影片
港铁朗屏站 E 出口, 步行约11分钟
继续阅读
电话号码
24743663
开饭介绍
以售卖传统原盅蒸饭为主，招牌菜有凤爪排骨饭、咸鱼肉片饭等，白饭配上甜豉油和肉汁香气四溢，非常吸引。
继续阅读
营业时间
今日营业
08:30 - 15:00
星期一至日
08:30 - 15:00
以上资料只供参考，请与餐厅确认详情
相关文章
老老实实讲，如果唔系地胆老友推介，真系唔会黎呢一度，就算黎呢一度都唔会行入黎，就算行入黎都唔会帮衬呢一间，因为个地方真系有D恶劣。不过坐喺度一路食一路见到好多人Keep住帮衬，主要系外卖为主，有D客仲堂食完仲会叫外卖，原因只有一个，就系佢D蒸饭真系非常出色。呢个系排骨饭，差唔多8成人都食呢一个，先讲D排骨，竟然无乜肥肉，真系难得，因为多脂肪嘅排骨价钱系平D，所以出面好多地方都会用肥排骨，另外佢D饭都好好食，真系做到软硬适中，同埋佢个豉油都几香，夹夹埋埋就成为咗一碗好正嘅排骨饭。另一碗我就叫了腊味饭，佢嘅腊味饭系只有腊肠同腊肉，两样又系好难得地瘦，似乎呢间舖头嘅主事人对D用料都有D要求。味道唔错，真系真正地道嘅风味。
继续阅读
尼到呢间环境卫生 比较差...但系系呢到排骨梅菜饭真系值得一试...佢嘅排骨好入味...每次叫呢个饭都一定要多汁...如果唔钟意个地方可以拎外卖回家食试难忙..仲要加半只咸蛋仲好食
继续阅读
做人最紧要就系饮水思源，可能好多人都会觉得冬菇亭呢啲地方系好污糟，卫生意识好差，但系无可否认呢个就系我哋长大嘅地方。你可能会觉得系佢哋追唔上进度步， 但系我觉得咁样先系保留香港最真诚最原始嘅味道。坦白讲，我就觉得个卫生好好，起码条街我都觉得系好干净。凤爪排骨饭呢个饭系小弟食过最好食嘅饭。第一，整个饭粒粒分明，唔会似出面一啲over cook嘅饭一样，煮到糊哂。第二，整个饭嘅饭香都好充足，排骨嘅油亦都充分俾啲饭吸收，好香。第三，排骨系选用新鲜排骨，肉味足够亦都好干净。坦白讲，有冇用松肉粉我唔知道，但系我觉得个软淋程度岩岩好。钟意食中式蒸饭嘅朋友，不妨去试一试。
继续阅读
我买肉片饭外卖的时候,见到负责收银、抹枱、包外卖𠮶个姐姐接左事头婆装好饭系个𠮶外卖盒,佢成只手指公插咗落去啲饭边度,佢系带住手套嘅,当时我呆咗外跟住同佢讲,咁样唔系咁好,因为佢虽然带手套,但系佢又收钱,又抹枱,点知入面个事头婆即刻出嚟维护佢,同我讲我哋不嬲都系咁样,我知哩间食店系元朗好耐,但咁样始终系唔卫生,我费事同佢嘈,其实而家咁嘅疫情,大家嘅卫生意识系咪要提高D呢,最后我畀咗钱但系饭我掉咗,以后不会再帮衬。
继续阅读
大良泗记，无错，就是吃蒸饭的那一间。每每有朋友来到元朗，笔者必然推荐，吃的不止是味道，还有人情味。泗记是家族经营，他们的老爸早年已经荣休，由儿子接棒，其它维持原班人马；而我则是接我妈的棒，她从小已跟我婆婆去光顾，可谓一代接一代。从来我来这店只点肉片饭。他们的做法是把蒸好的肉片放碗底，盖一个蒸饭在上，浇点甜豉油。外表看似平平无奇，舀了一匙饭入口，你才会发觉与平时吃的饭不是同一个档次：入口甘香软熟而不黏口，依稀有点弹性，细嚼以后米的天然香甜味慢慢渗出来，朴实无华，显然是上等香米；水份拿捏得好，以致米饭不削不糊，保持弹性；蒸的时间也十分准确，不会蒸过火，靠的是经验；混上带猪油的肉汁及甜豉油，真可谓凡人的极品。夹一块肉片尝尝，很滑但很实，肉汁虽在蒸的过程中跑了不少出来，但仍有少许在肉内——是新鲜猪肉，腌料不多，大概只放了少许生粉、盐、糖、酒，老抽这等装饰品一点也没有。时代变迁，味道不变。我欣赏这家人的坚持，经营成本上升，百物腾贵，他们宁愿赚少一点，仍然选用靓米。虽然价钱在几年间的确上调了，但我深信加价的幅度根本不足与成本上升看齐。希望他们继续坚持下去，保留香港仅存的味道。你吃到的是蒸饭，我吃到的是传承。
继续阅读