大熊在吃 (已結業)

碗湯竟然有蟑螂🪳🤦🏻‍♀️老實講沙嗲牛烏冬（轉蕃茄雜菜湯🍅）配吉列魚沙律味道唔錯，吉列魚脆口，係冇配沙律醬，略dry😣沙律竟然放埋蘋果🍎同雪梨🍐幾有心機沙嗲牛肉🥩唔柴，幾重沙嗲味，蕃茄湯🥫就唔太濃，但都有啲蕃茄味🤓烏冬就偏軟身，唔較彈牙🍜但食完碗烏冬先發現個湯有蟑螂🪳，即時想嘔🤢🤮我真係接受唔到啊，無論佢幾好食都好，點可以有蟑螂🪳㗎？😡🤯真係好嬲，唔會再幫襯佢🤬

2021.5.2 （日）$49胡椒豬肚「雞」米線 +熱奶茶未入此店，我無睇食評。食飽先睇返，原來我都好好彩。之前食客之所遇，我今天都見到，派錯餐比另一食客，人地食左，原本既客人3番4次問先至補返。所以聊天的服務員可以細心小小，香港地服務第1，品質可以第2。但係對待我既態度係ok既。至於餐單係複雜，無特色＜可能全部都係特色＞所以可以食幾次。講返胡椒豬肚雞米線，要讚＜雞件好滑＞ ; 胡椒豬肚湯味道剛好，鹹菜和豬肚夠淋＜我怕食到牙痛＞，有幾粒黃豆。至於熱奶茶，夠味

今日2:30 諗住去食午餐，叫左個呢寶紫菜魚湯米線，等咗一陣嚟咗，望一望，我以覺得中伏，以為自己叫緊下午茶，明明是午餐$46蚊。 向老闆反映左意見之後，佢肯俾我改，最終叫咗生炸雞髀做下午茶。雞髀不錯，還可以。 有機會要試吓呢度其他茶餐廳

第一次黎食就一肚火經過見OpenRice 有幾個好評諗住試下餐廳唔大 所以就咁用隔板隔住前同後既食客都係一板之隔叫左2樣野食 一個栗米豬扒腸仔一個雞翼奄列湯粉栗米豬扒腸仔係正常茶餐廳味 不過不失雞翼奄列佢出餐果時佢放錯左係隔離檯 人地用叉吉左下先發現黎錯野叫佢收返入去廚房再做過過左一陣拎返同一碟出黎 你冇睇錯係同一碟拮過既叉印仲係上面疫情期間你拎人地掂過既野食繼續用？唔係疫情都唔應該啦 係咪呀？個阿姐仲要扮晒唔關佢地事大大聲同廚房講係我地取消呢間野真係冇下次呀！

又係周圍搵早餐食既時間🤩🤩🤩🤩🤩🤩, 呢一間大熊在吃 Big Bear Restaurant 平時係公司食LUNCH會食佢既藥膳湯飯!好好食嫁!🥰🥰🥰🥰好足料今日就黎試下佢個早餐, 絕對係食肉獸既天堂😍😍😍, 因為你可以叩佢既豬排同雞翼做早餐!!!!(必食)因為佢既味道超好又熱辣辣😍😍😍

我唔知係唔係我叫外賣原因我叫左個霸王雞米線一打開大約有六件雞但認真一睇有兩件係雞頸四件係背脊成餐飯就好似食骨咁另外我老公叫左個胡椒豬肚雞湯飯好神奇個湯一啲胡椒味都冇但好辣仲有不得不提佢杯特飲加差不多廿蚊咩芒果椰汁特飲我真係冇諗過底層係一層芒果味糖漿加啲稀到唔稀既椰汁

我會否再來光顧？恐怕不了，不是餐館食物難食，而是毫無主體性，做得不倫不類。餐牌猶如一個大雜燴，將所有東西共治一爐，明白經營者心態希望把最好最多一面呈現於顧客，但忽略了菜種需要一致性。很難想像餐館可以同時供應瑞士汁豬手、日本稻庭烏冬、胡椒豬肚雞湯、更難頂再送來一碟什果沙律。媽呀!？救命！？有人可提供專業餐飲營運建議，打救大熊嗎？！先評一下裝修，白牆白色天花配以白色強光，LED燈泡火數太高，加上冷氣異常強勁，很有壓迫，如醫院手術間般躺在病床之患者，想有逃出感覺。建議調校燈光柔軟度，又或在加點沉色系色彩形造對比。掛牆攝影圖片，也可試試參考專業圖稿不用全白底色吧。人手方面，平日晚上樓面兩人，廚房兩人。生意估算每日$7000來說，人工佔黃金比33%，正常合理，亦足以應付顧客需求。一位中年男侍應特別落力工作，滿腔熱忱，具有自信，將工作熔入生活，不停來回走動出餐落單收銀，值得讚賞。平日自己接見大量應徵者，我有一道難題：如何可以透過頃刻談吐間成功發掘一個對餐飲熱誠、工作上進之應徵者。辦公室環境面試，應徵者都表現很緊張，對答不知所云，但往往去到餐館工作又脫胎換骨，流利英語，熟悉餐牌，主動介紹。所以，逐漸

我以前好鐘意食呢間野，未轉手前，轉手後都有食過，今日突然好想食就叫外賣食，個當歸湯淡某某，好似溝左好多水咁，勁失望😞，因為我次次都食呢個就係鐘意佢個湯，下次可以唔洗再食

凍冰冰冬天的確好需要熱辣辣鍋物，於是放工捉埋朋友仔來到呢間大熊在吃。店舖有6款家獨特湯底:藥膳養生鍋、黃金蟲草鍋、 大熊辣辣鍋、酸菜胡椒豬肚鍋、特濃沙嗲鍋及田園蕃茄鍋。我選了藥膳養生鍋 ，而朋友選了胡椒豬肚鍋，可配自選肉類、鍋物配料和一份鍋物配料。藥膳養生鍋配肥牛主食米粉$88:牛肉、鍋物等配料在上枱時已放入鍋中，配料有鮮蝦、娃娃菜、椰菜、 豬紅、金菇、滷蛋、粟米、豆腐等。湯底有紅棗、桂圓、當歸片，真材實料，突顯清甜健康藥膳味﹗胡椒豬肚鍋配肥牛主食米線$78:胡椒湯底微辣，好多酸菜，豬肚爽口﹗有需要的話可以在外面自取醬料，推介用蔥油撈米線，香濃惹味﹗熱話梅柑桔蜜:柑桔蜜滋潤好味原來鍋物都可以咁健康有益﹗

- 特色小店，一人火鍋 - 打邊爐一直係冬天必食既美食，我自己就好鍾意打邊爐，但係一班人一齊食，枉枉食唔到自己鍾意既湯底，估唔到今次搵到一間有一人火煲既小店，除左大型連鎖店，難得有小店有一人火鍋，性價比高之如，仲有好多款湯底選擇。而我就食左老闆推介既大熊辣辣鍋，平時食辣野係要不停飲水，但係呢款辣湯底好特別，入口會感受到辣同埋好強烈既麻香味，完全唔需要落豉油或其他醬料都好夠味，但之後唔會有好辣既後勁，就咁一杯飲品都夠飲到走；入面既野食主要都係各類型中式打邊爐材料，份量十足！而煲入面既菜亦唔會因為個湯底變到好辣。 除左打邊爐外，仲點左樣小食口水雞，醬料非常特別，用黎撈落飯食非常之match！ 飲品我冇選擇到特飲，而係簡左凍杏霜，因為依家越黎越少地方有得點杏霜，估唔到今次可以飲到！ 環境方面，店入面好多卡位,舒適而且乾淨。

同朋友係屯門做完野，天一黑入夜急凍又肚餓，５秒即刻達成共識——打邊爐暖身！於是經朋友推介，去左呢間＂大熊在吃＂試試一人火鍋 一入門口已經聞到濃濃既藥膳湯味，放眼望去半間鋪既人都係打緊邊爐，店主非常推薦藥膳湯底＆胡椒豬肚湯底，基於我對胡椒湯有極大喜愛，於是就揀左試試 一人火鍋揀完湯底，除左固定送既配菜之外，仲可以外加其他配菜，不過朋友表示呢個鍋份量極大，我望望隔離枱，原來都唔少情侶檔兩人一鍋，於是本住食得哂先好嗌既原則，就咁一鍋試試原汁原味 ＄７８既價錢，係呢個市道下如果用其他食店既一人鍋（大Ｘ樂，吉Ｘ家）相比，性價比簡直係破頂，本人自問係個食量大既食友都食唔哂，而且食物質素幾好，尤其貪口癮叫左個口水雞肉質鮮嫩，辣得黎唔會太麻，非常有驚喜 呢間野基本上冇乜可以挑剔，下次想食火鍋都會再黎

近期天氣開始凍，在屯門經過見到呢間有一人火鍋幾吸引🍲，就入黎試試。閒日夜晚都好多人，幾乎每人都是點火鍋。.鍋物最平$58就有，最貴都只是$88，仲要包13樣鍋物配料（豬紅、豬肚、豆腐、丸、金菇等）。最特別是竟然有不少養生湯底，覺得非常用心和特別。.原來一人鍋都是新做，老闆都好積極推薦藥膳養生鍋和大熊辣辣鍋，一於點來試試。.上枱不得了，個鍋好大，食物材料好豐富！.藥膳養生鍋（當歸棗王龍眼肉）個湯底好出色，清甜得黎有陣好香藥材味，好味到當湯飲！推薦配雞，可能我們咁岩係雞脾位置，好嫩滑，而且份量多又大舊，加埋藥材湯真係補上加補。配菜都唔差，粟米清甜，值得留意的是這個鍋物還多了一顆蛋和蘿蔔。個湯做火鍋竟然咁夾，食完個人真係暖粒粒，喜歡。.大熊辣辣鍋秘製辣湯有層次，唔會死辣，幾好味，同埋唔油膩，加牛肉食幾過癮。不過提返小辣都幾辣，食唔到的朋友可能要注意下。我加了稻庭烏冬，好適合配辣湯。.一個鍋物仲要包一杯野飲，有杏霜、tiramisu朱古力等，幾特別，不過飲開杏霜的朋友可能會覺得這裡的較淡口。.另外我們加點了一個口水雞，肉質非常嫩滑，秘製醬汁超好味，撈飯一流！🤤.估唔到小店都有咁出色的一人鍋，性

今日同老公行去德政圍，知道呢度好多小店，所以入咗嚟呢間食米線 🍜🍜一坐低就有個女店員介紹，佢話藥膳雞湯米線藥材味好重🤔我最鍾意呀!!!!所以即刻叫嚟試下先首先嗰啖湯對我嚟講唔係咁重，我覺得佢藥材味可以再重啲添!雞件都滑嘅，都相當多件，而且好大碗，食完真係好飽 👍老公食蟲草花雞湯米線，都係普普通通啦，雞件正常 👌反而個蔥油豬扒好有驚喜!!蔥油味極香，個豬扒好淋好滑好彈牙好爽冇得頂呀餐廳每一日都有幾款小食做十蚊，今日叫咗蒜泥白肉，不過不失十蚊ok啦

最近情迷港式早餐，諗起炒蛋同埋奶茶就心動，所以決心試多幾間，搵下在屯門既早餐心頭好。行過見到新開既"大熊在吃", 覺得個名幾得意，決心試下新野！大熊既早餐特別之處就選擇多：係粉面個度可以揀湯底，兩種唔同既餸，配料個度都可以揀兩款，包個度仲係外面少見既迷你菠蘿包，姐係可以試到五樣野，好抵食！心多多既我揀左蕃茄湯底豬扒雞翼面配炒蛋同煎蛋（好少餐廳可以entertain 呢d 咁麻煩既要求，抵讚）。店員都好積極咁樣同我介紹menu 同埋落單，服務態度抵讚！選擇多，味道不錯，絕對對得起價錢。今次比小店/新店一個機會無揀錯～

好耐無嚟食過，今日嚟到原來轉咗手，見到仲有得食蟲草花雞湯，就入嚟回味一下。坐位比以前寬敞舒適，亦光猛咗。叫咗個蟲草花雞湯銀針粉(午餐包飲品$42)平過單點，有四大件雞件，雞肉好滑，湯好鮮甜，無味精味，飲完不口渴。米線餐叫咗豬手，瑞士汁好入味，豬軟骨就同其他舖頭差不多，可能都是來貨質素。加個十蚊雞蒜泥白肉。十蚊有八片都ok，辣椒油好香，蒜可以再多點。值得推薦。