大漁 (已結業)

呢到8件已經$130，可能我太耐冇食貴野，所以真心覺得小貴。好啦味道方面係滿分嘅，其實我最鍾意食佢個三文魚腩刺身，但而家加咗價好貴唔捨得食佢哋又厚身、又大嚿、重三文魚味、非常鮮味！今次叫咗2件海膽壽司、2件芥辣八爪魚壽司、2件黃金魷魚壽司、同埋兩件蟹膏柱貝壽司。海膽壽司—— 足料 唔孤寒 大大嚿 鮮芥辣八爪魚壽司——大大粒 但唔夠芥辣黃金魷魚壽司—— 今日突然好想食呢個，因為黃金魷魚啲魷魚口感好特別，爽口淋身之間。蟹膏柱貝壽司—— 蟹膏好香，但係唔係用帶子刺身，所以唔夠鮮味。一直都食開佢哋雖然食評有缺點有優點，只不過係客觀嘅意見，我仍然會再幫襯佢哋～

第一次幫襯諗住試下啦，落完order 諗住滿心歡喜，返到屋企一打開個袋，見到個刺身24件真心爭鮮好過佢多多聲真係唔建議幫襯，如果自己多錢又唔介意比佢賺既可以試下，啲野又唔新鮮。自行執生

食過最難食既日本野, 係啲嘢難食到令我第一次寫食評冇相提供係因為見到都唔想影已經係叫基本嘅三文魚壽司但係都可以咁難食俾我揀多次情願食爭鮮野食唔新鮮不特止，連豉油味都有古怪絕對以後不會再幫襯!!!

成日心思思想食壽司😛前幾日行過呢間好多街坊幫襯既壽司外賣店🍣 價錢相宜，款式好多選擇👍🏻不過就唔係款款都好食😖除左壽司，仲有炸物小食、刺身、手卷等等，最岩成班朋友一齊食～呢間小店貼住poster 話食物係即叫即製同埋爆料手卷😂 很可惜手卷稱唔上爆料味道只係不過不失🧐 好彩壽司整體都新鮮，味道唔錯🤪 尤其係要讚嘅係北海道帶子壽司！帶子鮮甜大大粒，$28/2件性價比高👍🏻 另外海鹽左口裙邊都推介，魚油香味濃郁🥰 佢哋既軍艦都做得出色，剩係三文魚軍艦已經有幾個口味🥳山葵八爪魚入口爽口少辣幾過癮🤓 最唔得係呑拿魚軍艦同中拖羅壽司，兩者都有筋🤯 吉列蠔卷味道ok但可惜唔脆而且食落好黏口(?)🤨海膽三文魚手卷 $42魚籽/辣汁/蟹籽/京蔥三文魚軍艦 $15/2件海鹽左口裙邊壽司 $20/2件無頭甜蝦壽司 $17/2件吉列蠔卷 $34/4件蟹肉拼蟹膏軍艦 $25/2件山葵八爪魚軍艦 $17/2件中拖羅壽司 $28/2件油甘魚壽司 $30/2件赤貝壽司 $17/2件馬刀貝壽司 $15/2件蒜燒北海道帶子壽司 $31/2件

唔生鮮，勁腥刺身冇下次，好難食未食過咁難食刺身價錢係唔平，寧願去壽司鋪食完真係想嘔，成口腥味屋企人話唔好再買呢間、唔知聽日會唔會肚柯，食左幾片就成盒到曬，曬左二百幾蚊！

▫️帝王帶子手卷 💸$35💦主觀指數： 5.5/10隻帶子真係好大隻，應該有兩大隻食落質感好，但係只得好少好少帶子味無帶子嘅鮮甜味，要好認真妹下妹下先會有少少味唔太推薦大家去試試😖▫️蟹肉蟹膏手卷 💸$30💦主觀指數： 8/10蟹膏好香甜好好味😋但唔係好多～蟹肉正常選用松葉蟹蟹膏，食完有好大嘅餘韻暫時都算食過嘅TOP3💖推薦鐘意食蟹膏嘅各位試下整體可以一試，但未必款款都好味加上手卷嚟講價錢唔平😅性價比較低

平時一直有食開 ，由初初開張叫大洋果時食到依家 ，最近一次食發覺佢地加左價 ，本身食開都知咩價錢，但今次出奇地貴左好多咁，先望下餐牌睇睇，平時食個丼飯$50蚊 ，依家一加加到$60蚊，開頭仲以為成張單加左十蚊價啦 ，點知原來全部食品每樣加成10蚊價🙈係每樣加10蚊 ，當你嗌左十樣野既話果到要比多成舊水🧟‍♀️🧟‍♀️個價錢比同去餐廳坐低食有人服務既仲要貴 咁我仲洗乜要去幫襯外賣店？ 雖然都知租金貴 但都唔係咁大咬每樣產品加十蚊掛🧟‍♀️#以上係個人感受#不喜勿插

大漁簡直就是我生活的動力❤️本來就很熱愛壽司的我，加上最近多是外買晚餐大漁市場簡直就是為我度身訂造的這裏的壽司款式夠多，就算是三文魚都有多樣選擇。不但壽司，連刺身都新鮮吸引。🍣 必點款式 我比較鍾情於三文魚，就三文魚壽司已經夠我點滿滿滿的一盤壽司。我常點的款式會是三文魚壽司芝士三文魚壽司蒜燒三文魚壽司黑椒三文魚壽司辣汁三文魚壽司不同的三文魚口味，足夠滿足身為三文魚忠粉的我。除了三文魚還有就是 蒜燒北海道帶子壽司，新鮮的帶子再加上燒香的蒜香味。每次我都會不捨地留到最後慢慢品嘗🤤🤤但多人等候時製作時間會比較長，最好先電話下單。下班就可以直接取回家慢慢享用

由於本人因工作比較忙，所以已經有一段時間無食評喇！但今日呢間真係唔寫唔得！今日下午我們經過元朗千色匯見到有間叫「大漁」嘅日式壽司小店，他們嘅門口招牌廣告大大隻字寫話「即點即製」，「爆料手卷」，所以我們就入咗去買嚟食，但我們落咗單唔夠一分鐘，就已經攞到出嚟，呢點我們當師傅真係有「極速馬達手」，但所謂嘅「爆料手卷」究竟去咗邊？啲海膽嘅份量係極之少，係比平日一個普通版嘅手卷份量仲要少，而且仲要賣到$45，果然係「圖片只供參考」，「事實同圖片不符」，呢點真係令我們覺得超級極之失望呀！

講起口痕想食少少野食黎講！元朗千色附近既大漁係我首選😍😍😍每次都會想食佢呢個海膽花之戀😍😍😍佢性價比極高！仲要有幾粒三文魚子係面😍😍😍而且海膽既份量都唔少！！而三文魚so far食左咁多次！都仲係好鮮甜☺真係每次行過都會想食！即使唔餓🤣🤣🤣

雞地壽司劣食店！叫北寄貝落錯單都算，叫左2客甜蝦壽司，蝦頭完全係自己甩出黎，黑晒有相為證，勁唔新鮮！啲肉直頭白晒，見到都唔想食，試左一舊，真係腥到食唔到...百幾蚊食垃圾....態度又差，唔會再幫襯呢間劣質店.....

一直以來都是這店的常客，皆因食物質素不錯和份量足，服務快及店員的友善也值得一讚!蒲燒鰻魚飯(一客) $60  兩件炸蝦，正常水平。有白芝蔴的蒲燒鰻魚，沒有魚腥味，醬汁香，鰻魚香甜軟稔，白飯裝滿半個盒子。點了兩件手卷，放在同一外賣盒內。海膽手卷(一件) $45手卷食材與紫菜分開，以確保紫菜保持新鮮脆口。喜愛親自包手卷，不同食材會有不同程度的包手卷難度，海膽甘香，份量可觀，必食。三文魚籽手卷(一件) $48  三文魚籽份量同樣可觀，新鮮好味。蒜燒日本墨魚壽司(兩件) $26 - 圖左當外賣盒一開，第一時間聞到的就是蒜香味，非常香。墨魚經火炙後呈現成花瓣狀，足見火炙前在墨魚表面所留下的刀功，加強墨魚嚼勁，再加上蒜蓉，好味。海鹽左口裙邊壽司(兩件) $18  - 圖右左口裙邊經火炙後魚油滲入壽司飯裡，令壽司飯有魚油香味，是我的至愛。左口裙邊魚脂出色，口感軟滑，無須添上壽司豉油，因為海鹽已令整體味道更鮮。外賣可親身到店舖下單或以電話形式下單後到店舖付款及自取，非常方便。

大漁係我愛買壽司嘅首選！已經幫襯左好多年啦，上年佢搬咗舖去千色，更加大嘅門面，老細仲幾好傾！👍🏾個晚同表妹兩個人唔想落街食飯，就醒起可以叫大漁，可以電話落單外賣自取，大概15-20分鐘就有得拎，非常方便！🤩咁當然食壽司最重要都係新鮮，呢間除左快手，壽司仲係即整，包新鮮！食左咁多年質素都keep到！🧀芝士年糕✨熱辣辣，煙韌！✨邪惡流心芝士！✨睇返都好想食啊🥺-順帶一提，佢仲有新鮮生蠔賣，可以自己揀，佢會開埋比你，價錢仲好唔錯，好似$15-$20一隻架咋！超抵食！💓

叫左好多壽司，呢個份量4個人食都得，圖片有落單資料。早排行過試左個三文魚腩手卷，覺得厚肉又足料，之後發現三文蚊手卷14蚊仲抵食，都係咁多料，只係無咁肥美厚肉，推薦窮食十幾蚊啲手卷。試過手卷好食都想試下佢其他野，今日放假就用個app黎訂餐，去到攞完就返歸外賣俾爸媽食，十分方便，爸媽都話好好食。首推中拖羅壽司，13蚊件，賣相好靚，味道美。蟹肉蟹膏軍艦都好好食，蟹肉好鮮甜，蟹膏好香口，好食過元X壽司。芝士鰻魚，手卷，海膽花之戀都推薦。蒜香三文魚都好味，8蚊件。另外佢啲沙律好大盒，大家可以試下，我叫左三文魚沙律，勁多三文魚粒，可能已經食飽左有啲漏既感覺，下次朋友到訪試食粟米或軟殼蟹或蟹肉都吸引。刺身好肥美，味道合格，可以不試。另外，店舖就算星期六日都係開一點，我諗咁好食就算開12點或早啲開應該都有生意，店主話師傅開工到整到要1:20，我買到返家都1:45pm, 如果趕時間朋友要諗下。店舖人品好，買一件14蚊手卷都招呼周到，笑容滿面，店舖仲有枱仔有紙巾，好貼心。

行過見到手卷店，入左去買左個三文魚腩手卷，28蚊，啲三文魚腩好厚同幾靚，無根一咬就斷開，有種入口即溶既感覺，好鮮味，同埋啲料係到手卷底，好足料!佢有個普通三文魚手卷14蚊，唔知有無咁正，下次試下。仲有其他刺身壽司同卷物可以外賣。