大快活 (翠怡商場)

营业中

休息中

## 打完籃球後嘅大快活早餐今次星期六早上，打完籃球同爸爸媽媽去大快活食早餐，雖然人唔算太多，但食物要等大概15分鐘先有。### 食物評價1. **早餐選擇**： - 我哋點咗兩份煎蛋、吐司，仲有一碗意粉。食物一貫水準，煎蛋煮得啱啱好，蛋黃流心，配埋吐司，味道不錯。2. **通粉**： - 通粉方面，雖然有少少普通，但加埋番茄醬，味道都幾好，適合早餐食。3. **飲品**： - 奶茶味道可以，唔會太甜，正好配合早餐，令人感覺清新。### 總體評價整體來講，呢次大快活早餐雖然要等，但食物質素保持住一貫水準，味道都唔錯。打完籃球之後，能夠享受呢個早餐，真係大快活！

不快活的大快活 啲員工係咪好大壓力加壓力喺食客度呀？ 要豬扒包 問我要牛定要魚柳 ？ 唔係豬扒包咩再次只問牛定魚柳？自問自答： 啊！無豬嗎？ 咁牛啦！見到啲員工 每日都好似唔快活 真係諷刺

今日叫咗個大快活早餐，吉列豬扒脆皮腸+1個雪菜米粉， 然之後佢嘅吉列豬扒味道唔錯幾香口，可能係啱啱炸出來。 佢仲有一個多士可以食至於脆皮腸方面味道就正常同普通脆皮腸冇咩分別，佢嘅雪菜米都幾好味，個湯汁同米粉好配合可以試吓。非常推介價錢親民

位於翠怡商場的大快活，地方大人流不算多。繁忙時是一個不錯的選擇，今次叫了鮮茄汁豬扒紅米飯。味道不過不失，營養十足，適合愛健康嘅客人。最欣賞之處係可以要求多飯或多汁或多配菜。溫馨提示，若然當日有另一款醬汁亦可要求更換醬汁。 大快活彈性要求，做得不錯！整體來說，餐廳環境闊落，員工人數亦較多注意衛生。周不時會有兩至三位員工巡查衛生情況，尤其是現在疫情問題。可見這間大快活做得相當出色。當想不出食什麼時，大快活不妨事一個不錯的選擇。

今日由於天氣太熱，中午實在不想行太遠，於是乎就在就近食飯。而附近並沒有太多選擇，所以就去了快餐店—大快活。通常我去到大快活只會在兩個飯之中選擇一個， 一個是咖哩牛腩飯，另一個是焗豬扒飯。今次就選擇了焗豬扒飯。焗豬扒飯是以炒飯作為飯底，再加上豬扒，芝士，番茄和菠蘿去焗。這個焗飯好食在豬扒一來夠大件，二來夠厚，重點係夠軟滑。而番茄和菠蘿口感酸甜，令人感到食得開胃。至於美中不足的地方是炒飯有點碎乾，如果沒有汁的話就有點難吞嚥。整體來說，味道不錯，價錢中上，可惜沒有套餐，額外要買飲品又要花錢。

本來想去稻香吃特價的$1雞，但要等很久才有座位，於是改到對面的大快活，因為大快活連一半的入座率也沒有。點了一個咖喱牛腩飯，一個牛肉火鍋。牛腩飯忘了拍照，質素就是快餐店水準，牛腩不會太硬，但也吃不出什麼特色。火鍋可以選冬瓜湯底或沙嗲湯底，我選的冬瓜，湯底感覺有點冬瓜的甜味，用的排骨是咸排骨，去火，夏天火鍋必備。不過牛肉就非常麻麻，我對快餐店火鍋的牛肉本來已沒有要求，但牛肉質素不高就不應該厚切，現在這個牛肉熟後可以站着不倒，吃下去十分分厚實、韌。其他配料質素也只是普通貨色，丸類感覺粉十分多，完全不彈牙，唯一是用腐皮包着的不知道什麼肉帶點鹹香，幾有特色。

翠怡商場的大快活 晚餐點了沙姜雞套餐 已食完才在蘸料碟裡發現小強 告訴工作人員之後 竟然連sorry都無一句就直接拿走個碟 後來也沒有任何工作人員來給我任何交待or道歉 咁樣的服務態度令我好震驚

大家有所有不知，放完工番屋企真係已經好攰，有時真係好難再煮飯，咁唯有幫襯快餐店﹗好在而家啲快餐店都有啲叫餸食飯的感覺，熱熱地，真係講真，好味過我煮嗰啲﹗我叫左個蝦仁抄旦，佢真係好有進步﹗其實我以前食係超咸的，但由於我太愛吃旦，我又忍唔住唔怕死咁又叫黎食。但今次好好喎，味道啱啱好，啲旦都幾滑架﹗蝦大家都唔係好諗住佢係親鮮靚虾，佢無乜味，不過佢啲肉都係實的的就叫唔錯架啦﹗另外仲有叫個咖喱牛腩飯，你話我唔識食又好點都好，我係幾鍾意呢啲港式咖哩，佢又無日式咁甜，又無印度咁SPICY，將啲汁全部倒入飯黎餸，滿足了﹗牛肉都有一定水準，瘦但唔老，性價比高﹗其實餐廳入面我見著有時都好多打工仔，有時我都真係唔想咁趕夜晚返屋企煮，就等我慢慢，以平民價錢享受一個可以慢慢食的消閒晚餐吧﹗

大快活邊爐，其實應該是最容易找到位置，而且沒有人強迫你搭枱的火鍋店因為本身個托盤比較大，而且一個火爐，上面盛着火鍋，旁邊有一碗烏冬，另外又有一碗雜菜以及春卷等等，另外還要有方形碟盛著肉類，還有火鍋時，以及食客可能自己會加入的青蔥以及蒜😏等等調味料。兩個人用四人枱，都已經放得滿滿的。牛肉的份量好像只有四安士，非常之細店，但是將牛肉揚開做兩片，還是可以慢慢吃的，牛肉的確只需要煮數十秒，即可夾起來吃，味道欠奉，比較淡味。蔬菜籃的選擇也不少，有些生菜，有些其他菜，放進辣雞湯底就會比較濃，而且不會極之辣。蔬菜籃裏面都有兩種我不吃的東西，例如南瓜或是金菇，但是魚肉春卷我覺得味道都不錯，不如南記春卷那麼脆皮，但是魚肉還算有點香，外邊腐皮也有點味道，有點兒可扮作南記那款春卷。烏冬雖然說不上像那些日本到庭烏冬那麼彈牙煙韌，但是煮完後都不算完全林掉或是完全沒有口感，因此味道還好。唯一可惜的是，套餐是沒有包括飲品的，要另外加錢才會有飲料。雖然味道普通，湯不算太濃，但是$60-70的火鍋來說，其實份量還是足夠的。

今個秋季 大快活出咗麻辣雞湯嘅打邊邊，另我最意外嘅係佢出咗嘅8安士同4安士嘅肥牛係好嫩好同好香牛味! 麻辣雞湯真係好麻辣，比起以往嘅湯底真係做得唔錯。同埋一個人嘅份量食4安士嘅剛剛好，如果係食肉獸鍾意食牛嘅叫8/16安士，啖啖肉 一定滿足到你

茶餐有奶醬厚多士/ 搾菜肉絲米粉, 厚多士係最基本的質素, 奶醬用小容器裝住,俾客人自己搽, 呢個係比較聰明的改變, 諗法人性化亦無須因應唔同客人要求作出調整, 附送一條標準雞肉腸, 搾菜肉絲米粉亦係正常size, 所以呢個定價明顯係比另一間"大字派" 抵食夾大件的戰略, 雖然大快活的茶餐選擇同樣不多, 但如果呢個抵食夾大件的茶餐啱食的話, 其實係一個唔錯的選擇, 此店平日下午茶時段重要係大把位任坐添!

若果未肚餓又唔趕時間，等到兩點先去食下午茶都係一個好選擇。下午茶餐雪菜肉絲麵、珍寶腸、厚多士、熱檸茶只係$24，非常抵食。雪菜肉絲好惹味，米粉亦不會太硬，食落唔咸，份量啱啱好。厚多士唔會烘得太燶，仲配埋花生醬同煉奶，味道一啲都吾dry。成個餐食落都好飽肚。

今日放假去左朋友屋企附近的大快活食下午茶，好快我就選擇左雞蛋沙律包拼春卷連可樂一杯，至於我朋友就揀左燒鴨湯米粉連可樂……先講我的雞蛋沙律包，好好食好野味，D沙律醬甜甜地好啱我胃口，至於春卷都唔错，一食就知新鮮即炸，夠晒脆口！我朋友食的燒鴨湯米粉都唔錯，燒鴨肉質好嫩口，食落完全一D都唔會覺得嚡口，个皮食落仲要脆卜卜夠野味，D米粉由於索晒燒鴨的味，所以食落好好味，正到痺！最後飲埋杯冰凍可樂，簡直是完美滿足的一餐下午茶！

由於朋友住係青衣區，所以一早就走左去他屋企附近間大快活度食早餐，我地好快就點左煎雙蛋雞扒餐連一杯可樂同埋皮蛋瘦肉粥+夢白糕連一杯凍o茶一齊share食！首先試左個煎雙旦，好滑好有蛋香味，味道都算可以，跟住就食雞扒，煎得算唔錯，肉質唔會太嚡口，仍然好嫩口，好有鲜味！跟住就試下我至爱的蘿白糕，煎得好香口，好惹味，好有水準！至於個皮蛋瘦肉粥味道都算唔錯，食落咸咸地幾好味！最後飲埋杯飲品，夠晒冰凍，透心涼，呢餐食完好滿足好飽，大快活始終是屬於香港人的地道快餐店！平、靚、正！！

已經有一段時間冇黎呢間大快活，今日收工同屋企人再黎下午茶叫咗一份熱狗凍O茶西多雞翼，可樂對上一次黎就覺得幾好，但今次真係要減分喇先講隻熱狗，未食已經感覺一般，你睇吓個賣相……火山爆發咩散哂出黎，而且稍稍過火咗少少飽底色澤太深慶幸食落味道還可接受，至於西多，以前黎食係即叫即炸，但今次一食落口就知係一早炸定放喺暖櫃啦，唔夠熱，而且中間部分開始淋，完全冇咗以前覺得好食既口感雞翼味道可以保持，但又係一早整定，只有微暖，所以呢餐真係覺得大快活既水準下降咗囉，希望主管能留意吓以上問題而作出改善吧