影片
营业时间
今日营业
07:00 - 20:30
星期一至日
07:00 - 20:30
以上资料只供参考，请与餐厅确认详情
本人今天经过此店（鸭脷洲大街分店）见到门面挂住好多烧味，油鸡卖相唔错，便打算买只油鸡回家加𩠌，付钱后，打算打量一下挂著嘅油鸡边只好，点知，斩料师傅已经马上弯下腰，从侧边柜桶取出一只细小而又没光彩嘅油鸡，举刀便斩下去，叫他都唔彩兼当听唔到，真的令人感到非常失望和气忿，今时今日仲话港人唔留港消费，但咁样嘅生意手法，真的唔会再有下次帮衬的可能了，回家后，先至发觉盒鸡好少，兼且无味，真的令人失望至极，这间店舖门口挂著的烧味，可能大部份都系道具鸡而已，各位要小心，不要被骗呀！
继续阅读
叉烧油鸡双拼饭，十分唔满意。豉油鸡只有鸡翼尖，鸡骨以及鸡屎忽，几乎无肉。叉烧好柴，唔好食。越做越差。一唔留意就比拉圾部位，无法进食。以前有帮衬开，唔会再帮衬，哈哈
继续阅读
肥到食唔到，斩𠮶位人员晤识分每碟都一啲好一啲晤好咩？求其斩俾你就算，冇一嚿可以食到，$60一碟饭只系食咗饭，员工态度OK，系有一个大陆女人无穿制服，喺度大大声讲嘢
继续阅读
黎开鸭脷洲探长辈，知佢钟意食烧鸭同烧鹅，谂住买半只烧鸭同半只烧鹅去探佢。上网见佢附近有间个名咁霸气嘅就帮衬啦，点知濑晒野。当日闲日下午4点去，当时一啲都唔繁忙，写单阿姐好悠闲食住野同斩料师傅倾紧偈。我先话买半只烧鸭，尾音都未完就一野闸落黎话卖晒。我跟住就话我要半只烧鹅，又系尾音未讲完就即刻出埋单。我仲要买多半条红肠又要麻烦到呢位阿姐再落单，我好似争佢钱咁。我心谂，写单阿姐都咁有性格，果然真系大爷，今时今日市道，我唔系食特价下午茶又唔系买例牌，买半条红肠都$39啦，我对佢啲烧鹅满心期待。长辈同样都好雀跃，知我带咗烧鹅上佢度。晚饭时一打开，长辈发现无鹅头同鹅颈！佢好悭，好耐都唔舍得买鹅食；我亦未试过买成只半只鹅。我以前买半只点都会跟半只头半只颈，势估唔到无，可能我唔识野啦，佢好心知我唔食所以唔俾我。但原来长辈讲起佢好钟意食，而且鹅头鹅颈好好食㖞(我就真系唔识欣赏)唔计呢样尴尬野，我买半只鹅我无预到佢会扣起，而且脾位好似唔见咗啲肉。碍于作客，我无即时打返去问，唔想破坏食饭气氛。讲返食物，红肠$39/半条，味道正常，抵唔抵就见仁见智。而鹅肉就完全无油香，皮韧，好柴。我其实都唔识分到底系鸭定鹅。但脾肉同下面肥肉啲肉色唔同。一边系灰色，另一边系带啡红色。都已经唔系钱嘅问题。原本都无谂住写咁大篇野，只系谂住俾人揾咗一次笨就算，最多下次探佢时唔再喺度买。点知今日同长辈讲开电话我知佢食完烧鹅果晚疴咗5次！我都好唔好意思讲，其实果晚我都疴咗2次，成晚个肚搅搅。我后生疴吓脚软就无所谓，谂住斩料俾长辈食，点知大家都疴，唉。
继续阅读
今日去左鸭脷洲图书馆还书，还完书顺手买个外卖返屋企填下肚行前少少见到有间烧味劲多人买外卖，应该系做街坊客生意望下个餐牌，$35双拼烧味，呢个年头去边度揾加饮品或例汤都只不过系加$5，真系好抵食烧味双拼饭$35叫左两盒双拼饭，分别系叉烧油鸡饭同烧肉切鸡饭叉烧可能因为叫左瘦叉，所以肉质偏柴同干身油鸡几滑又多肉，系好食ge 虽然只系三十几蚊一个饭，但系叉烧同油鸡都分别有成五、六块，绝对够食另外叫的切鸡烧腩饭，屋企人都话好食
继续阅读