大明星冰室

营业中

休息中

今日7月27 見呢度5洗等位 就入去試試 叫咗個咖＂哩吉列豬扒飯 先來一個紅青羅白中湯 味道、材料足 大概10分鐘後個吉列豬扒飯到了 試試個汁⋯⋯唉完全冇咖哩味點搞呀？塊豬扒就夠大塊的 不過以後未必再來了 ⋯⋯試吓新開果間何李玉茶記（之後再同大家分享下）

下午茶薯條配雞髀 1.雞髀肉質好嚡2.味道食落口酸嘅肉3.炸薯條凍嘅 我唔知道到底係食材問題定係佢醃製過程有問題正常情況  你生炸雞髀食落口應該係嫩滑多汁 除非你為咗效率提前蒸熟咗佢,之後有order再揼落去炸...否則冇可能肉質會鞋口,而且嗰陣酸味我放入口咀嚼咗幾下之後頂唔住𦧲返出嚟真係好難食 如果要比喻嘅話OK微波爐叮嘅雞髀都好食喎呢隻雞髀...我直接成個order退咗佢...之後轉咗吉列魚柳唔知係咩原因嗰啲魚肉有浸怪味...到底係因為嗰啲油炸得太複雜,炸得太多醃料香料會導致變酸咗嘅問題...定係魚唔新鮮或者未解凍直接揼落去炸導致有浸雪氣味...唔清楚但係嗰一陣奇怪嘅氣味真係好影響食慾 魚柳未開始用刀切,個叉一吉落去就已經碎濕濕,完全係叉唔起魚肉,要用撥嘅方法撥起啲魚肉放入嘴 到最後我都係冇食曬成個餐點,亦都唔想再轉... 費事畀人覺得我喺度搞事喺度玩嘢路過下次唔會再嚟 對於我嚟講冰室應該係一間餐廳 餐廳嘅評分係唔應該低過快餐店嘅但係而家呢一份餐點對於我嚟講老實講 連快餐店嘅工廠加工食品都不如 而且重點係...食完之後我返屋企嘅過程中,我成個胃都好唔舒服...不過可能餐廳嘅強項並唔

平日星期四下午3:30到聯和墟附近，三五知己當然要嘆個港式下午茶，經過見門外查看餐牌價格相宜，自由配搭選擇多，大家一致同意便入座。環境簡潔明亮，衛生情況理想，份量足，賣相佳。綜合各人意見，沙律不錯，大明星釀雞翼皮脆肉嫩，內是芝士蘑菇，紅豆朱古力醬西多士美味，粒粒紅豆入口即溶，朱古力醬沒有過甜，是西多士不配糖漿的另一選擇。其他就不過不失，反而雞髀就令人失望，瑞士汁的稍鹹，另一特大雞髀味道不合朋友意，他要用茄汁蓋過原來的味道來進食。

【北區】【大明星冰室】講起呢間餐廳好多嘢笑，雖然聯和墟唔近我屋企，但去到一見到佢個招牌成間明星酒樓咁，都唔知真定假就想笑。跟住去到食咗一次之後嗰日換手提電話，唔小心 delete 晒所有相，要喺社交媒體下載返，又係覺得自己傻仔。講緊嘅呢次我係食 $49 嘅特餐，主菜加 $3 要牛扒，加 $4 配出前一丁，個餐仲有「芝士火腿奄列」同半塊「牛油厚多士」，飲「熱奶茶」。味道上唔算非常特別，就算個奄列都係一般。所以我都幾心有不甘，叫多款小食先。叫咗 $23 嘅「忌廉芝士蘑菇釀雞翼」，明知食落會係咩味，不過夠熱辣辣，都唔錯，夾埋 $79 埋單。之後經歷咗鏟手機事件，既然冇晒啲相就不如食多次。今次食 $38 嘅孖寶下午茶，揀咗「焗白汁煙肉薯蓉」配「炸雞髀」。前者好一般，後者正常，加 $3 飲埋「凍奶茶」少甜，冇乜特別。叫埋 $34 嘅「芝士流心法蘭厚西多」，加 $3 飲「凍杏仁霜」，呢個組合好似仲好啲。埋單價 $78，我咁樣叫，可能仲貴過隔離枱四個西裝大陸人嗰張單。。。（地址：粉嶺和豐街37-43A號新景樓地下B-C號舖）#1amfoodie #hkig #foodiehkgirl #hk #ho

垃圾餐廳一間，嗌個蠔餅，等左成個鐘都唔黎，後尾黎既啲菜都上曬，樓面不停追廚房，廚房理都唔理，繼續唔煮，既然唔想整蠔餅，就唔好擺個蠔餅出黎俾人嗌啦，嗌完又唔煮，迫人取消

新正頭原本想往聯和墟食豬手同炸卷！點知仲未開工！ 一來行來行去找野食！ 見到呢間大明星嘅下午茶配搭幾特別就行入去試吓啦； 叫個薯蓉炸雞肶！ 其它地方通常是配薯條或沙律！來了見薯蓉都叫大份, 雞肶外皮香脆；但雞肉有超輕嘅雪味, 但整体都可以！ 下次試吓配意粉先！ 服務也不錯有下次

前身嘅冰室食過一次就無返轉頭，聯和墟本身冰室都唔係話好附，見轉咗手我今次就試試佢！我入到去後都係無乜期望咁叫左個沙嗲牛面，腸仔太陽蛋同凍啡多奶走甜，轉左咗後令我感覺煥然一新。.首先係佢既員工都好街坊feel, 大家氣氛唔錯唔話得上十分好嘅服務，但大家有講有笑唔錯。食物方面沙嗲牛個汁十分之濃，個汁溝咗落個湯連個湯都重埋沙嗲味，真心唔錯。再者牛肉有𡁻口實在，一啲都唔霉，牛肉入味相當唔錯，份量亦唔算少。至於個公仔面如果太快食會偏硬身少少，浸一陣湯會爽口啲唔會太軟，多士真心唔錯，牛油多又脆口。其他唔太特別，但整體食物質素都唔錯。.咖啡份量都大大杯，我一向飲野要比較多先夠，呢杯份量就啱曬我。咖啡同多奶個比例都符合我要求，味道本身都好飲唔係啲燶臭咖啡。.整體嚟講食物都唔錯，係價錢上都偏貴少少，早餐好似都食咗四十幾蚊，但都值得大家一試嘅！

聯和墟茶餐廳和冰室不少，今次試一間從未光顧的大明星冰室，地點在粉嶺和豐街37-43A號新景樓地下B-C號舖，在雅士餐廳的同一街道上。搶眼奪目的大紅招牌下午茶時間，冰室內有數位侍應有效率地送上餐牌下午茶餐的選擇有炒粉、麵，飯供應，可以飽肚的食物，價錢$46唔貴另有其他茶餐由$26-$35不等我本想食炒意大利粉，但不見餐牌有炒意，選擇了吉列豬扒配薯條，再加配凍檸茶少甜一杯($37)餐廳內人客不多，但食物都等了一會兒才上枱，廚房效率唔算快先來的是吉列豬扒配薯條，薯條份量足，切成粗條型狀，熱騰騰，但味道一般，吉列豬扒外皮脆，但唔鬆化，內裏的豬扒軟腍，沒有醃過的味道，不乾也沒有肉汁，入口味道普通不過，點沙律醬解膩倒是不錯，有兩片蕃茄伴碟， 沒有茄味。凍檸茶少甜，有三片檸檬，做到少甜，茶味正常，冰量不多也不少，合格的。下午茶餐來說: $37價錢不貴，但味道一般，無驚也無喜，我會試新店，暫時不會再到訪。不知是否有關餐廳名稱的由來

幫襯過幾次都係食早餐～～～～～～沙嗲牛米都正常 奶茶都ok～～～～～～～火腿蛋塊火腿都會煎下先上碟 唔係淥下普通茶記，可以放喺選擇之一！Not bad,,,,,,,,

今日同朋友一齊做下大明星先，坐享卡位，都坐得幾舒適，環境整潔。我地叫咗一個海南雞飯同一個 咖喱吉列豬扒飯。海南雞飯，賣相麻麻，雞肉色澤唔靚， 醬料味道唔得，冇味的，好似放咗好耐咁，啲飯都冇香味， 10分滿分佢只可以攞到4分！吉列豬扒飯配咖哩汁 ，個咖哩汁有啲似日式咖哩，黃色，杰杰地，冇咩味，少少甜 ，塊豬扒好大塊，成個碟咁大，要大胃王先食得哂如果想飽肚又坐得舒適，大明星冰室係可以的，但食物的味道就有待進步。完