大滿喜日本料理 (已結業)

話說今日烈日當空踢完波，個肚空虛到一個點。。梗係要去補一補佢啦，打俾老婆，老婆話好耐無食日本放題，呢間大滿喜上之前又有朋友推介過，好！就去試試佢！食放題最緊要安排食物種類既次序，一開始唔好食D油膩野，所以一如既往一定係叫剌身壽司凍盤先！剌身擺位靚，油甘魚夠厚切，仲有象拔蚌夠爽全無腥臭冰水味！正！三文魚亦夠厚身，油脂分佈均勻，非常高質。本人最愛火灸系壽司，呢度既火灸系壽司亦都無令我失望，由其係我最愛既火灸左口魚裙邊壽司，入口即溶但個賣相又不鬆散，蒜粒燒和牛肉質不會太韌，值得一試。芝士系卷物亦是不負所望，配搭著鰻魚的惹味，可口非常！黎到熱薰部分，燒羊架！肉質剛剛好！不會太乾，啖啖都充滿住香草羊肉的香氣。放題稀客—炸鮮奶，外脆內軟，不錯！芝麻雞翼，炸一口芝士，呢間店的炸物燒物質素都非常高！辣酒煮蜆，蜆肉無砂，隻隻有肉，辛辣度適中，啱我！飲品櫃種類非常多，值得推介既係有新的白色樽可樂，又有解茶，邊食邊解，真係食多D都唔怕喇喂！總結CP值超高！我會再回來的！

平時都好少機會會食放題，今日難得同老公兩個去拍拖，決定唔好煩諗食咩，去食放題。因為我哋左夜晚九點半先食，所以唔使係下面排長龍等lift。黎到門口都唔算多人，唔駛點排隊就入到去了✌🏾✌🏾 餐廳非常之大， 坐得都算幾舒服。 而且非常之細心，每一張枱都會痴左佢個枱號，同埋上網無線WiFi 個密碼。有自助飲品，飲品既種類非常多除咗有解茶之外，仲有新出既零係可樂，可以食住、飲住黎消滯，食嘢既戰鬥力即刻大增💪🏾💪🏾食物嘅種類非常多，除咗有自助沙律吧外，仲有壽司、刺身、卷物、炸物、串燒、一品料理等等。刺生非常之新鮮，無論係三文魚定係油甘魚，都非常之肥美🤤🤤油甘魚非常之厚切，好乾身，一啲魚腥味都無👍🏾👍🏾👍🏾壽司方面，特別推介炙燒左口魚裙邊壽司，肉質非常之滑溜，充滿咗油脂，加上淡淡嘅隻炙燒香味，令人想食完一舊再一舊🤤🤤🤤牛舌串燒，非常大片，肉質好爽，燒得好香。最開心既係佢仲有乳酪雪糕可以食，除左原味仲有蜜瓜味，食完真係好滿足。$220蚊一餐，星期六黎講，真係抵到爛😍😍，有機會一定會再黎食🤤🤤

家族聚會食得開心啲，於是選了日式放題！大滿喜係其中一間未試嘅旺角放題，所以就揀佢啦！果然同家人嚟係有少少唔同，長輩們第一樣拎嘅食物就係：前菜！我自己放題好少食，不過原來都幾好味，螺肉仔好彈牙，海草都好香好爽口，係開胃嘅！又長知識了！前菜唔駛寫紙仔，出去自助拎就OK喇！之後入單嘅食物開始出現，壽司早過刺身上XD 不過確係幾好味，而且細細粒，都啱放題食，唔會太飽又可以食多啲款。當中左口魚係一定唔少得嘅，帶子都夠鮮味，但最推薦嘅創作壽司！海鮮班戟、鵝肝帶子都好好味，新式得味道嚟都夾！呢度仲有珊瑚蚌呢啲特別嘢食，不過我最愛都係正式少少嘅日本嘢，所以食啲就算，喜歡新嘗試嘅你不妨一試！值得一提，呢度簡單食物都一樣有質素，牛油粟米同埋紫薯無得頂！原本紫薯串燒我只係叫了2粒試下，點知大家食完都好喜歡，最後叫多轉一人一粒！好有薯味好甜，而且熱辣辣，食完刺身想暖暖胃就最啱喇！

同一大班朋友食飯同慶生預先book左位但去到舖頭個陣由於太多人所以都係出面等左一陣先入座我地坐的位置好方便出去拎野食/野飲環境乾淨員工收單速度快而且都冇點甩單即體感覺都唔錯每次食放題第一時時間緊係嗌刺身刺身黎嘅份量都多 而且味道唔錯另外仲叫左唔少壽司壽司全部都唔錯 細細舊容易入口/一口記食到 岩哂啲口細嘅女孩子唔會食到咁論盡

今日朋友仔約我去食放題慶祝我生日，之前諗左好耐都唔知食咩好，不過就鎖定旺角區，咁朋友話不如食放題啦，我就梗係開心啦！！梗係啦，任飲任食又唔洗就住朋友個荷包, 點都係一個價錢！就呢度啦！創興廣場有多間樓上食肆，我地今次就係去8樓的大滿喜啦！我地食早果輪未有咁多人呢！卡位都好寬敞！呢度個自助區好多元化，熟食，冷盤，雪糕，甜品，飲品應有盡有！睇下個飲品櫃，超多款唔同種類的飲品，慢慢飲。拎左支解茶先，等陣唔會食滯！朋友就揀左碧泉蜜桃茶，貪佢夠甜！同埋唔多地方有得賣呢。識食一定係食刺身先！刺身夠凍夠新鮮！個人特別鍾意食希靈魚，貪佢肉夠爽，咬落去有 shock shock聲！！三文魚夠厚切，螺肉夠鮮甜！海膽手卷是必選推介，size 細細，唔但海膽足料，鮮甜又唔腥,正呀！呢度的壽司好精緻，雖然係放題，但一d都唔馬虎！多款精美壽司特別推介榴槤迷必選榴槤炸彈熱辣辣又香脆，咬落去好cream，香濃的榴槤漿流出來，口感濃郁又軟滑！食到咁上下，一定要食返個燒菠蘿消滯呢！今晚食放題好開心，可以一路食，一路吹水。😝下次約多d朋友仔一齊黎先！

今日同朋友慶祝生日，都係想食盡d, 但又唔想太傷荷包，所以放題係首選。跟住揀地方，都係大家就腳，唔洗揀一定係旺角，於是search 到呢間！！Book左位食頭輪，5：30pm上去未有咩人，原來等位區有幾部夾公仔機，好似去左日本咁bor!! 坐低之後梗係周圍睇下，原來出面有雪糕，甜品，熟食，大量飲品自取，認真豐富呢。睇睇個飲品櫃先，勁多不同款式飲品呀。開始肚餓就拎少少熟食先，推介熟蝦，新鮮大隻肉爽又鮮甜。清清地飲下coconut water先，近排好多牌子都出左。食放題梗要食壽司，呢度有多款精緻壽司，細細件唔會食到好飽，又好味呢。花之戀豐富的蟹子，加上鮮美的三文魚，一口咬非常美味。呢度竟然有拖羅迷你拖羅盛，淨係賣相已sure win. 鹽燒左口魚邊壽司極香滑充滿油脂，正到嘔.食下d瓜菜均衡d有我鐘意的翠肉瓜。羊架無羶味，而且香口又惹味。鰻魚切成細細塊易入口，yummy.最後食番個蜆，無咩砂，好清甜。今日好開心同朋友黎呢度，食物質素好，性價比又高，唔貴又食得開心，朋友又滿足。推介。

I am crazy about Japanese food. That’s why I eat “All you can eat” per month. It is surely satisfying my cravings! Actually, I am a stupid customer as I love sushi rather than Sashimi.Nevertheless, my friends are a heavy eater and the only buffet can fill up their stomach within HKD 200. The restaurant is in bustling Nathan road, just nearby Langham place. This restaurant is fashioned on a classic Japanese restaurant. Being having an acceptable price and convenient location, the restaurant tried

真係好耐冇食放題喇...今次黎大滿喜，價格唔算貴但質素都唔差。放題當然要食刺身！份量足，叫幾多上幾多，即使餐廳內好多人都上得好快。壽司亦叫左很多款，最鐘意油甘魚，好肥美！部分特色壽司嘅壽司飯會細舊啲，細食嘅人都可以試下。熟食推介燒鰻魚，唔腥。菠蘿都好甜但冇影相。甜品有手拉雪糕，好特別，不過個人覺得偏甜。相中是奶凍同雪米糍，都是偏甜的。還有其他蛋糕/啫喱/雪條等等，放題來說款式算很多。值得一讚嘅，服務員態度唔錯，而且成日清枱上嘅碟👍🏻

好耐未食過放題，可以話以年為單位，無計喇屋企環境有變.....適逢約咗人食飯，朋友話晌旺角行過拿到宣傳單張，感覺都幾抵呀，同埋咩時間上去計兩個鐘方便好多，就造就咗我參與久違了的放題夜晏一上到嚟晌門口到望入去好多人，但好彩我地都係等咗5-10分鐘到就有位，環顧外面都幾多日式小食拿嚟食，八爪魚螺肉等，以及有咖哩魚蛋😂😂😂飲品選擇都多，仲見到有雪糕雪條，同其他放題相比無咩少咗種類個人感覺刺身同壽司放題喺一定要叫，但主要睇啲材料新唔新鮮，味道方面好由本身入貨嘅材料決定，但如果想睇本身店鋪煮嘢食嘅質素，好像熟食會比較容易試到其中我地有點到燒鰻魚、牛舌、雞軟骨、又有清酒煮蜆、忌廉焗帶子等，每樣味道都唔錯，入口方面有咬口唔韌，水準都唔差，大家都食得開心，之後可以再encore

今晚出開旺角買書，亦係暑假尾聲以食個放題慶祝一下先！選擇咗創興廣場8樓間大滿喜！入到店比個飲品櫃吸引咗，除了罐裝汽水外，還有清酒，烏龍茶等等，應有盡有！首先，阿媽教落，要食碗熱粥暖下個肥肚先，叫咗碗瑤柱海鮮粥，好大隻蟹，好鮮甜呀！食完粥，出去熟食區有湯供應！亦有熟蝦，青口等等！最開心見到有沙律吧！刺身時間到啦，叫咗三文魚，希靈魚，北寄貝，鮑片，甜蝦，帶子等等，刺身好新鮮，大大件，正蒲燒鰻魚，好好味串燒叫咗鹽燒海蝦，牛舌，有機蕃薯仔，上枱時還是熱的，燒得香囗！海膽手卷，蟹籽沙律手卷，加州卷，花之戀，黃金海鮮船，三文魚腩，海膽墨魚，賣相好吸引，必食之品甜品區有不同款式的西式甜點供應，亦有自助乳酪雪糕，牛奶雪糕機，食幾多自己決定！亦有雪條，雪糕糯米糍等等，任君選擇！食飽今餐，下星期開始，返學啦！

今晚同個為食朋友去食放題，大家異口同聲話去旺角創興廣場8樓間大滿喜開餐！一出𨋢已經人山人海，好多人等位！我哋等咗5分鐘就被安排入座啦！餐前小食，沙律吧專區分別有新鮮沙律菜，小蕃茄，粟米等等餐前小食有中華沙律，枝豆，泡菜，辣螺肉等等香港特式街邊小食，碗仔翅，都有呀！熱騰騰，正御品鮑汁燴花膠，花膠好爽口，汁底不濃黃金焗帶子，帶子大大粒！焗得香口刺身叫咗俄羅斯甜蝦，虎蝦，鮑片，海蝦，油甘魚，象拔蚌，希靈魚，北寄貝，款款都大大件和新鮮，正軍艦叫咗蟹子軍艦，同好少有嘅櫻花魷魚軍艦，件頭細細件，一口一啖，剛剛好榴連炸彈，必叫之選！咬落口，好多榴蓮蓉，正到朋友燒菠蘿，食完一件又一件，停不到口甜品區有豆腐花，布甸，雪糕，雪條，雪糕糯米糍，西式蛋糕等等，應有盡有！眼闊肚窄，食物種類真的好多！今次食不到咁多，下次要食埋其他款先

已經唔係第一次食呢間位於旺角創興既大滿喜，喜歡佢地點方便，價格相宜（星期一至四$223加一），最重要係食物款式夠多，服務質素亦夠好！呢晚食放題完全無漏單/要吹單既情況出現，而且食物都黎得好快，完全無浪費到兩小時任食既時間。店員服務殷勤，行過有吉碟就會即刻幫你收左佢。呢間有半自助生律吧，亦有凍蝦同青口，食左幾隻都覺得幾新鮮。除左罐裝飲品外，發現呢度仲有任飲既日本清酒同梅酒！我飲左半杯梅酒，味道同出面買到既一樣，酸酸甜甜易入口。刺身款類算多，蝦有甜蝦、虎蝦同海蝦選擇，如果佢有埋大牡丹蝦就更好！推介大家食吞拿魚刺身，厚切口感豐富又鮮甜。鵝干帶子同蔥吞拿魚創作壽司，入口即溶。仲有必食既海膽手卷！吉烈炸生蠔，咬一口熱辣辣超鬆脆！甜品雪糕雖然無哈根大師/movenpick，但佢有得任食雀巢脆皮雪條，而且仲有3款口味，一次過食哂真係好滿足！

今日同兩個朋友突然興起去食放題，係旺角諗住求其揾間近既試下，試完無中伏發現呢間水準唔錯👍🏼餐廳裹面有好多卡位，唔會覺得比人騷擾到，座位舒服，環境幾好👍🏼佢有一堆前菜，甜品同飲品放係出面以自助形式黎比我地夾黎食。前菜有沙律既各款配菜，泰式雞腳....飲品基本上都係放題實有嗰啲，烏龍茶嗰啲走唔甩，特別啲都有韓式飲品嗰啲～甜品有cheesecake呀奶凍嗰啲🤤一黎叫左盤魚生，擺盤幾靚有乾冰哈哈，然後魚生質素都唔錯，特別係甜蝦同虎蝦，算多肉又唔會有陣怪味，抵讚😁另外都叫左唔同野，特別啲既有叫左個牛肉鍋，唔好以為放題食啲鍋類食品會好蠢，佢份量應該有考慮過所以唔會好大份，我地係飽既情況下三個人都食得哂，重點係佢個湯個味好出，啲菜吸哂個湯既味，然後牛肉嫩又唔會話超肥，可以話係今餐既驚喜👍🏼👍🏼👍🏼跟住都試左個特別啲既有花膠😆 本身個樣睇落好唔吸引但食落又ok喎，花膠口感好好，同佢個汁好夾，可以話係中式野當中叫得過既👍🏼講番放題必有既菜式：牛肉粒煮得好好，有口感啲肉又唔會咬唔斷；天婦羅之中比較有驚喜既蟹棒，佢個蟹棒好大個，個粉包著唔會厚，食落啱啱好；炸物都有叫炸蠔炸香芋波波，香芋波波翻兜落單因為實在太

水準之上既放題自問係港九新界都食過唔少放題，比較之下個人覺得大滿喜係水準之上。餐廳有自助吧供應前菜，包括沙律、凍蝦、青口等；飲品除佐一般汽水，仲有椰青水、檸檬茶、韓國飲品，最驚喜係有梅酒同清酒。推介食品1.    刺身食佐兩轉，一樣有水準。一定要試吞拿魚同油甘魚，三文魚就一般，連蝦都有三種比你揀。帶子、象拔蚌同北寄貝都唔錯。2.    壽司最鐘意鵝肝帶子同吞拿魚蓉壽司，但舊鵝肝可以大舊啲囉。和牛壽司都好正。柚子赤貝同海膽墨魚感覺好新鮮。3.    鰻魚味道香濃4.    一口牛好軟身，味道香濃5.    羊架一啲都唔羶6.    天婦羅脆到不得了，粉薄同場加影喪食雪糕同乳酪唯一要彈既係座位唔夠闊落，張枱擺唔到好多食物，而佢又上菜好快，迫住要成日整理啲碟，好彩佢啲員工都會一見吉碟就收。但整體黎講伊餐係滿意既，飽到嘔。

旺角收工食飯，又肚餓即刻諗起「大滿喜」！任食可以樣樣都食下😋俄羅斯甜蝦,日本油甘魚,吞拿魚, 北海道帶子, 貴妃蜜汁飽片, 珍寶赤海蝦,樣樣都不錯！柚子赤貝, 生磨芥茉吞拿魚, 柚子胡椒油甘魚 (真有柚子味,鹹鹹哋)好特別, 三文魚腩,正！鵝肝帶子壽司 (細細粒鵝肝都幾香口), 迷你拖羅盛, 花之戀,口感豐富！韓式辣貝柱軍艦,口味新鮮！黃金焗帶子,精緻美味！忌廉芝士鰻魚卷 👍🏻正, 香桃吉列大蝦卷 👍🏻, 炙燒芝士軟殼蟹卷 👍🏻蟹棒天婦羅 👍🏻, 海鹽虎蝦天婦羅 👌🏻, 炸鮮奶天婦羅 南瓜天婦羅 黃金炸生蠔 (麻麻), 一口芝士 👍🏻 超級榴槤炸彈 👍🏻 紫心香芋丸 👌🏻蒲燒鰻魚,鰻魚汁香甜👆🏻注意 A刺身點餐紙 呢個 "貴妃蜜汁 *飽* 片" 唔係 *鮑* 片餐廳裝修不錯, 座位空間唔窄; 早半個鐘就通知話廚房截單. . . 時間可以長一點就好喇,未食甜品