影片
对「大池记大排档」慕名而来，结果却令人大失所望。先讲食物，招牌菜咕噜肉完全唔正宗，酱汁似现成茄汁，死甜不自然，猪肉炸得又干又韧，粉厚过肉，口感极差。卤水亦系另一败笔，只有死咸，食唔出应有嘅香料层次。环境方面，大热天时竟然连冷气都冇，坐到身水身汗，食欲大减。服务态度还好，整体用餐体验非常差。总括而言，食物、环境、服务都有极大改善空间。价钱唔算平，但质素完全唔成正比，绝对唔会再帮衬，亦唔推荐俾任何人。
继续阅读
之前成日𠮶间西餐厅执咗笠，最近换咗呢间「大池记大排档」，装修仲系𠮶种简约木系风，连卡位都冇变，但挂咗几串卤水鸭颈喺玻璃窗，即刻有大排档feel！星期六晚市八点几杀到去，竟然有八成满，好彩唔使等位～ .见玻璃窗吊住啲卤水件闪令令，头牌必试卤水拼盘加鹅片（$185），十分钟火速上枱，摆盘几精致，鹅片薄切够入味，仲有鹅红？如果有得转豆腐就好！跟住叫咗豉汁蒸脆大鳝（例$148），鳝肉厚身弹牙，鳝肉肥美豉汁够香，豉汁捞饭无得输，但唔见蒜粒有啲失望，可能师傅手势唔同？最惊喜系碟菜远炒肥牛（$98），上枱热辣辣，菜心翠绿爽甜，镬气足到菜心索哂油香，食到唔够喉⋯⋯白饭$12大大碗，捞汁一流！ .总括嚟讲，价钱合理，上菜快，埋单人均$200几蚊，以而家物价算合理，最大优点系唔使排长龙（暂时），街坊又多个开饭热点啦！
继续阅读
屋企人食饭，就两老食中菜点咗好几味菜，好好食，最紧要大家都满意拔丝菠萝咕噜肉，炸得啱啱好，外面脆卜卜，入面肉质好软椒盐九肚鱼，好邪恶，出面脆入面啖啖肉姜葱生蚝煲，啲蚝好大只、新鲜，次次嚟必叫再嚟个招牌卤水鹅，见话用狮头鹅，所以试吓，都好好味，鹅味好浓，而且比较松软今次特别叫手切猪肠，点wasabi食，好爽口，当前菜一流
继续阅读
呢间餐厅顶手嚟做，入边完全唔装修，打开道门开冷气，啲水系咁滴落嚟，环境非常恶劣，嘢食就真系一般，叫咗一份鹅片，份量真系好少，成为$200，价钱就真系唔平，未有酒牌，啲酒需要去隔离711买，至于啲职员呢就真系冇乜水准啦，入面的确有人食烟，老板同埋店员都唔系好理，你行去投诉佢咪敷衍你几句啰，座位编排有混乱，坐得非常之挤迫，我估都生存得唔系好耐，完全唔适合启德呢一个地方，唔怪得啲香港人一周末就北上，平靓正之外起码服务质素好好多啰，同埋环境又唔会咁恶劣。
继续阅读
这次品尝了鲜虾韭王鲜肉云吞，让我惊喜不已。云吞皮薄透，包裹著鲜嫩的虾仁与韭菜，口感鲜美，弹牙十足。清汤清澈而不油腻，汤底的鲜甜与云吞的馅料完美结合，令人一口接一口。我特别喜欢搭配拉面，拉面的弹性与汤底的鲜味相得益彰，让整体口感更为丰富。每一口都能感受到韭菜的香气，与肉馅的鲜甜交融。这道菜不仅色香味俱全，还让人感受到家的温暖。此外，我也尝试了韭菜鲜肉饺，饺皮同样薄而韧，内馅的鲜肉与韭菜搭配得宜，口感层次分明。无论是云吞还是饺子，都让人回味无穷，是一顿美味的享受。总的来说，这间店的云吞与饺子绝对值得一试！
继续阅读