大快活 (京都廣場)

营业中

休息中

晚餐我揀咗「茄汁大骨豬扒焗鐵板」，套餐包餐湯、飲品，仲送雪糕杯，$68 價錢算親民。鐵板上枱時熱氣四散，茄汁酸香即刻撲鼻而來。大骨豬扒煎得金黃，邊位微脆，肉質紮實有嚼勁，配上酸甜平衡嘅茄汁，味道開胃。伴碟嘅肉醬意粉份量唔少，肉醬香濃，混合茄汁後更惹味，不過意粉煮得偏軟，鍾意爽口口感嘅朋友可能覺得一般。餐湯係羅宋湯，酸甜適中，蔬菜煮得入味，暖胃又解膩。飲品我揀咗熱檸檬茶，雖然茶味唔算濃，但檸檬香氣十足，搭配主菜剛好平衡油膩感。最後送嘅雪糕杯雖然係簡單甜品，但冰涼香甜，作為餐後小確幸都唔錯。整體嚟講，呢款鐵板套餐夠熱、夠飽、夠抵，適合放工後想快靚正食一餐嘅人。🍝🍖🍦

今晚加班到八點，諗住獎勵自己，搵個地方開開心心食餐飯，最後揀咗大快活。雖然係連鎖快餐，但勝在夠快、夠方便，最重要係有位坐，唔使等位，已經好窩心。我叫咗海陸空鐵板燒套餐，內容非常豐富，有炸魚柳、豬扒、雞扒同腸仔，一次過滿足晒三種唔同肉類口味。魚柳炸得香脆，唔會太油；豬扒夠厚，微微焦香；雞扒嫩滑；腸仔亦都香口，整體味道唔錯。再配一碗周打魚湯，湯底creamy又唔會太鹹，暖胃又夠味。我額外加咗$4配一碟醬意粉，醬汁掛得均勻，意粉軟硬適中，意外地唔錯。仲加咗杯可樂同餐包，總共$71，以夜晚嚟講算抵食，份量充足，食完好有滿足感。雖然唔係乜嘢高級餐廳，但喺繁忙加班之後，呢餐簡單又溫暖，令人真正感受到快餐都可以好貼心。

經常嚟呢度食早餐.喜歡佢早餐有多款特價.呢度職員平時服務幾好.不過今次唔係堂食又不是早餐.今日係外賣....見到廣告外賣鹽焗雞免切$49.是日去開糖街陶寶取貨.記得外賣原隻雞四十九元.專登行過嚟買番隻.當時係一點十五分同收銀講.要一隻鹽焗雞外賣.點知收銀回覆話此外賣是兩點.噢！咁我唯有講我轉頭過嚟買.收銀立即回應等等...連隨走去廚房區問.好快同我講廚師幫我即做.大約二十分鐘就有.我當時很開心.大約二十分鐘就取回家了。首先要講呢度服務真係有心.多次堆出不同特價外賣或堂食.佢哋啲關愛長者卡也可以減$3我經常囉我爸爸或媽媽的客來用佢哋都照做比我..我次再要讚就係明明規舉兩點先有特價外賣.收銀肯幫我嘗試去要求厨房做比我更難得係一點多仍算午餐時間.廚房都可以專登做給我.呢啲咁嘅服務態度真係稱得上用心！至於食物（鹽焗雞）味道就普普通通..因為他們咁用心服務態度所以專登寫個食評來讚

lunch time同同事去咗大快活搵嘢食 見到餐牌每週驚喜 - 泰式燒雞上髀拼珍寶腸肉燥飯配凍綠茶 決定一試 燒雞上髀啖啖都係肉 好鮮嫩 口感唔錯 但唔係好大塊 至於珍寶腸就唔好食 皮唔脆嘅飯方面可以免費轉紅米飯或者意粉 肉燥都唔算多 搭埋蔬菜 仲有杯熱飲 性價比拉滿分

收工行到週圍都唔知食咩好，岳高頭見到呢間嘢，唔使諗上去睇下有咩食，竟然見到有個咁嘅雜扒餐，嗰幅圖好多食物好豐富就試下啦，酥皮湯好脆隔離嗰個包就唔知做乜，雜扒嚟講都算細件，條腸最正，個汁可以，七十幾蚊呢個價錢食到咁多嘢冇得挑剔。

每一個早上我都會去大快活呢度食早餐因為比較近公司，雖然人流都比較多！好彩大家都係快食快走！但係午市時間真係太多人啦！一定要買外賣😆我喜歡他們的早餐是因為比較新鮮！而且味道亦都比較傳統！而且他們的服務很好！

平日來到銅鑼灣食lunch，最緊要就係平靚正，而且仲可以用消費券；見到佢新出咗個白咖喱鴛鴦湯粉，毫不猶豫試咗碗粉嘅味道係有白咖喱嘅，但你唔好期望超級濃郁，係淡淡味的；仲有兩個豆卜仔鎖晒啲味至於啲配料，有兩隻雞翼，都幾好味！仲有兩塊扎肉，係有煎過所以好香口；然後仲有一大塊豬柳，比較林，因為佢唔係豬扒整體來講$50來說都算幾豐富，其實我平時好少食飯，次次去親大快活呢類快餐都係鍾意焗意粉，所以呢啲粉面我就有多啲選擇

今期鐵板餐有雜扒 (牛, 豬, 雞) 再加一個飯真係好抵食用 wechat 付款還可以減十元即是 $48 一個落左單等5 mins 仲有專人送上台就算雜扒唔夠飽,加埋個飯咩都夠食比大家樂好食

最近大快活同大x樂早餐時段都有出"蕃茄乜乜炒蛋"系列我今個星期試晒兩間既呢個系列，不過大快活真係差好鬼多淨係比較個炒蛋佢係一d蕃茄粒都冇，只係一pat茄醬，頂多只係有d咁多既茄蓉pay茄醬仲要搶晒d蛋味，我完全唔覺得自己食緊炒蛋囉，而且咸到爆佢對手既蕃茄炒蛋起碼都有少量蕃茄粒，同埋冇醬，真係食到其他配料既味道其他：薯餅味道ok但係勁散，完全叉唔起，同埋都幾細塊火腿通粉同綠茶都冇問題，還好服務都冇問題 (我見呢度d食評話呢度既服務唔好又趕客，我又唔覺)

正所謂「一日之計在於晨」，早上當然要有滿滿的力量迎接新挑戰，那麼一個豐富的早餐當然不少得！🥰如果要平靚正，我就會挑選大快活的早餐，多士+蕃茄通+魚柳+飲品，都只是35.5，真的抵到爛呢！😁多士是厚多士，配合牛油吃正正常常！魚柳剛炸起，熱辣辣很脆，加上檸檬僻腥，想得很周到，點上魚柳醬很美味。😋蕃茄通很有蕃茄味，而且有腸仔作配料，會更飽肚一點。最後飲上熱檸檬水就剛剛好，早上已經充滿力量了！一個早餐只是$35.5，性價比實在太高了！🥰

以前成日上來買早餐，食物其實都係一般啦，奶茶又不及其他快餐，不過位置較大x樂方便，而早上服務員無論收銀或廚房叫飛的員工都非常有禮貌。不料隔了一陣子再來，咩事啲員工態度差了咁多，來買個外賣要受員工氣其實而家佢哋啲下午茶已經貴咗好多，選擇又少，不過趕時間，是旦啦，餐肚緊要，買咗個茶餐加個「上海麵」就比錢。個收銀員應該忘了打上是外賣order，攞餐時他們上了堂食比我，我發現時同個員工講話「是外賣的」，那個員工竟在我面前丟野，然後轉身口念念的，當然她扮作不是發脾氣，是不小心弄丟東西似的，但她那咀臉及態度令人很不舒服，跟我以前看到的服務員質素差很遠。服務態度講完講返食物，其實以前成日都幫襯佢地燒雞脾，又香又多蜜糖，不過今次食好似沒有以前這麼大及稍乾，不過明白百物騰貴，個味都ok👌🏻但個雪菜肉絲麵真係唔好食，有點腥...浪費金錢加左個麵，同等價錢可能加隻雞翼仲好！

好耐冇黎大快活度食嘢啦🙈🙈，之前一路都話佢啲紅米飯好吸引，但係我哋都係未嚟食過。😢😢😢今次經過大快活又發現好耐冇食過，所以就入去睇吓有咩食。😺😌😺😌發現原來大快活都幾好食，起碼個扒好過上次大家樂😂😂😊😊，然後個豬扒飯又好貼心咁加隻碟畀我地，加分。👍🏼👍🏼成餐比以前好食多了，而且非常智能化，放個機喺枱面，就有人送上嚟，唔洗問，已經比埋杯水我地，怪唔知得好多嘢都sold out 啦。👏🏽👏🏽

前幾日係大快活食過簡簡單單嘅晚飯覺得唔錯，呢日經過銅鑼灣駱克道呢頭，又決定再次幫襯大快活。本菇忌廉蘑菇汁雞胸紅米飯套餐 ($45)，賣相一般，唔算好吸引，味道中規中矩；不過可能因為用左雞胸嘅關係，食落肉質嚡咗少少。另外，話就話係紅米飯套餐，不過白米仲多過紅米。😅今時今日，樣樣嘢都咁貴，呢餐畀咁嘅價錢，梗係唔敢有咁多要求。嚟大快活呢餐都算經濟實惠之餘，食得健康啲。

今日食個粟米肉粒飯加個合掌瓜眉豆日月魚豬踭湯$38+$7粟米肉粒餸少，份量不多，些菜又硬，好似不熟個湯好細碗，得幾粒花生，沒有肉，合掌瓜沒有去皮，完全不覺得飲緊豬踭湯不過個湯都可以，不會話味精多，都算清只於佢地11:30都仲未有午餐，只得燒味飯，沒有其他選擇人地大家樂11:30咩都有，選擇多坐到11:50分先開始派午餐餐牌，超唔like

我地一行4人約8點45分到本店，大家都點了一人一鍋，由點餐，送餐，碌野食，差不多9點10先開始食到，到9點45分服務員提醒我地就關門，咁就開始收拾我地唔要既碗碟先，都冇問題既，我地已經冇停過咁食，打邊爐都要碌熟左食物先放得入口，想快都冇得快，到10點鐘，應該係佢地關門時間，一班職員坐晒係我地附近，因為我底頭食緊野，聽到有人問點解唔閂燈，朋友同返我講有個女職員對住個男職員講，男職員冇理佢亦冇閂燈，之後我又講到個女職員講遲左5分鐘，比人XX啦（粗口）。第一，我地唔係特登慢，未熟點食，第二，職員都冇理由係客人面前講粗口。我地4人十分不滿，最後我食剩半碗烏冬都冇食走左。