大爺燒鵝 (田灣街)

是日到訪田灣，沿途飄來陣陣燒味香味，發現原來有間燒味店下午茶價錢非常親民，賣相亦唔差，決定來個快閃下午茶。叉燒湯米線小妹選了瘦叉燒，叉燒一點都唔乾身，肉嫩燒鴨湯河粉燒鴨皮脆肉香，色澤誘人餐廳座位唔多，比較狹窄，勝在食物味道整體不錯。…查看更多

準時2:00就開始供應的下午茶餐，而且水準十分穩定！👍食物方面🥘：$40就可以叉燒燒鵝雙拼（我鐘意食米線），仲有一杯熱飲送，更重要的當然是叉燒和燒鵝都好有水準，如果雙拼唔需要食燒鵝，$35就搞掂，仲有咩可以挑剔的？🤷‍♂️服務方面👫： 親切有禮貌又有笑容😊 連貼了在牆上面，拼坐時（對顧客）的小小要求，都寫得好有禮貌😂👍👍👍環境方面🏠： 店面的確是有一點小，但坐位完全可以接受👌👌👌…查看更多

今日喺田灣附近做嘢朋友話呢間燒味舖好好食一個星期食咗幾次咁我哋就試吓佢啦味道嚟講我覺得OK如果再嚟開呢頭又想食燒味飯嘅會encore嘅啲湯都好飲嘅👍同埋我覺得呢個係有受廚師尊重嘅燒味飯🤣放得好整齊 睇到心情都覺得幾好點讚救…查看更多

早餐和下午茶餐只有燒肉和燻蹄會分碟上枱，其他的燒鵝，燒鴨，切雞，油雞，义燒全部都只會放在湯粉麵碗內，問左2個職員都說，如果要另外碟上，不放在湯碗內要收正價。燒鵝，燒鴨浸在湯內是嘥料，肉汁會走晒落湯底，皮會浸到唔好食。今早去食早餐，有個戴眼鏡，啡色頭髮，札頭髮的女仔幫我落單，態度好差，我講完食什麽，她立即說，咁你飲乜呀。除了這個女仔其他的店員都好nice。…查看更多

我昨晚叫咗個鵝髀飯，點知來是一個鴨髀飯，我估唔到俾成舊水食個鴨髀飯仲要俾人偷咗啲，之前我係南區另一間分店買半隻燒鵝，同一樣俾人偷咗，我都唔知這間食肆如何經營，我俾成二百蚊，眼白白俾人偷嘢…查看更多

質素每況越下。收正價但比啲野係下欄嘢。叫瘦叉畀埋啲肥肉。有冇搞錯。打電話去投訴。員工就話啲特價嘢係噉個喎。已經儘量滿足你哋。跟住我話。我係畀正價。價錢係同區已經算中高價。但食物的質素真的很差。又話大品牌會好啲。結果落單寫到明係瘦叉燒。全部畀曬啲肥肉我。根本一啲肉都冇。點食呀大佬。仲要員工咁嘅態度。真係好差。初初開鋪好好嘅。但係就越做越差。以後都唔再幫襯。你估畀啲雞頭雞尾雞頸。就話係叫雞飯啊。俾曬啲肥肉人哋又叫做叉燒飯啊。畀啲heart 啊唔該。…查看更多

今天高掛八號風球，到下午三時已經平靜下來，於是落樓下看看田灣有否食肆開門。大爺燒鵝店有開，入去買下午茶，叉燒河粉和燒肉河粉，加配餐奶茶，堂食三十元，外賣加ニ元。外賣勝在湯和燒味分開放，不致浸淋燒肉、叉燒影響口感！最靚叉燒，雖然不是半肥瘦，但絕不柴皮，而是軟稔有濃郁的叉燒味，數量不少，有七丶八件，全部都大大件。相較其它連鎖店多一倍份量，認真抵食！燒肉也夠份量和皮脆。可惜奶茶水準差，茶苦奶少認真麻麻。…查看更多

服務態度差，食物水準差，想貼錢買難受，想受氣，記得要去試吓，第一次去買燒味，就係得到咁嘅體驗，真係多謝晒佢哋用咁嘅服務態度招待街坊。大家用腳投票就會令到一啲唔應該存在嘅食肆自動消失。…查看更多

大爺燒鵝來到田灣開分店，同香港仔一樣，長期有人喺門口等外賣。我由於住附近，已多次幫襯。主因是田灣無嘢好食，小店無乜特別好食，連鎖店又一間都無，所以大爺受歡迎是可以理解的。我多數是食下午茶，除了燒鵝貴5蚊外，其餘湯麵河賴全都是三十大元，好大碗，夠飽肚，燒味份量足夠，湯底也很濃味，還送熱飲，價錢的確親民。不過以燒鵝為招牌的燒鵝比較瘦、乾和硬；鵝皮也不特別好，好多時一碗粉只有一片鵝皮是合格的，食咗幾次都係咁，非常失望。叉燒和燒肉好些。試過幾次後我已轉為食叉燒或燒肉了。…查看更多