119
60
14
电话号码
35503388
附加资料
无麸质食物
营业时间
实际开放时间,请参与乐园时间表
付款方式
Visa Master 支付宝 现金 八达通 美国运通 银联 微信支付
其他资料
酒精饮料
加一服务费
素食
食记 (222)
不知不觉於第4波疫情後,迪士尼已经重开了3个月。始终疫情未完全受控下,第5波疫情出现既可能性仍然有一定程度既机会,所以以安全既方式前往主题乐园游玩,对於放松心情都系唔错既选择。而迪士尼响应对疫情而采取既措施亦都唔少(不论系员工检测既频率﹑周围都见到既消毒用品﹑员工於游乐设施及餐厅勤力既消毒及清洁),都会令你相信所有触及过既地方都系安全既。作为小小既迪士尼粉丝,於35度既天气入迪士尼游玩真系好热,所以小编与几位朋友们都希望搵到个舒适既环境享用午餐。而大街餐厅(Corner Cafe)因为政府防疫措施而只可提供50%入座率关系,建议大家如果11点前入园既话就先去预约留位(轮到你个阵会收到SMS并有15分钟留枱),否则小编11点留枱而1点左右收到SMS去入座个刻,等候枱数已经去到240张枱的恐怖程度(甚至员工已表示有可能关园前都未有枱提供)。迪士尼而家以15周年为题,推出左一系列既精选食品,而大街餐厅内既纸枱垫亦已经换上15周年既主题! 不过小编星期六入座个刻就未见有相关既宣传(可能太多人既关系),所以就直接於主餐单内搵好野食吧! (详细餐单可参阅食评最底既部分)大街餐厅既甜品一向都系小编及老公既至爱,而$98既价钱相对户外店$40/支雪条或雪糕店$52/杯雪糕筒黎计,呢个价钱有得坐有得食其实好抵。不过时值午饭时间,还是向大街餐厅质素唔错既套餐着手吧! 简单讲套餐介乎$178-$288计算,包括1款5选1前菜(汤/沙律/小食)及1款主菜,如有需要可加$18换购果汁/汽水 (户外店买需要$30以上)。以下就系小编与老公所点既菜色及评价:前菜1 - 蟹肉木瓜沙律:还可以。其实最主要入面有小编唔太喜好既生洋葱,但以蟹肉份量及木瓜清甜味道黎讲,再加上整份沙津既卖相,睇得出厨师有心机去布置及装饰,所以值得加分。前菜2 - 酿鸡翼炸薯丝虾及洋葱圈:抵食。本身配有1只鸡翼﹑1件虾及3件洋葱圈,而且再配有芒果蕃茄及沙律菜作伴菜。鸡翼酿入类似免治鸡肉(有少少芝士香味);而薯丝虾可能之前炸定而稍为腍身;至於洋葱圈刚巧新炸起,所以好香口;配以蕃茄同芒果可以解油腻感。主菜1 - 地中海海鲜意粉 (套餐$218):好味! 海鲜意粉配有2只大虾﹑2只鱿鱼圈﹑2只青口及1块鱼扒。虽然比初次食海鲜意粉计,龙虾汁既浓度相对较淡,但夹起意粉个阵仍然会闻到阵阵既龙虾味,而几款海鲜亦颇新鲜(尤其大虾),食唔到有泥味等等既奇怪味道。而且份量以女仔食黎讲会比较多,建议同男士分享一齐食会比较好。主菜2 - 香煎特级西冷扒 (套餐$288):好味! 本身西冷扒可选配饭/薯条/薯蓉,而小编老公拣左薯蓉之下,好惊喜薯蓉以牛油及忌廉调配,所以口感非常幼滑,同牛扒肉汁及烧汁非常匹配,令人有饱肚感下唔会有单一既味道。而牛扒有坑纹下虽然闻唔到炭烧既味道,但西冷扒质素非常高,既无麻烦既筋脉,肉质亦非常结实,而煮制过程中肉汁亦能锁住於扒内,所以唔会有榎口(粗糙)既感觉。饮品 - 西瓜汁 (加$18):似系鲜榨而加少少糖水既感觉,有机会下次再试个阵问问有冇得走甜先。埋单计扣除朋友既食物,以小编及老公计人均消费连加一大约$280。如果以午餐黎计的确系比较贵,但如果以乐园内其他餐厅(如火箭餐厅既汉堡﹑笑匠欢宴坊既饭类)都要接近$130-$150位推算,大街餐厅都会俾到个舒适而悠闲既环境用餐。而食品亦算高质素情况下,小编都仍然会作为乐园内推介餐厅既前列对象。最新於5月22日摄影既餐单: 继续阅读
等级3 2021-07-06
0 浏览
迪士尼食物质素有好有唔好,但我嚟紧讲嘅依间餐厅嘅tea set真系好唔掂。🥲相信有好多人入迪士尼都系为咗Corner Cafe嗰tea set,我系到呼吁大家唔好做傻事喇😵。依个tea set老实讲系几平,~$200一个人。但嘢食质素真系唔得,靓又真系完全唔靓。啲公仔朱古力牌又整得核突。 重要系如果你唔系1030就去Corner Cafe排佢个tea嘅话,你系根本唔会有机会食到咁滞。🤯啲嘢食质素唔逐样去评论喇,总之真系唔掂。希望大家睇完我讲嘅嘢会谂清楚系咪真系想食啦。😵 继续阅读
(以上食记乃用户个人意见 , 并不代表OpenRice之观点。)
其实本身想去呢间食佢哋个tea set,但是因为佢哋每日只有60个tea set, 迟到的我哋,点抢呀😆我哋咪订咗食晚餐嘅位😂㖒下有啲咩食(心想都应该会好靓)当我哋入到去,都有好多位,仲有佢哋所有嘢都好高级,连纸都唔同普通餐厅😂😂😂佢哋menu有好多嘢,但是全部都好贵(讲咩呀,是迪士尼喎,肯定贵)我地三个人叫咗三样嘢😆,其中一样有前菜就是个前菜都已经好靓😂 嘢食全部都有米奇嘅样,真是好用心🧐呢个是个海鲜拼盘,所有海鲜都炸的🥰佢哋仲用一个贝形状的虾片去装个啲海鲜🦞,整到个气氛好似在海底😂个酱是blueberry yogurt,唔系好好食(好似海鲜同甜品一起食)呢个都好食,连番茄酱都是米奇造型😂😂呢个比较特别,这些三明治有甜有咸的🧐比较细份,上面是Duffy嘅样🥰呢间比较贵🥰但是佢哋比咗好多心机😆啲嘢食都好靓🥰 继续阅读
(以上食记乃用户个人意见 , 并不代表OpenRice之观点。)
谂咗好耐出唔出,谂返起两个人食咗差唔多700蚊又唔饱,愈谂愈唔抵😅⋯呢个价钱只系包一个前菜同主菜,而且用胶碟上台。虽然员工态度好好,但建议大家想食好啲嘅晚餐应该去迪士尼酒店🏨,或者出返市区食————————————————👅香烤大虾及煎牛小排($288)👎🏻谂住拣个最贵嘅主菜实无伏,点知伏过伏地魔⋯ 影到咁close up系惊大家睇唔到,牛小排比三粒麻雀大啲🀄️,要一粒切三啖食,虾肉唔算新鲜,加啲疑似急冻灼返熟嘅蔬菜,睇份量差啲以为薯条系主菜,如果食得饱都系食薯条饱🙂,除咗三点茄汁,无咩迪士尼元素👅烧春鸡及猪肋骨($218)👎🏻烧春鸡大细系正确嘅,谂起细细个睇米奇老鼠一家好穷,圣诞节得一只小鸡槌扮火鸡🥲,我谂我都变左老鼠,猪助骨得三支骨左右,骨多过肉系常识🦴,不过呢份起码望落有啲野嘢食先,味道一般无特别印象👅蟹肉木瓜沙律 配青柠蜜糖汁($43/3只)👎🏻上台以为系厨余/比人食过😂,问一问待应的确系沙律,到底系想行法国菜碟大菜细,定极无诚意之作?水汪汪嘅青木瓜、霉霉地嘅蟹肉、两条沙律菜加两片樱桃萝卜,唔知食咗咩落肚,就系食到成肚火😤👅酿鸡翼炸薯丝虾及洋葱圈🔸 酿鸡翼正常食得落肚,普通小食店水准🍖,同买现成货自己气炸锅炸差唔多👅 特色饮品 (+$28)🔸甜品要额外加钱无叫到,饮品都好似系加$28有一杯特色饮品🍹,普通雪糕可乐一杯————————————————🚩总结:可能系全迪士尼最伏嘅晚餐———————————————— 🌟注意:另有10%服务费————————————————📍 大街餐厅地址:大屿山香港迪士尼乐园美国小镇大街. 继续阅读
(以上食记乃用户个人意见 , 并不代表OpenRice之观点。)
等级4 2021-06-17
607 浏览
依个15周年tea set想试(打卡😎)好耐不过之前撞正限聚解封同复活节真系11点登记都食唔到💦依排少人番终於有机会食一次🌟朱古力脆饼朱古力mousse几浓 唔算太甜 不错🌟蓝莓芝士蛋糕texture介乎日式芝士蛋糕同纽约芝士蛋糕 味道一般🌟柠檬蛋卷柠檬味几出 加埋Minnie造型嘅朱古力牌都唔太甜🌟米奇松饼Bite size松饼 味道正常 系觉得细件左啲冇得大大pat clotted cream挞落去🤣🌟菠菜批菠菜味欠奉🙈酥皮都腍左又唔够酥 麻麻地🌟芒果奶冻以为系芒果味奶冻🤓点知原来系芒果+原味奶冻同想像有少少出入 不过奶冻系好食嘅🌟新牛肉挞又系bite size🤓真心咁细嚿真系要特登舀啲饀出黎先食到少量肉酱味🌟米奇火腿三文治比bite size大少少 味道正常冇特别🌟香芒鲜虾沙律杯有2只虾份量都ok不过下面只有芒果青瓜粒又冇沙律酱/黑醋橄榄油觉得少左啲嘢咁🌟泡菜猪肉包嗰泡菜猪肉刈包系全部野之中最好食😂泡菜唔会太酸太辣 而且比较乾身🌟脆香薯粒鸡条鸡就食唔出 不过当做韩式炸薯条咁食味道不错🌟鲜果挞拼盘唔知点解2人set有3个挞😂嗰忌廉如果唔系人工士多啤梨味就更好🌟Duffy暖心朱古力朱古力意外地好饮 朱古力味超浓但饮完唔会涸喉🌟CookieAnn 乌龙芒芒茶有芒果味之余乌龙茶够晒香浓夏日炎炎真系啱晒-因为等位等到4点半先有得食太肚饿求其影几张相就开餐老实讲去主题乐园食嘢都预左味道正常打卡为主不过真系有少少失望除左饮品同刈包之外其他都系中规中矩另外份量方面有啲奇怪唔明点解二人用但有部分食物唔系每样2件🧐特别系嗰scone已经系bite size都系得1件然後嗰鲜果挞又不明所以地有3件😅试完呢次打过卡 应该都唔会再试呢个set等佢出新嘅先再打卡🤓 继续阅读
(以上食记乃用户个人意见 , 并不代表OpenRice之观点。)