影片
食家推介
原先谂住食醉药鸡，点知客满要排队等。于是走咗入去隔离间大捞家。点咗两个大套餐：海参花菇蒸肉饼 及 萝卜花菇鲍鱼捞面 再加一个小食 配炸牛腩。小食先上，卤过嘅牛腩非常入味，唔柴又唔会太肥，非常好食，配鲍鱼汁就其实得啖笑，就当冇咁热气，如果食得辣配麻辣汁可能会更好，又或者店家研究吓配泰式酸辣酱都应该唔错。之后就上套餐鲍鱼捞面，卖相OK。但三样野唔系好夹，首先汁唔够，做唔到捞面效果，萝卜只系白烚，完全冇鲍汁味，而鲍鱼有两只，虽然都几大只，但都系火喉未够，唔入味。唯一取胜系平….之后到我自己点嘅肉饼，佢系即蒸，因为等咗好耐，卖相唔错。但一睇就知出事，我初头谂佢嘅海参应该酿入去肉饼度一齐蒸，结果只系摆面，于是一食落口，又系参肉分离，肉饼还肉饼，海参还海参。肉饼普通唔弹牙都算，最大镬主角海参俾花菇同豉油抢哂味，除咗死咸，我系一啲都feel唔到海参嘅存在。简单嚟讲，我只系点咗个花菇肉饼饭….时人话香港经济差，无可否认大环境真系好麻麻，但自身问题都好重要，由入座都俾钱离开，我同家人系包场，讲紧系星期六晚深水埗7点，隔离醉药鸡同文记排哂长龙，就算你冇小红书加持，都唔会晚市连一个客都冇呀？唯一解释就系店员问题，店内一男一女职员。由入座到埋单都只系得个女职员做野，男果个成个古惑仔咁成碌木企喺门口，声都唔出多句，就算有人喺门口装装吓都系顶多讲句埋边有位就算，唔系赶客就系钱多，请著呢啲伙记真系自求多福（希望佢系老板啦）！唯一做野果个女店员，劲后生同靓女，似读紧书嘅学生妹，讲野怕怕丑丑细细声。作为一个时常行深水埗嘅独男，除咗高登班浓妆艳抹嘅笔电promoter ，呢个女店员绝对秒杀成条福荣街嘅食肆，绝对系深水埗之花，选港姐物姐实赢。我系老板一定摆佢出门口，派吓传单讲两句肯定引唔少毒撚入去食鲍鱼…唔怕生坏命，最怕改坏名。捞家？美女？鲍鱼？或者因为咁原因唔敢定唔俾走上前台吧！唔好心邪，我都系下次过隔离叫鸡算。
继续阅读
第二次食呢间餐厅，两次都系食佢嘅晚饭套餐。第一次食鲍汁萝卜牛腩饭。本来只系谂住填肚嘅心态，食落觉得超班㖞！牛腩炆得好腍，萝卜亦好入味同埋鲍汁亦都好清甜！佢仲送咗碗人参汤，味道好特别。食过第一次之后就想再试吓佢其他菜式，佢话咕噜肉系佢地嘅招牌，一试果然无失望！唔使冰镇咕噜肉嘅皮都好脆口，入边嘅猪肉肥瘦啱啱好！一个正式晚餐嘅价钱都只系50零$60仲要系feel到有用心去制作，本身想私藏呢间餐厅，但觉得小店都系帮手宣传吓啦！唔知系老细定系职员呢？成日企喺门口招揽客人入嚟食饭，但都好似冇乜客，希望佢地顶得住啦。
继续阅读
第一次来大捞家，一入店面装修不错，中午十二点多店内食客只有三枱，入座后见到桌上只有刀叉匙羹，没有筷子，要筷子就要向侍应取。见到餐牌上嘅咕噜肉饭非常吸引，我就点了这个跟人参汤另外加了一个鲍汁拼盘。等了几分钟人参汤到了，味道很淡而且冇人参味。然后到鲍汁拼盘上枱，萝卜冇味，鸭脚脚趾头有两只黑咗色的🤢猪手好硬完全唔淋，食唔到😵💫，猪肠太淋了完全冇咬口，整个拼盘味道都好淡味。隔离枱男士见我食猪手，佢点了个猪手饭，偷偷望到佢，佢咬猪手都系好费劲，最后佢个饭只系食咗一半都冇就冇食了。隔了十分钟，咕噜肉饭终于上菜，没有菠萝只有一小块青椒，黄椒，和红椒，咕噜肉外层非常脆，食第一旧以为里面全部肥膏好淋，第二旧咬开一半，发觉里面有肉但系都系非常之淋，冇肉嘅质感。埋单后去个洗手间，佢哋系男女共用一个厕所，入到厕所入面闻到好臭🤢，𠮶种尿味好难闻🤮，应该要两三个钟要清洁一下洗手间，特别系男女共用嘅洗手间！留多一秒都会想呕返个餐出嚟🤮！餐厅门面装修几靓都好，但厕所真系要勤力啲密啲搞搞卫生。隔离枱走了，店员用喷壶喷枱面然后抹枱，这样喷其实会影响隔离枱的食客，食客食完或食紧都系会影响到！如果一定要用喷壶入面嘅东西抹枱，攞布抹枱时，喷落布再行过张枱抹唔系会更好咩！店员见到食客埋完单行紧出店，都唔会讲多谢哂，拜拜，下次再光临等等说话，应该是我要求太高。唔讲食品质素，而家香港服务业员工都系咁差，咁冇礼貌，基本礼貌说话都唔讲，笑容都冇，点样令你餐厅有回头客，莫讲话令香港人在港消费。试过一次就算。
继续阅读
今日去深水埗办年货，本来谂住顺便食车仔面，但实在太多人。见到隔离开咗间小店，有花胶同佛跳墙，但价钱一啲都唔贵。二话不说就入去试吓。我哋两个人叫咗两个套餐，分别系海参蒸水蛋同海参冬菇蒸肉饼，仲配埋个人参汤。另外朋友追加$98有一个红烧汤翅。食物应该系即叫即做，所以要等5至10分钟，感觉店主对食材有要求。海参蒸水蛋亦唔少海参，蒸肉饼啲冬菇都好大粒，好味之余，觉得店主对食物亦都有要求。追加嘅红烧汤翅，有水准$98好抵°另外环境干净企理，店员亦有礼可亲。依家呢啲传统中华美食店，买少见少，肯定会多啲嚟帮衬。
继续阅读
📍 大捞家 (深水埗)深水埗福荣街101号地舖大捞家价格相对较经济实惠，适合广大消费者品尝，同时满足了人们对海味的渴望。如果你想品尝豪华海鲜的口感，大捞家是一个不错的选择。👉 招牌咕噜肉饭 跟 可乐💰$62😋😋😋😋.8/5招牌咕噜肉饭绝对是一道令人垂涎三尺的美食。首先，咕噜肉的肉质非常嫩滑，完全入口即化。肉片上的酱汁浓郁香浓，充满了丰富的酱油和五香味道，令人回味无穷。米饭吸收了咕噜肉酱汁的风味，使整道客饭更加美味。👉 花菇拼鲍鱼饭 跟 可乐💰$62😋😋😋😋.7/5鲍鱼的质量非常出色，口感鲜嫩，弹牙有嚼劲。它与花菇的搭配非常契合，花菇的香气与鲍鱼的鲜味相得益彰。米饭与鲍鱼和花菇的搭配非常完美，米饭吸收了鲍鱼和花菇的汤汁，增添了丰富的风味。👉 红烧鲍翅💰$98😋😋😋😋.6/5红烧鲍翅的烹饪技巧非常高超，让鲍翅保持了弹牙的口感，而且充分吸收了红烧酱汁的风味。质量非常出色，肉质鲜嫩，口感丝滑。红烧酱汁浓郁香浓，带有微妙的甜味和丰富的香料风味，完美地融合在鲍翅的肉质中。红烧酱汁的滋味与鲍翅的口感形成了完美的平衡，令人回味无穷。回头: Yes，三道食物各有特色，都是令人垂涎的美食。招牌咕噜肉饭酸甜开胃，花菇拼鲍鱼饭的组合完美，红烧鲍翅则是一道奢华的佳肴。不管你选择哪一款，都能带给你美味的享受！
继续阅读