻辣香氣雞入味，充滿芫荽，芹菜、花椒嘅香氣惹味又暖胃附送極品肥牛，優質塊塊都有厚度油花分佈均勻，輕輕灼一灼軟腍鮮味火鍋湯底10款更適合老少咸宜揀咗鯊魚骨猴頭菇湯底豐富膠原超足料，好飲清炎無味精火鍋品有成過百款，點幾多食幾多夠新鮮乾淨企理，上菜快…雞子、爆汁牛肉丸、黑松露水餃麻辣鴨血、紅薯粉鵪鶉蛋、豆腐、腐竹、凍豆腐皇帝菜、超甜粟米、秋葵、冬瓜片、娃娃菜🌟推介🌟生猛海蝦、帆立貝牛柏葉、鵝腸、手打四寶丸（墨魚丸、雞軟骨丸、蝦丸、鯪魚丸）🥤飲品方面除咗罐裝飲品更有自家製竹蔗茅根水清熱解渴

大鍋口位於佐敦莊士敦大廈12樓全層可以係佐敦地鐵站寶靈街出口呢間店係2010年開業至今收費每位$228 另計加一服務費價錢包括雞煲，任飲，任食打邊爐雞煲得一種辣度係比較麻既感覺職員說雞煲加熱4分鐘就可以熄火雞肉非常淋食完仲可以無限添加打邊爐我揀左鯊魚骨猴頭菇湯底鯊魚骨鈣質高，湯底越滾越奶白色職員黎一碟極品肥牛＜一次性>極品肥牛花紋靚牛味重餐廳用點心紙落單生猛海蝦彈牙白鱔 非常爽脆魚雲新鮮墨魚滑幼滑的墨魚漿食落仲有墨魚粒非常爽口黑豚肉大片肉質非常嫰滑黑松露水餃大大隻蝦豬肉餡非常香窩荀爽口仲有各款丸類，魚皮餃飲品櫃有汽水，茶，竹蔗水雪櫃夠凍邊食火鍋，邊飲野