影片
招牌菜
很想去食合桃露，芝麻糊，就去了试下啦！点知出事合桃露望落去就麻麻地，一口食就想呕，原因完全无合桃味，口感好像一很“结”挞挞。最后我无食了。芝麻糊，外观可以，但应该系用粉开出黎！！很甜，无乜芝麻味。。唉 最后全部食了一口。真浪费，但不是我，是此店的老板。我和朋友坐了几分钟就比钱走，老板看看我们枱面还剩甘多也不问半句。有钱收就可以吗？食物质素不重要？？ 真不知所谓！！！！
继续阅读
从尖沙咀走到佐敦，甜品店，糖水店也有好几间，但一心想吃一碗中式甜品，来到大良八记，一看餐牌，就发现了传统甜品店也转型了，餐牌上还可以找到刨冰，榴梿系列的甜品，更甚连炒滑蛋配多士也有提供呢。转型也不是坏事，只希望改变并没有令传统甜品的质素下降呢。麦米粥送来了，颜色偏淡，甜度适中，小时候也很喜欢妈妈煲的麦米粥呢，但用料方面好像没之前的足料，价钱亦胀价到$17了。在香港要找一间传统甜品店真的越来越难了。
继续阅读
前几日，同老婆去左佐敦行街，行到好热，老婆话想食甜品，咁就入左大良八记到食。一行入去，见冇咩人就揾位坐啦，坐都末坐好，餐牌都末拎起黎睇，咁就有个牙姐企左过黎问我地食咩，我话等等先，佢就系咁企系我同我老婆之间企左系到，又唔行开俾我地谂下食咩好，咁之后个牙姐就系咁问我地要食D咩，好似吹命鬼咁赶我地走，想赶我地走咪出声啰，我地最多咪揾个第间食，唔洗咁呀，最后就叫左两碗糖水黎食…冻合桃糊︰唔算话太甜，多返D合桃味就更加好，总算唔错。热芝麻糊︰好好食，唔系好甜，好够芝麻香味。果时可能太早，唔系好多人黎食甜品，我地食左几个字，见个牙姐静就系咁坐系到，一有客黎就好似吹命鬼咁落单，最离谱系见到有一个客入黎坐底食野，行都唔行过去，坐系到问个客食咩落单，果时仲要隔住几张桌子，我老婆就话，哗…咁既服务都有既，个牙姐洗唔洗咁懒呀，起身都唔起身落单，都唔知系咪返工既，换转我系果个客，我就第一时间一定走去揾过第间食，又唔系得你一间甜品店。晚上返左屋企，我老婆就打左去投诉个牙姐既服务，当时有位男仔接我老婆︰我想揾你老板店舖男仔︰小姐，老板唔系到，我系E到既当值经理，有咩帮到你呢我老婆︰讲返今日果位牙姐既服务出黎投诉店舖经理︰小姐，真系唔好意思呀，系我地位同事做错左，我在此向你致歉我老婆︰都唔系你既错，唔需要你向我致歉店舖经理︰我下属做错事，作为上司都有责任，系咁Say Sorry…我地公司会正视返E位同事既服务问题我老婆︰系至好，换转系边个都好，个个都一定唔会Like咁既服务啰，想生意好多D人黎食既唔该你教返好你果位员工啦店舖经理︰系既系既，真系好抱歉，唔好意思，下次再黎食野一定唔会再有咁既事情发生，仲有冇野帮到你呢我老婆︰冇啦，系咁啦店舖经理︰小姐，最后再一次向你致歉，多谢你既电话
继续阅读
本黎谂住去澳洲牛奶公司食晚饭，点知去到先发现逢星期四休息，行过ｄ就见到间大良八记，又有牛奶餐食～点左每人一份，点知．．．一黎黎左份意粉．．．无咩汤，差烧唔知咩味好似唔熟...意粉好硬．．．食左一半就无食了．．．所谓的牛奶蛋．．．有好多碎蛋壳．．．唯一火腿同多士好少少．．．．豆浆都好少少．．．．
继续阅读
衣日我同男朋友去左庙街食煲仔饭,但唔系咁饱,所以我地就谂住行一阵之后再去食糖水! 点知我地一街就行哂成条庙街行到去佐敦=,= 好累...男朋友佢之前都系衣头番工,所以都知边到有糖水食,我上次已经去左义顺牛奶公司食,唔想咁快又食多次,同想食啲中式甜品暖下个胃无咁冻!!!于是佢带左我黎衣间大良八记食.入去到我笑左一下,因为啲枱同登都好细,我地又著得多衫...哈哈!我每次食中式甜品主要都系食黑芝麻糊,因为养颜同健康丫麻,个人又觉得好味道! 而我男朋友都系衣旧要左冻绿豆沙,系佢最爱我中式甜品,但天气咁冻仲要叫冻嘅=,= 黑芝麻糊 : 一见到佢真系糊..好杰,好似好浓! 我之前食其他甜品店嘅黑芝麻糊系浓到咁, 今次真系令我好有兴趣立即食一啖!果然..好杰,同浓烈中带小小甘味,不错呀! 我现在还想起佢嘅口感,想食多碗呢! 冻绿豆沙 : 男朋友钟意佢清甜带海带嘅绿豆沙味! 要冻嘅口感系因为会有种透心凉嘅感觉, 佢话好正=.= 我见到佢糖水同豆沙容系分开, 自己张佢搅拌了几下再食, 我都试了一口, 海带味比较重,但还可以的!
继续阅读