影片
前几日去咗观塘骆驼漆一间隐世小店——大碗熊猫，专卖台式食品。买完之后可以去隔壁舖上楼上嘅food court，环境舒适有冷气，枱凳干净企理，非常适合慢慢享受美食。 最推介嘅一定系佢嘅手抓饼！😍 我试咗盐酥鸡手抓饼（$42），份量超大，够两个女生share食。内馅丰富，一咬即爆馅，手抓饼烘得脆卜卜，加埋咸香芝士、松脆肉松同盐酥鸡，味道层次一流，真系冇得输！🤤 另外，我哋仲试咗$68嘅套餐，包括小食、煮食同饮品，仲可以加$2要糖水。小食推介花枝丸口感弹牙，配搭酸辣酱，真系一流！主食方面，我哋叫咗经典卤水全家福，有卤水鸡翼、猪软骨、腐皮、牛丸、鸡蛋同台湾肠，材料非常足料，卤得入味，令人回味。🥢 饮品拣咗百香果青桔水，清甜解渴，果味纯正，夏天饮返杯真系透心凉！🍹 整体而言，大碗熊猫嘅食物质素高，价钱合理，环境又舒服，绝对值得一试！👍
继续阅读