大興餐廳 (第尾牛扒)

营业中

休息中

細細個經常嚟食鐵扒餐，聽到「喳」一聲已經食指大動🤤大個咗識食嘅嘢多咗好咗，但偶爾都會想食依啲港式傳統鐵板餐🍽️見到熱辣辣嘅鐵板上令到啲醬汁彈嚟彈去，飄出嚟個陣香氣依舊令人有食慾😌✴️餐湯&餐包✴️基本款紅湯白湯♨️紅湯嘅菜算係多，不過飲落較甜，缺少咗酸味同辣味～午市餐包要加$10/個，size大概係手心再細啲，份量嚟講少貴💸不過餐包上枱熱辣辣，都幾軟熟，再者飲湯係一定要食餐包的😆✴️鐵板西冷牛扒（黑椒汁）✴️喺廚房已經淋咗汁，好彩上枱時依然有喳喳聲💥牛扒預設咗7成熟，肉質幾腍但牛味欠奉，始終午市套餐嘅牛扒都唔會點高質法，所以都難以奢求太多🙈

這份西冷牛扒餐絕對係一道美味絕佳的佳餚！無論是生熟程度還是口感都處於完美的平衡狀態。牛扒經過恰到好處的烹調，保持了適中的嫩度，不僅肉味濃郁，而且口感不會太過硬。此外，份量十分足夠，一個大男人食都分分鐘食唔曬，所以呢份牛扒餐每一啖都能讓你盡情享受到牛肉的美味。除咗鐵板餐之外，佢亦都有其他午餐，包括焗飯炒意粉等。晏d 去仲可以試佢下午茶今次就叫咗個牛肉炒意粉嘅下午茶，牛肉經過佢熊熊烈火嘅鐵鑊炒過之後，仍然唔會熟嗰頭配合埋軟硬適中嘅意粉，兩者互相配合十分之出色，今次略嫌師傅手勢重咗，味道有一啲濃，要飲多兩啖水。

昨晚一家想再試一下好耐都未試過的第尾牛扒，上去竟要排隊，不過等了數分鐘亦可進場，叫了雞扒天使麵及肉眼扒，味道不錯！4歲小朋友都話好尾，把食物吃！但對於埋單侍應告訴我要自己清走垃圾，要一個四歲的小朋友拿住垃圾去尋找餐廳垃圾埇抛棄，是一生人第一次！回家人人肚痛去足一晚厠所，食物亦一試難忘，第尾牛扒名不虚傳！正！

早兩日咁啱經過太子，一條友上咗去食，香港呢啲咁嘅環境買少見少啦，好老實呢度好多回憶，好多細個嘅回憶，今次再上去，都係叫咗肉眼牛扒，感覺同以前一樣份量超大，非常抵食

同朋友按摩過嚟鋸扒😁本身朋友都話呢間好好食，同埋有懷舊氣息你都果然真係 仲要八點幾嚟到都係包場 閒日😅好彩我哋入去仲有位我就叫雜扒餐 兩個朋友就叫肉眼扒 其實份量好足夠 本身以為冇跟飯或者意粉會唔夠飽 但係原來淨係食肉個份量已經塞滿左個胃🤣🤣同埋都有跟餐湯套餐包 我就飲忌廉湯 正正常常ok 朋友飲羅宋湯好似香過我個湯🤣🤣整體都唔錯 有機會帶阿爸阿媽嚟食 有返啲重拾90年代嘅細細個佢地帶我鋸扒嘅感覺😋😋😋😋😋

食番我的至愛 - 鐵板牛柳啦!! 黑椒汁辣辣地好好味....牛柳7成熟，夠稔，唔會老.羅宋湯都唔錯、好有味，可惜餐包唔熱，如果熱d 會再好味d.....不過唔使$100的鐵板餐算係咁啦.....

🥩🥩🥩懷舊扒房係香港愈黎愈少，餐廳價錢相宜而且講得上扒房之中既速食，加埋一每人平均$120食到鐵板晚餐、加埋有餐湯、牛油餐包、飲品，價錢的確相宜裝修、環境、衛生，就真係好懷舊，對味道環境講究既朋友就未必乎合要求，或者要再三考量鐵板肉眼牛扒($109) & 鐵板西冷牛扒($109)兩份都係七成配蒜蓉汁，肉眼肉質較西冷淋身，如果講究既話就應該用左梳打粉去醃製，西冷比較有肉味，兩份牛扒味道唔算好咸，有配菜三色豆同薯條，因為薯條要黎墊住扒，所以沾唔到汁就有一半薯條濃左食唔到👎🏻👎🏻👎🏻汁預先淋上鐵板，所以少汁既朋友係order時要留意

周日同屋企人食午餐，3個人無位要等一陣，跟隨有5位即有位坐，問點解人地遲來返而有位，個侍應好惡咁話要抹枱先放入去！喂，問句了解下啫駛唔駛咁態度？！Order佐個午餐咖哩豬排火腿飯，咖啡汁水希希又咸，根本就係一碗黃色鹽水，完全無咖哩味，衰過食雙餸飯，食完要狂飲水。侍應禮貌超差，唔係一個而係所有都係咁，來餐大大力撻係張枱度就走佐去，態度惡劣情度同澳牛差不多，追佢飲品又悔氣唔憂做咁。仲要收加一服務費，畀錢受氣無下次！

又到木魚花盛開的日子，今天終於可以去界限街影木魚花x教堂crossover, 本來只打算幾張起跳，沒料愈影愈多，愈影愈耐，不停發現新構圖和新target, 就這樣轉眼就天黑又到晚餐時間.我們有半小時磨蹭著要否放棄晚餐回家拿長鏡去元朗追月，最後考慮到雲量還是投降了，原本找了一間漢堡飽店，可惜只有外賣，於是在openrice 找找看有否bookmark到太子餐廳的，就想起了很久前就想吃第尾，這是起源於我曾在社交平台看到有人說它性價比很高.餐廳要上一樓，一上去嚇了一跳，長長的人龍沿著樓梯排著，我心想朋友肯定要嚷著走，不用30秒看到他想發脾氣😆😆我就說先排著再找其他餐廳看看，沒料人龍keep著向前move, 不到15-20分鐘就入座了.就是懷舊格調羅宋湯好飲，餐包好硬好難食，我期望是軟線線的餐包耶.扒類要7成，西冷扒感覺只有5成，但鐵板很熱燙一下就熟了，肉眼扒就7成，扒ok, 很大份，這樣的價錢真的很抵，侍應動作都很快.我走了的時候遺下了小袋子，侍應都有幫我留起，很感激😍

突然想食又平又正嘅牛扒，咁你就要黎第尾牛扒試吓啦！ 多年老字號，連疫情咁嚴峻嘅情況底下，直到今時今日都依然屹立不倒，就知佢咩料啦 🤪叫咗一份西冷牛扒同一份肉眼牛扒送餐湯餐飲同餐包鐵板牛扒，好味又夠晒氣氛 🤣喺你面前'咋咋'聲 🤭餐湯叫咗羅宋湯，辣辣地，幾足料餐包略嫌唔夠熱餐飲我就叫咗凍檸茶朋友叫咗雜果賓治，最欣賞嘅就係個雜果賓治冇藥水味 (有d餐廳整出嚟嘅雜果賓治係有浸藥水味🙊） 😎以呢個價格來講，我覺得係90分差果10分係俾佢有進步嘅空間 🤭兩人份量連埋單加埋，都只係約260HKD總對係平靚正之選 👍🏻

香港有幾間著名多年歷史平民扒房，位於太子既第尾係其中一間，不過亦因為有多年歷史，而又無裝修或修輯，店舖比較舊同燈光比較暗，令人覺得衛生程度要扣分，呢點我覺得一定要改善！至於食物方面，唔使講都知肉係用左梳打粉整冧咗，亦唔可以同其他外國或西餐廳扒房牛扒相比，要貨就價，睇吓自己比左幾多錢食反d咩食材，咁以呢個價錢我就覺得絕對配得上，唔會覺得唔抵比或者食完一肚怨氣。鐵板熱辣辣由廚房拎出黎到放上枱仲係滾，仲係要拎住張紙巾等叔叔斟汁，好有feel

男友話聽同事講呢間牛扒都唔錯咁星期6無咩野做就揸車出去食泊左係旺角新世紀，諗住食完再返去行街旺角行過去又唔遠，可以當作飯前飯後微微消化一去到就見到有人龍沿住樓梯向上排仲同男友講話實有排等，點知又出奇地好快就入座入座後發現應該係D食客都係食完就走始終呢類舊式餐廳唔係for你坐低傾計食幾粒鐘一入去就覺得係舊式餐廳既feel，勁似好多年前去食花園一樣同樣都係牛扒，又係差唔多既格局呢類唔會係好舒服果種餐廳，亦唔好諗住係食服務咁黎到就梗係食牛扒啦，同男友一人叫左一個SET DINNER一個西冷一個肉眼，諗住share試哂2款餐包餐湯都係果D，無話特別驚喜其實見到Fruit punch，但最後都係覺得紅豆冰開心D叫左一杯奶茶，但味道偏甜，另一杯紅豆冰，但攪混都係得淡淡既椰奶味主菜黎到係好大碟，原來咁大碟鐵板西冷跟左蒜蓉汁，西冷扒口感淋D嫩D鐵板肉眼跟左黑椒汁，牛既味道重D整體都叫合格，呢類餐廳唔會要求好高雖然扒都唔係想像中咁好味，不過以呢個價錢黎講都還可接受

明明我要五成熟，每次嚟到都係咁嘅，落到枱已經係九成熟，係咪真係要我同你講換咗塊扒你先開心呢？呢件咁嘅事已經發生過好多次，而家啲黑椒汁又冇黑椒味，越做越衰，冇心做就唔好做啦不如

上次食呢間餐廳已經差唔多係一年前可能太耐冇食過覺得特別有風味香港傳統豉油西餐餐廳佈局充滿80年代感覺咁多年都無變過枱同地下都係充滿油油嘅質感員工仲係著住白恤衫帶住黑煲呔餐湯係一個充滿麵粉水嘅忌廉湯公道講句牛扒質素一定係差係用梳打粉醃到鬆晒既牛肉完全無乜肉味食唔到肉既紋理但係嚟得呢度主要係食佢個情懷最鍾意係用鐵板上熱辣辣吱吱聲同豉油西餐經典嘅黑椒汁雖然食完真係會好口渴但係間唔中回味下的確係一個好好嘅選擇

想係呢間食，一定要早排隊，一係就早啲6點左右就嚟食，遲左就要排隊，條隊都幾長吓不過好彩入面都幾多位，條隊都去得快，等左15分鐘就入到去，啲位都叫闊落。今次叫左鐵板牛柳，因為朋友推薦。叫左黑椒汁7成熟，質素無失望，都係咁靚，上到枱係勁熱，肉質較嫩，熟度係岩岩好7成，份量夠一個成年人食，對得住個價錢。除左牛扒，佢個餐仲包左餐湯同湯包仲有野飲。先講個湯，今次試下紅湯，驚喜位係個湯入面真係有肉同菜，仲要有唔少，相信係真材實料唔似出面係溝出嚟嘅，野飲就正正常常，建議少甜，果日正常甜度都幾甜下，應該重手左。總括而言，性價比高，絕對有下次👍如果去食就要禁定錢出嚟，因為果到淨係收現金。