影片
食记 (24)
晚上六点系深井行完山肚饿又唔想食烧鹅. 在深井村游左一阵，就拣左呢间, 贪佢够旧。6:15pm: 餐厅不大, 唔够三十个位, 侍应哥哥安排我地两人坐左一张四人台, 时值六时十五分左右6:25pm 要了一份带子牛柳及一份烧羊鞍, 本想叫个蟹酥盒, 点知佢话蟹肉卖晒。6:40pm 来了汤及蒜容包, 蒜容包都几香脆, 罗宋汤很多料, 但稍嫌唔够浓味6:50pm 坐满座, 有人来都唔会派飞或安排搭台7:15pm 上头盘焗田螺及焗青口。有趣是青口用田螺盘上, 田螺用普通碟上。田螺无乜味, 但青口很鲜美肥美7:50PM 上主菜, 传统港式扒房的内容, 但上碟很精致, 很有心机的摆放。带子分量不多, 牛柳真的刚好约七成, 美味; 薯菜的薯仔系刚煎好的, 层皮很脆, 其余红萝白仔西兰花正常羊鞍方面都煮很刚好, 好味, 佢用了较好的薄荷酱, 配埋高文的芥茉很好8:10PM 甜品及餐饮, 正常普通. 但见人食焗苹果酥, 好似好好味咁8:20PM 埋单走人成间舖咁多台客都系等咁耐无分彼此, 亦因为咁无乜人会催单.....看了别人的食评, 这叫慢食, 是法菜特色, 果然无错。食品质素好, 有心思, 侍应服务也很好 但真系要有充足时间才好来
继续阅读
经典旧式港式餐厅, 装修求其, 价钱相宜, 味道普通, 地方清洁, 服务态度就像家一样。 想起中学年代的车站餐厅, 那些年我们一起抄功课的日子; 是90年代香港还未对食有多大要求的街坊扒房, 是种不错回忆。 法国人哽系踞扒喇! 是日就窝打左呢块扒 - 这块扒嘛, 林。 林就是风格, 好像意粉屋或披沙黑的意粉一样, 林就是香港独有的口味。 或者你会觉得扒要别国进口, 脂肪分布平均, 这里什么都没有, 就是一块港式的味道。 调味过多亦是态度, 港式西餐的传统。 不过这里的配菜就连线不上, 因为好吃。 以前港式扒房的配菜是林过林子祥, 西兰花必起黄边, 又或者被染色至水彩状(樱花牌), 这里的奇怪地新鲜, 爽脆, 像妈妈在家抄的菜一样, 可爱。再细心留意下桌上的餐纸, 这种风格再下一城, 完全的攻占我回忆的城池。 法国餐又何来有大大只既中文字做名? 可能后生既会觉得搞笑, 但这种餐厅系时代巨轮不断滚动下真系买少见少, 政府或许是时候要保育一下。
继续阅读
DINNER SET $88 加一蒜蓉包 - 好香脆, 我们三个人, 竟然有一大篮罗宋汤 - 好浓的牛肉和菜味, 难得蜜瓜沙律 - 一般的港式杂果沙律西芹焗猪排饭 - 时晚的白汤系西芹汤, 怀疑汁是thickened的白汤, 而且无乜味道, 但胜在猪排是新鲜整, 够香肉味迷你APPLE PIE - 够热, 好香玉桂味, 夹咖啡一流热咖啡 - 奶好香, 唔会酸, 拍得住UCC试了友人套餐的焗青口, 不错, 有肉汁, 不痴牙, 底下还有薯蓉另外友人说她的西沙有西沙的口感, 无过份的软上菜速度好慢, 店内唯一一位侍应服务几专业, 有耐性!可以的话先订枱, 熟客蛮多的整体来说, 可以一试
继续阅读
lunch食来食去都系茶餐厅,今日就豪d食下西餐....原来大厨/侍应/收银都系同一人, 唉..水柸 ===> 污糟, 水都唔敢饮一啖餐汤 ===> 红汤 ok 例牌货, 白汤 奶水+豆粉水仲要唔落盐, 10个差 x x x x x x x x x x食物 ===> 葡汁石班饭 (色) 得个黄字 (香)全无香味 (味) 淡到似张所有野白烚后放入碗入打个黄色"献"咁, 最奇怪有d椰c洒在面上, 总之碟野唔似煮过亦唔似焗过, 唔知佢想点. ======> 吉列鸡沙律 (色) 以番个样 (香)有炸既香味 (味) 炸鸡香, 肉唔干, 算ok, 沙津有2个, 1个系捞左好大pat好杰酱+d杂果同西芹, 另一个沙律系有2片青爪,2片番茄,一杀西生菜(无松开, 都唔知有无洗过)+千岛酱, 绝对不是罗马生菜.上菜时间 ===> 等足半个钟都未出食物, 要亲自入去厨房摧 (因为门面都无人招呼), 连侍应都无个卫生 ===> 大厨上餐时见到佢只手指上既纹镶黑边(唔系指甲), 食欲急跌总评分: 唔想比负分, 但又真系比唔落分, 所以系 0分
继续阅读
今晚老公既好提议.....由屋企 (荃湾) 行去深井食饭, 于是五点半出发, 行咗一个钟松啲到达, 烧鹅, ciao 都试过, 呢间分数都几高, 于是订了七点....入到去餐厅细细, 约三十几至四十个位, 全餐厅只有两张卡位, 一入去...全餐厅只有这两张没有人, 我们占上其中一席, 舒服且空间感足!看了餐牌, 套餐约 $8x - $13x, 我们选了一个羊鞍套餐 (罗宋汤 + 蒜茸包 + 焗青口 + 餐茶 + 芒果布丁), $118, 另叫了一个香煎银雪鱼, $88, 落单后十分钟来了罗宋汤及包, 前者似足港式餐厅, 料多味浓, 蒜茸包脆脆, 再过了十五分钟来了焗青口, 三只热辣辣, 但做得不太出色, 青口带点韧, 再过了廿分钟前菜未上, 于是我见隔离枱叫了冻朱古力...于是试试, 不过一分钟便来了, 果然朱古力味浓, 唔错, 又再过十分钟....两个主菜终于上了, 羊鞍要求五成熟, 似七成, 不过都几腍, 不足的是...我地都觉得唔够膻味! 银雪鱼煎得不油不腻, 够嫩滑, 配菜有红萝卜仔 + 西兰花, 只略为灼熟, 味道寡, 啱哂我, 配汁唔多, 亦唔突出, 唔太食到咩味! 芒果布丁...太冻, 果肉少少! 原本想叫巨型 souffle...但再等 45 分钟...我想我会打瞌睡, 下次再试吧!这间法式餐厅...食物仍带港式口味, 但慢食精神却似足法国, 侍应只有一名, 但亦有礼, 殷勤及频添水, 相信厨房可能只有一位厨师吧!?
继续阅读